U-Turn Me Ticket hon na leh Concert nuamtak ki man

Abeisa April 26,2014 ni-in ongki tangkosa ommah bang in,U-Turn Me Youth Conference ading sumbul zonna in Blesseddraw ki bawlpen honna leh Gospel Concert nasia tak leh lungkimhuai takin kibawl thei hi.Hih Pawi sungah,Tulsa Zomi sungah lasiam ahi Kimpi,Sangi(Agape family Gospel),Iron Peace Band ,Zomi Gospel Concert te,Suihlun,Biaktung,Suanno,Solamon Tuang,Benjamin Lianpi,Pau Bawi,M-Group,Zomi Direction,MCC nu ngak te leh New Generation Dancer group te in Pasian minphat na leh laam na tawh Pasian ongphat ziahziah uhhi.Tua bek thamlo in khangno te in zong Praise and Worship tawh nasia tak in Piansian min ki phat ziahziah hi.

Ticket honna zong lungkimhuai takin kibawl thei in,amun apai theilo te adingin,Live in online ah kikhah hi.Hih Ticket honna ah,abei sa a,ki tangko sa mah bang in,USA gamsung muntuamtuam a tha ongpia te tung pan,ticket abul lam ong ki khak kik teng sungbek aki sang ahihi.Hih ticket hon na ah,anuai a,numbat teng in ongngah khia uhhi.

1St Prize iMac 2769- Thang Bawi Dim (Tulsa)

2nd Prize Washer & Dryer 1719 – Siamnu (Tulsa)31uturn

3rd Prize Tv- 2728- Thangmuan (Tulsa)

4th Prize iPadmini 1648- John (New Jersey)

5th iPhone 4s 1290- Suihlun (Tulsa) te in lung kim huai tak in ong ngahkhia uhhi.

Hih Ticket i bawlna pen vai khat peupeuh i vaihawm nop teh sumbulpi mah ki samahih manin,tua dingin aki bawl hi a,tu tung angah lote ahi zong angah te ahizong hih nong thapiak na hangun ongtungding June kha 12-14 sung i Conference bawl ciang in,agah tampi muding in ihlam en hi.Tua bek thamlo hamsa tang pi a,ong zuaksak te tungah zongnakpi tak in ki lungdamhi.Tua kawmkal pan in hih Pawipi ading a,upna kamciam ongpia pawlpi mite leh thu um akua ma ciat i nong piakkhiat na hangun,khangno tampi te nuntak na kikhel in i Topa kiang ah ong U-Turn kik ding hi cih ka lamet na lianpen uhleh ka thu ngetna bulpi uh ahihi.

Ticket honna pawi mankhit ciangin ongpai khempeuh Taakoo a lim mahmah ki vakin,khat leh khat kiho in tutung ipawi pen nasia mahmah,tawmvei sunghun ongbei pah mawk nop taktak ei,June kha teh pawipi ah ki helhamtang ni tu in i nasep napan khuanla khol leng hoih ding hi,hih pawipi ah pen Topa khasiang tho inna nak sep mahmah ding hi kici ngei ngai kawm in,nuam sa lai pipi in, inn lam ki zuan ciat hi.

Hih Ticket honna hang a,ong buai pih agim atawl akua ma khempeuh aneu penpan alian pen dongin na vekpi tung vuah lungdam na kong ko phapha uhhi.

NB : U-Turn Me Confernce ading form ki ki ngah ta hi.State tuamtuam pan a te zong hih mun ah na fill up khol un maw >>> U-Turn Me Form

Add your comment

Your email address will not be published.