Zi leh Nu’manpha te ih piandang zia te: Rev.Vung Za Niang

 

 

 

Paunak 19:14, Inn leh neihsate in Pate tung pan in a kiluah hi a, Zipil a
hih leh Topa bek in hong pia thei hi.
Paunak 31: 10, Zi hoih in suangmanpha sang in manpha zawpek a,a hi
zongin zi hoih ngah ding haksa mahmah hi.

1. A mah muanhuai hi. Pau 31:11-12,
a. A pasal in bangkim ah muang mah mah.
b. A pasal tung ah a khantawntung in thupha bawl.
c. A pasal tung leh a inn sung ah thusia tun ngei lo.

2. A mah nasep hanciam hi. Pau 31;13-15
a. Thanuam tak in na sem, gamla pi pan in an hongciah pih.
b. Inn sung zepdan siam in vanh hoih te kai khawm hi.
c. Zingtho baih, an nek ding bawl, zingvai ding hawm sak.

3. A mah sum lamsang ah huaiham lo hi. Pau 31: 16-19
a. Inn le lo leisawm, giim na ki cian nei , sum khol cinten.
b. Khutsiam na nei, Sum tuam nei lo, piaktuak te pia, huaiham lo.
c. Sumbei lo thei thei ding vaihawm in a sep thei zah sem.

4. A mah in mi hehpih hi. Pau 31: 20
a. Zin do nuam,mi tawh kipawl thei,lungsim hoih nei in cingh hi.
b. Mi zawng mi cimawh dongtuak te hehpih in huh hi.
c. A ma haksat hun,dinmun lui te mangil lo kiphasak lo.

5. A mah limtak in kizem hi. Pau 31:21-24
a. A ma pumpi, a lungsim leh a inn zong siangtho sak.
b. Kizep daan siam, a tate leh a pasal mi” mai ah etlawm sak.
c. A tate leh a pasal zahtak bawl in, mi’ mai ah pahtawi siam.

6. A mah in mailam hun ding lung patau lo hi. Pau 31: 25
a. A innsung vai limtak in van zo a hih manin buaina om lo.
b. A tate khalam lunghimawh in biakinn tun, gupngah ki tel.
c. A tate pil ding deih sak, sang kah zawk nang hanciam pih.

7. A mah in pilvang tak in pau hi. Pau 31:26-27
a. A tate mawk taai lo, adeih dan in pilvang tak in thuhilh.
b. A kam pau te khum hiat hiat in, min zak nop sa.
c. A mah tampau lo, tamsawl lo, in sep na tawh lak zaw.

8. A mah a tate in zahtak bawl hi. Pau 31: 28
a. A tate in it in ngai in NU’om teh nuam sa uhi.
b. A Nu uh zahtak in, a cih bangbang um in gamta uh hi.
c. A tate in Nu hoih nei kisa in milak ah angtang mamah uhi.

9. A mah a Pasal in it in Paakta hi. Pau 31:29
a. A pasal in zong it in ngai-in,a Zi inn ah a omteh nuamsa hi.
b. A pasal in paakta in nangkan in ahoih kuamah om kei ci hi.
c. A pasal leh a tate suak ni teh a mau limsak an te huansak hi.

10. A mah in Pasian zahtak hi. Pau31: 30-31
a. A mah in Pasian zahtak in, a tate biakinn ah tunpih hi.
b. A ma thunget nate hangin a tate pil in thupha ngah uhi.
c. A ma nuntakzia leh sep nate hangin mi ten zahtak uh hi.

      

                              HAPPY  MOTHERS  DAY!!

By Rev. Vung Za Niang #May 13, 2018