Uappi Luanghawm nuamtak ki vuithei

Ih it i ngaih mahmah ahi Lia Cing Sian Uap @ Uappi luang hawm pen Oct 30,2013 ni-in lei ah vuina  nuamtak inki neithei hi.Zingsang nai 10:00am hunpan in alawnghawm ki enthei in,sun 12:00pm satlian teh FGATulsa Biak inn ah Uappi tawh ananung pen hunzat khopna ki nei theihi.Zomi te pen aki-it a ki ngaipha diakte te i hih na zanni athak in katel semsem hi.Zanni pen khuahun sia in sunthapai guah zuziahziah ta se mah leh Uappi a it angai mitampi tak amah tawh huntawp na zangkhawm ding in FGATulsa biakinn dim in ongpai uhhi.

Sanggamnu Uappi pen abeisa Oct 25,2013 nitak in Biak Inn ah Praise and Worship ong makaih lai-in tua ni pen eitawh Paisian Biakpiak khop na nanung pen ongsuak mawkhi.(Video na enin )Upmawh lohpi in ongnusiat vat ciangin aneu alian mangvom mangkang te nangawn in naki kisa in kidah mahmah hi.Amah pen atawntung in nuih maiden in,naupang zong it mahmah a,mi khempeuh tawhzong kithuah thei ahih manin akua maciat in pammaih kisa in alawm agualtampi te zong khitui luang lo in omlo uhhi.Asangkah na Jenks High School pan in zong Zato atunni akipan sangkahpih lawm leh gualte leh asia/mah te in,delhpah in ahu beidong mah alawm agualte in suntawh zantawh ompihden uhhi.FGATulsa khangno te ading in zongsupna lianpi khat hi-in naki sa thei mahmah a,Zato lup ni akipan a inn tawh zato tawh amunmun pan in thu ki ngetsak ziahziah in ahi zong in,Topa’n ama anglum ahtawlnga ding Oct 27,2013 nitak lam ciang in ongsap saktahi.FGAY

Uappi tawh ananungpen hunzatkhop na ah Rev.Pau Khan Mung in hunuk in Praise and Worship Team te leh mipi te in lasak ziahziah khitteh Rev. Thawng Khan Cin Taithul in hun khempeuh Topa tungah apna ongnei hi.Jenks High School pan in Sia/mah te leh lawm leh gualtampi te zong ong ki helthei in Uappi manglai siamahnu ahi Mrs.Connelly zong sangpan indahpih na lai ongsimkhia hi.Jenks High School sangnaupang te in zong mangpha khak na la ong sa in tuaban ah Mangboih,Kim Te, Lunnu, Heitui Momno te leh FGA Khangno te in zong abanban ong sak khit uhteh inntek lam pan thupulak na leh lungdam koih na ong nei-in Rev. Vung Za Niang in Inntek te ading thungetsak na  ong neih khit teh Innteklam pan in mangphak khak na la ongsa uhhi.Rev.Dr. Dam Suan Mung in hanthot na ongnei in atawp na ah ama thu ngetna mahtawh hun ki man hi.

Hanmual ahNgaklah veng cih la ki sa in, Rev. Pau Khan  Mung in hun ongmakaih in,hun khempeuh zong Topa tungap na ong neih khiteh Rev.Dr. Dam Suan Mung in lei ah panna ong neih khit teh “Leiba ineihi” cih lasa in siapa thupha piakna tawh hunki man siang hi.Guah zuzu mah tase leh azu aham thuak in Uappi luanghawm lei ah apna man siang dong ki om dimdiam tekhi.Zomi te ki itna leh cihtak na pen thupi ka semsem  hi.Tu tung adiakdiak in Video zaih pih Pa.Sawm  Lian leh Maan hoihtak ongzaihsak Tg. Pa Tuang, amapang mi khempeuh te tung ah FGATulsa Media Group te in lungdam na ong ko ung.

Topa’n a nu siat a innkuanpih te leh adahakap khempeuh onghehnemta hen

Add your comment

Your email address will not be published.