TU HUN BANG HUN A HIAM ?

Lai at : Dr. Pum Za Thang Tombing

Thupatna: Sak leh khanga om Zomite i tualtel dan pen i theihngeite kiang, i nu leh pate leh ei khua khawng lel a tei i banguh hi. Tua ahih manin ei leh ei kihek a kithat that theite ihimawk uh hi. Mi kiho theilo, ei sanga midangte deihsakzaw, eileh ei kikei kei, kihih geihgeih, a pil a siam leh ahau zek bangom leng zong, kipahpih a pahtak sanga gen siasia se, demdemin a siat teitei nading ngaihsun tawh i kibang uh hi. Paunakkhatin, ìTagah gawldawn a hong suak, amah leh amah kibawlina kisumangthangî a chih i bat khak ding lauhhuai phial hi!Tua tham loin Kawlte paunak khat, ìMite sangin i tanautekhemnopzawî chih zat tangzang a zanga, ei leh ei kikhemkhemte ihih ding lauhhuai hi!

Tu huna i omdan dingte:
1. Kigawm hun hi :Kum zalom 21-na pen kikhen hun hilo in ìkigawm hunî hi. East & West Germany te kigawm ta uha, South leh North Korea banah South leh North Vietnam tenzong kigawm ding a hah gen laitak uh hi. Tuamah bangin eiZomite Sim-le-Mal, Sak-le-Khang leh leitung kiuli a tengte ikigawm hun tung ta hi.

2. Ki it, kideihsak hun hi: Iplahhuai simin, pilin siam ngelkei mah tase lehang zong; i buai taktak chiang midang lakahkitai theilo a, ei lak mah a taizel ihih manin, midang sanga eileh ei i ki-it, i kiphawk hun hita hi. Ei kithupi gensak, kithudiksak a om a, hoihhawm taka i omom sung a, mite a kideihsak ua, akichihtuam ziakun eimiten itan ding ua kilawm i taan lawh uhtamta ahih manin bangbang hileh i kideihsak hun hi lawta hi.

3. Laisiam hun hi: Vompi, Ngaltang, sa-le gal mat leh aihhun beita, tuhun pen laisiam hun hita hi. Laisiam pen bangkimbul kipatna ahi hi. AK- Rifles khatsangin IAS khat laikungmukmanphazaw ta hi. Huaiziakin, Certificate neih kia hilo a, laisimvanglakte’n laithei tai dimdema, gawng zen a, laisim a, lai tawhkilai a, lai i siam taktak hun hi ta hi.

4. Kigensiat khawl hun hita: Eimite’n i lungsim a vei lopi- a i kipong gen siatsiat uh pen, mi’n a taktak a sak ziak a hongtotuahna a a zat theih dek mawk ziakun; tu’n zaw bang-le- bang leh i kigen siatsiat pen tawpsan taktak hun lawta hi. Mite’nhong pat dek uleh zong, ei pen dai mai leng, “Silence is golden”chih dik sak ni.

5. Kingaihdam hun hi: German Dictator Hitler Judahte6,00,000 thatpa tanu nangawnin a damsung pasal dinga Judahtangval a pomtheih a, a it mahmah ngal leh, Ei Zomite kikaala gen neneuhte chillum tawh valhkhawm a, ngaihdamna bawm ah  i khia thei mai kei ding uh maw? Tuhun pen phubalak hun hilo in ngaihdam hun ahi hi. Ei mi ahih nak leh, hisimphongphong le zong, “A hoihdeihnaziak ahi”or “Hon nak deihsak namaizen e” chi theileng masawn huaizaw ding hi.Dr Pum Za Thang

6. Pankhop hun hi: Zomite pen mite’n “ankhing lomkhoptheihlohte pawl chi-a a hongente uh himah lehang, “Zobuhman khing”te pen kilom khawm thei mahmah hi. Eitenghoih takin pangkhawn leng zong mite a dia simtak naipeuhmah lo ding i hih chiangin, kigawmin pangkhawm leng, “Aak eek”beek i bangzo sam ding hi.

7. Kipahtak a,Thupi kisak hun hi: Nidang laiin eilamki-en loin midangte bek i et manin, a hoih leh a siam teng leh apil teng midangte ading kia i sakha uh a, tuchiangin pen eitehoihdan, i pildan, i siamdan leh ihihtheihna (talent/ potentiality)te i theikhia ta uh hi. Nidanga “Unpolish diamond”i chihte tu a”ki-polish” pianpian ta ihih manin, nidanga i pauzalsek uh, “En dih hua nu/pa hoih lua, piltuak lua, eimi hi ken teh?”i
chihte pen kilehbulh ta in, “En dih hua nu/pa, pil tuak, hauhtuak lua, eimi hi ngel ding hi” chileng dik ta ding hi. Tunichiangin Zomite leitungin a theihphak “World class” chiang atung ki-om lawta hi. Hi chiangah honglamto Pasian deihdanbanga, midangte simmawhna hihetlo a, ei-le-ei kihanthawnkawma, kipaktakna tawh thupi i kisak hun hita hi.

8. Khawdak khiat hi: Tap kawtawng khawngah i phuphua, paukongkong a, ei innsungkia a om huthut a, lokuan nuamloa ankhing zong leh nungak inn om siamgante khawng heelatangval chidam thahat lai khawng in, “A chimhuai e, achimhuai e” chih a sakkik (chorus) a zanga chiakchiak hunbeita hi. Eite hi chiang i tun chiang, midangte pen gamlapitungta uh ahih manin, mite bangchi khawsak uh a, bangchi masawn uh hiam chi a khawdak khiat hun hita hi. Tua dinginvakkhiat leh thukizakna (news & magazines, internet, twitter, whatsApp leh Facebook) te a dakkhiat ding hun hita hi.

9. I ngeina kepbit leh puahphat hun hi: Eimite pensingtang mite laka Culture hoih nei pen, nampuan leh tawndanhoih neipen a chiamteh ihih banah, i pau uh zong Linguafranka or Sangskrit of the North East Tribal Language chih theih khop hial hi. Tu-a i culture leh tawndante leh i puante uh i kepbit a, i puahphat hun hi. I pau leh tawndan mite hilh lehang miteíntheinuam mahmah uh hi. Zandeuha Internet sung a kipan in
Chicago Zomiteín Zongeina leh i pau uh mikangte a sinsakna man (photos) a hong khahkhia uh a, tha hong pia mahmahhi. Nampiteín a vante uh leh tawndante uh a kepbit ban uah, tulai tawh kituakin a puahphat bangun, en zong i ngeina (ahoihte) lehi puante uh tu hun tawh kituak a, i puahphat leh i uangbawl hun tungta hi.

10. Pasian it mahmah hun hi: Bangteng gen mah-le-hang eite khawtheihma peka hongnadom, leitung pianchil a kipanaNampi khata hong bawl, hotkhiatna hong pia a, Ama tanga sem dinga hongmuangpa Pasian pen itpi-a it hun ahi hi. Americate banginPasian amau aa bang zena a kineihsak manun, “God of America” achih ban uh ah, a sum tung nangawn ah, “In God We Trust”chih a gelh bang un, en zong Pa Pasian
pen Zomite Pasian ahih manin i kineihsak a, i it mahmah hun ahi hi. ” Aman hong it masak manin…i it uh hi” (1 John 4:19).

Thukhitna: Tua ahih manin,”Tu hun bang hun ahi hiam?” chih thei a, i omdan peuhah hih thu thei gige kawma iom hunta hi. Mi ahihna sanga niam zaw a khawsate hoih lo a, tua banah, ahihna tunglam peka a khawsak chiangin zong hoih tuan lo hi. Ama hihna bang geiha a om chiangin dika, mite’nzong thupi sim uh a, aman zong mite lakah agen ding bang gen thei hi. Tua banga eite zong i om kulta hi.

Srource :Laitai#March/2015

no comment

Add your comment

Your email address will not be published.

%d bloggers like this: