ZUAUTHEI THUHILH SIATE(2Pit2:1-3)

1. Tu-in note kiangah zuauthei thuhilh siate hong om ding hi.

Tuhun ciangin i gam sungah zuau­thei thuhilhsia tampi hong om takpi to hi. Hih zuauthei thuhilhsiate in Khris sungah thu­um mi taktak ahi ngei lo, amau hamphat nading a zong a huaiham mite ahi uh hi. Thuman nasem banga amaute kineihna Sa­tan in paktain Satan vanzat suak uh hi ci hi. Lai Siangtho simna le thungetna tawh nungta lo ahih manin thuhilhna man lo tawh pawipi makaih hi. Zuauthei thuhilh slate pianzia kiallap tawm en ni.

(a)    Sianthona sungah pawipi makaih lo hi.

(b)    Thuman thutak but nadingin siatna lang pan lo hi.

(c)    Lai Siangtho simna leh thungetna nun­tak pih lo hi.

(d)    Farisaite lungsim puakzia mah nei-in kiniamkhiat nopna nei lo hi.Article

(e)    Ama hamphat nading zongin Topa sum tungah zahtakna tawh thumanna lung­sim nei lo hi. (Hilhcian LST pg 1582-83)

2. Thuhilhna man lo hong Lutpih sim  ding hi.

Zuauthei thuhilhsiate in Pasian mai­pha zong loin mihing maipha zong zaw hi. Lai Siangtho cih bang thuhilhna man gen lo hi. Mite lungkimsak nading mihing deihdanin heikhia hi. A mite in ahi mah sa uh hi.Banghang cih leh amau thuhilhna man lo ahih lam kuama upmawh loh nadingin a mite lungkim theihtheih nading thugenna tawh khim uh hi. Zuauthei thuhilh slate makaihna sunga om thu-urn kici mite in Mk.8:23-24 sunga kigen mite singkung pal bangin a mu mittawpa khuamuh tawh kibang hi. Thuhilhna man lo tawh a kimakaih pawlte in muhna siang lo thu-urn kid mi Iaklawhte ahi uh hi. Hibang mite in gammial nasepna ading mi dongkholh mahmahte ahi uh hi.

Zuauthei thuhilhsiate in mite lam a khialsak thei thuhilhna man lo hong hilh ding ci-in LST sungah a om mah bangin pastor pa khat in a mite ahi ding tawh a kibang thuhilhna man lo hilh hi. Tua pastorpa makaihna sunga om thu-um kici mite in thu-um lote milim biakna dawi biakna an le tuite ne uh hi. Banghang cih leh a pastorpa in “Na lungsim uh ah kisuanna om kei peuh leh thungen in ne un” ci-in hilh hi.

1Kor.10:20-22 “Thu-um lote’biakna in Pasian a biakna uh hi loin dawi gilote a biakna uh ahi hi. Note dawi gilote tawh na kipawl ding uh ka deih kei hi. Topa’ hai le dawi gilote’ hai na dawn­khawm zo kei ding uh hi. Topa’ sabuai le dawi gilote’ sabuai ah an na nekhawm zo kei ding uh hi, Topa a heh nadingin phin ding ihi hiam?”2Kor.6:17-18″Tua ahih ciangin tuamite lak pan paikhia unla, a tuamin om un. A siangtho lote na lawng kei un. Note Pasian ka hi ding hi. Note zong ka tanu ka tapa na hi ding_uh hi. Vanglian Topa in ci hi.”

A tunga i gen pastor kicipa mah in “Thu-umlote kiang pan zong ngah nuam ihih teh sumdongin hong pai ciangin pia ciat ni” ci-in a mite hanthawn hi. Bang hang cih leh kum sim December hong tung leh thu-um

lote kiangah sumdongnuam uh hi. Thu-urn lote amau biakna vai tawh sumdon ngah sumte’n milim biak­na dawi biakna ading ahih manin piakhuai maw, piakhuai lo? I khentatna tungtawnin Pasian in thu hong khen na ding hi.

 

Zuauthei thuhilhsiate in thu urn lote kiangah Lungdamnathu genin kineimah leh zong a vawh khaicite in khaici man lo ahih manin tua zuauthei thuhilh siate tungtawn a kikhel a kicite in gammialnasepna a susia mite suak uh hi. Bang hang cih leh a masa lamin ahi ding mah hong bang napi a sawt loin thu-urn lote muhna ah Christian a cih in a muhthadah­huai mahmah biakna a suaksak mite ahi uh hi. Zuauthei thuhilh siate in thuhilhna man lo tawh mite a makaihna pan a piang upna man lo, muhna siang lo, katsuannate in Pasian min le Lungdamnathu ading supna lianpi piangsak hi.

 

3. Amau gamtatzia hoihlote mi tampi  in zui dng uh hi.

 

Zigu pastor khat om hi. A siapa gamtatzia a sianote in zong zui pah uh hi. A siano khat in a siapa mah bangin zi gu hi. A ziguk theih nading a siapa’n panpih hi. A sawt loin a siano khat leuleu in a siamaneu khat tawh nupa suahna om lopi’n a utbangin gamta uh hi.

 

Thunget thadah pastor khat om hi. A mite thunget pantah lo pahphot ahih manin a pawl sung mite zong a siapa mah bang khin uh hi.Thunget thadah pastorpa in laitan zong a nei lo, thu-um lo pan a ki­khel a tapidaw nuntakna mahmah zong a khanghann mi ahi nai lo hinapi siadangte sangin kitheisakzaw kithupisakzaw hi. Ki­niamkhiat nopna lungsim nei loin Farisaite omdan khawldan tawh kilamdang lo hi. Tua Farisai siapa makaihna a sianoten zong a siapa’ dan teng mah sulzuih uh hi.

 

4. Sum a ngah theih nadingin zuau­thu hong gen ding hi.

 

Zuauthei thuhilhsiate in Lt.121:2 na sang zo lo uh hi. Banghang cih leh Pasian­zia ngak zo lo uh hi. Pasian mitsuan nawn loin mihing bek mitsuan hi. Sum neizawdeuhte’n sum a piak thanop nadingin awzol kamkhum tawh paulap tuamtuam nei-in gendan siam uh hi. Amau innah ni khatin nai lang zong thu ngen nuam lo napi, a pawlsung cimawh zawngkhalte kiangah kum khatin khat vei zong pha zo lo napi sum nei zawdeuhte kiangah thungetsak dingin tung pahpah uh hi. Na sum hong Iaksak nuamin zuauthu gensiamna tawh hong pai dings ahi takpi mah na sa kha ding hi. Tua bang mite huhna sum na piak leh gammial nasepna ah supna lianpi a piangsak zuauthei thuhilh siate a panpih na hi kha ding hi. Nang ki­ang pan na sum bek mah a deih ahi hi.

 

Pastor Judah Siakazoh le a pawtte’n kumsim X’mas sumzonna in nei zel uh hi. Thu-urn lote kiangah sumdongin vak uh hi. A siapa in “sumdonna lawh tawi a sumdong hi lo hi hang, hong kipiak leh i la ding hi” ci-in a mite Satan’ ngian tawh tha pia hi. Sumdonna lawh taangin githa khat tawi-in sumdong uh a, sumdong kei leh nek le dawn vaihawm zo lo uh hi.

 

1.Kor.9:18b “Lungdamnathu a ngaite zaangsak lo (sum beisak lo) ding in …ci hi.” Lungdamnathu tangko nuam takpi ihih leh mizawng daipamte kiangah i hihzawhna zah tawh va kalsuan leng Pa­sian muhna mihing muhna ah bangzah et­lawmzaw ding hiam? I tetci pan hong ngaihsak leh i laihawm hong simsak leh i utte kiangah sumdong a i paina hangir i gammial nasepna bangzah hong khaktan hiam cih a tuakkhate’n telsiam phadeuh uh hi.

3John.1:7 “Amaute in Topa min hangin thu-urn lote kiangah huhna la loin (sumdong loin) pai uh hi” I Pasian min ngaihsun leng thu-urn lote kiangah a sumdong a i pai ngam nading i painop na­ding thu om lo hi.

Zuathei thuhilhhamphat nading bek mah a en a ngaihsun a huaiham mite ahi uh hi. A pawl sungah zong sumpi tam theithei a ngah theih na­dingin thulu tuamtuam bulhin sumpi don vaihawm uh hi. Ahih hangin a thulu bulh bangin zang nawn loin amau hamphat na- ding bekin zang uh hi. Zuaukhemna tawh mite sumpi khiasak uhhi.

5. Hibang zuauthei thuhilhsia leh amite hangin thuman thutak

Zuauthei thuhilhsiate in sianthonasungah pawlpi makaih lo, thuman thutak but nadingin siatna langpan lo ahih manin a pawl sungah siatna namkim tawh kidiah hi. Pastorpa khat makaihna pawlpi neu khat sungah numei paktat, mibum, mi that, zukham, dawi tawh kikop mi cih bang om zihziah mah taleh a siapan kitheih-mawhbawl, kizakmawhbawl lel hi.1Kor.5:- 11 sunga, “Tua bang a hihte tawh kikhawl lo tham loin an nangawn nekhawm kei un” a cihte a pawl sungah vakthau hi.

Thu-um kici tua bang mite a kim a .Dam a thu-urn lote’n bangci muh ding cih i mitkha i bilkha ah a bulh thei dingin kong lamen hi. Hibang zuauthei thuhilhsia le ama makaih mite a omna khua ah thuman thu- I tak Lungdamnathu in kosiatna thuakin gam mial nasepna ading supna lianpi piangsak takpi hi.A tunga i kihopsawm thute pen ahi takpi thu ahi hi. Thuhilhna man lo tawh pawlpi a makaih slate min i gelh ding ki­lawm lo ahih manin a lem thei bangin ihihi.

Pasian kammal thuman thutak hu nuam a siatna a langpan nuam, Pasian min le ama gam ading deihluatna lungsim a nei, thu-urn lote kawmlak a om thu-urn mi khatpeuh in phattuamna a ngah khak leh cc ih lunggulhna ahi hi. Kicin lohnate hong maisak ciat un. Pasian min le Lungdamna- thu ading hits hen!

Laigelh:Thawng Cin Lian

Bilin,Monstate

ph:057-64290

Email: tclian57@gmail.com

Source:Zangkong Awging(Dec 2010)

 

Add your comment

Your email address will not be published.