“ZEISU SUNGAH IH HIH NA” Nungnipi azom

5. MI DIK HIHNA (RIGHTEOUS)

2-Cor. 5:21 Khrih tawh I kipawlna hangin eite zong Pasian tawh a kibangin midik I suahtheih nadingin mawhna a nei lo Khrih pen eite’ tang dingin Pasian in mawhnei mi a suaksak hi.

2-Cor. 3:9 Mite mawhsakin thukhen nasepna-ah tuazahin minthanna vangtaang om ahihleh mite dik hi, ci-in genkhiat nasepna-ah a minthanna vangtaang lianzaw kan lai ding hi.

Rom. 5:16 Pasian’ letsong le mi khat’ mawhna a hatna zia kilamdang hi. Khialhna khat a om khit ciangin, “Mawh hi,” ci-in thukhenna kipia a, ahi zongin khialhna tampi tak a om khit ciangin a kilawm lopi mahin, “Dik hi,” cihna piakkhong thupha a om hi.

Phi. 3:9 Khrih tawh kiptakin kipawl khin ka hih manin Thukham zuihna tawh a kingah thei keima hanciamna tawh dik ngahna cihte ka nei nawn kei hi. Tu-in Jesuh Khrih upna hangin Pasian in ahong piak diksakna ka ngah a, tua pen upna siksanin a hong kipia ahi hi.

6. TATE HIHNA (Children of God)

John 1:12 Tua bang hitaseleh ama thu ngai- in amah a um mite khempeuh tungah Pasian’ tate suahtheih nading thu a pia hi.

Gal. 3:26 Khrih Jesuh tawh na kipawl manun note khempeuh Pasian’ tate na suahtheihna uh pen na upna hang uh ahi hi.

Rom. 8:15 Note tungah Pasian in a hong piak a Khasiangtho in note na lau nadingun sila-in a hong bawl hi lo a, Khasiangtho in Pasian’ tate a hong suaksak ahi zaw hi. Tua Khasiangtho mah in Pasian pen, “Pa aw, Pa aw,” hong ci thei sak hi.

1-John 3:2 Ka lawm itte aw, eite’ pianzia ding taktak a telin hong kilat nai loh hangin tu-in Pasian’ tate ihi hi. Ahi zongin Khrih hong kilat ciangin ama pianzia ahi bang teekteekin mu ding ihih manin amah I bat nading thu teltakin I thei hi.

Gal. 4:7 Tua ahih manin note pen sila hi nawn loin Pasian’ tate na hih manun Pasian in ama tate a dingin a koih khempeuh, note tungah hong pia ding hi.

7.GUALZO PENTE (More than conquerors)

Rom. 8:37 Eite a hong it Pa’ hangin hih thu khempeuhah a gualzo pente ihi hi.

1-John 5:4 Pasian’ ta ahite peuhmah in leitung nate zo uh a, I upna tawh leitung nate tungah a gualzo ihi hi.

1-John 5:5 Kuate in leitung nate zo ding ahi hiam I cih leh, Jesuh pen Pasian’ Tapa hi, ci-in a umte bek in zo ding uh hi.

Nungnipi May 15,2016 >>>

FGATulsa May 22,2016 Bible Study pan ki la kik hi.

no comment

Add your comment

Your email address will not be published.

%d bloggers like this: