“ZEISU SUNGAH IH HIH NA” By: Sia Khen Kip

1. Mi Thak (New Creation)

2-Cor. 5:17 Tua ahih man in mi khatpeuh, Khrih tawh a kipawl ciangin mi thak suak a, a mi lui ngeina bei –in a mi thak ngeina a neita a hi hi.(TDB)

Rom. 6:4 I Pa’ vangliatna tawh sihna panin Khrih a kithawhkiksak mah bangin eite zong nuntakna thak I nuntak theih nadingin tui I kiphum ciangin amah tawh kiphum khawmin a sikhawm ihi hi.(TDB)

Eph. 2:10 Eite a hong bawlpa pen Pasian hi a, Zeisu Khirh tawh I kipawl ciangin

I nuntakna-ah gamtat hoih a nei dingin a hong bawl ihi hi. Hih pen eite om zia ding a na ngaihsut kholhsa ahi hi.

ZAKKHIAS

Luke 19:1-10 – Jerikho khua-ah

– siah-dong ukpa

– tuntom khat

Mizawngte tungah

– neihsa kimkhat pia ding.

Mi khat peuh khemin a na ka laksak leh

– a zah li-in ka lohkik ding.

2. MAWH MAISAK NA NGAH

Late 103:3 Amah in ka mawhna khem- peuh hong maisak a, ka natna khem- peuh hong damsak hi.

Late 103:4 Hankhuk tung ding kimlai hong suaktasak a, itna le hehpihna tampi hong pia hi.

Late 103:12 Nisuah na pen nitumna panin a gamlat mah bangin I mawhna hangin gimnate eite’ kiang panin gamlapi-ah a nilkhia hi.

Matt. 9:6 Ahi zongin Mihing Tapa in lei- tungah theih nading thu nei hi

Heb. 10:12 Ahi zongin Khrih in mawhna hangin khatvei a piakkhit ciangin a tawn tung a dingin kimang ahih manin Pasian’ taklam ah tu hithiat a,

Acts. 13:38 Tua ahih ciangin sanggamte aw, hih Zeisu hangin mawhmaisakna thu note tungah hong kihilh ahihna teltakin na theih ding uh ahi hi.

3. PASIAN ITNA NGAH

John 3:16 Pasian in leitung mite hong it mah mah ahih manin ama Tapa a um mi khempeuh si nawn loin a hin tawntung theih nadingun a Tapa neihsun ahong piak dongin ahong itna a hong lak hi.

Rom. 5:8 Ahi zongin eite mawhna nei ihih laitakin eite a dingin Khrih hong si ahih manin Pasian in eite hong it mahmahna thu hong lak khin hi.

1-John 4:19 Pasian in eite hong it masa ahih manin eite in itna I nei thei hi.

Isa. 54:10 Bang hang hiam cih leh mual liante kihemin, mual neute a kikhin zongin nang kiang panin ka itna kip paikhia ngei lo ding a, na nopsakna ding ka thuciamna kinlo ding hi, nang a hong hehpih Topa in ci hi.

Jer. 31:1 gamlapi pek panin Topa kakilanghi. Keimah in nang kong it tawntung a, tua ahih manin nang’ tungah kong thuman tawntung hi.

Rom. 8:39 Leitung a om nate, leinuai-a om nate, Pasian’ bawlsa nate khat peuhpeuh in I Topa Khrih Jesuh hangin Pasain in eite hong itna tawh hong khenzo het lo ding hi.

4. MI SIANGTHO  ( Holy )

1-Pet. 2:9 Ahi zongin note pen Pasian in ahong teelkhiat minam, Kumpi siampi pawl, a siangtho minam, Pasian mite na hi uh a, khuamial sung panin a lamdang mahmah ama khuavak sungah a hong samkhia pa’ nasepna a lamdangte a gen khia dingin Pasian in a hong teel mite na hi uh hi.

1-Cor. 1:30 Ahi zongin Pasian in Jesuh Khrih hangin note tungah nuntakna hong pia a, tua Jesuh Khrih pen eite’ pilna, Pasian tawh I kipawl theihna, Pasian’ mi siangtho suakin, hotkhiatna I ngah theihna ahi hi.

T C L & T C T

Lev. 20:26 Note pen keima a dingin na siangtho ding uh hi; bang hang hiam cih leh Topa ahi keimah ka siangtho a, note pen keima-a’ na hih theih nadingun mite kiang panin note kong tuamkoih zo hi.

Heb. 12:14 Mi khempeuh tawh na kilem theih nading uh hanciam un. Nuntak siangtho (သန္႔ရွင္းျခင္း ပါရမီ) lo tawh kuamah in Topa mu zo lo ding ahih manin nuntak siangtho na nungta un. 

May 15,2016 FGATulsa Laisiang Tho sinna pan ki la kik hi.

May 22,2016 Aban >>>

no comment

Add your comment

Your email address will not be published.

%d bloggers like this: