Theihhuai : Nute’ Thu

Nupa khat, a zi in nau a paai laiin a pasal in sihsan hi. Nau suak ding hun ciangin zato ah tua numei pen nau suak dingin lum a, siavuante in “Khat na sihloh uh phamawh hi; nang si zaw ding maw, na ta?” ci-in dong uh hi.

Aman, “Ka tano pen numei maw pasal” ciin a dot ciangin siavuanpa in “Pasal no hi” ciin dawng hi. “Tua ahih leh kei si zaw ning” ci ahih manin amah si a, a tano hingsak hi. Tua tano hong gol ciangin, siavuanpi khat mah hong suak hi. A nu a sihna thute teltheih ahih manin zato a nausuakte a muh sialin kapden hi. Nute in tate taangin bangmah lamen lopi-in singam hi, cih theitel hi.

Numei nausuak a tamzaw in a naupai uh pen pasal ding cih a kigen ciangin a nausuah gimna, sisan luang tampite phawk nawn vet loin nui-in, kipakin, kamtam hi. Numeite a kamtam teh a lungdam na hi gige hi! Nute in tate tungah bangmah hong siik hong ngen ngei lo ding hi. Ahih hangin na suah ni (birthday) in, na themneng khat bek ahi phial zongin a pia dingin a lungsim tawng panin honglamen ngam hi.Genkhia lo hi. Nanu kiang panthupha ngendenin. Aman thupha hong piaden nuamhi. Na nget kei leh a kammal a bei thei ahi hi.

Nute a manphatna thupi na saknate, hun na ngah simin pulaakden in. Tua kammalte nuteín a zak uh ciangin nakpiín lungdam uh hi. Nute hehpih inla, lungsim siangtho tawh pahtawi-in pibawlden in. Na nu na itna na pulaak theih nading lampi zongden in. A diakdiakin piakkhiatna tawh na nu tungah na itna lakden in. Mawh kimaisakna leh piakkhiatnate pen na itna a om zahzah a pulaak thubulpi pen ahih lam mangngilh kei in. Na nu mundangah a om ciangin phone tawh, lai tawh hopih zel inla, amah na itnate zasak den in; lungdam koden in. Tuaci lecin amah a khan sau zo tuam ding hi.

Hih a simkha mimal kim i Topaín nute a it zo ngiat dingin thupha hong pia ta hen! Amen.

Kong it nu aw,
Nong itna bang tawh ka teh thei diam?
Nong hona kam khum bang tawh ka teh thei diam?

Suangmanpha sang kei adingin manphazaw cia! Nong huai, nong kep, nong pattahnate leh
Nu aw, keimah nong itna lianlua sa’ng!

(Source : christinahuaikim.blogspot.in)#ZBYF Tangko

no comment

Add your comment

Your email address will not be published.

%d bloggers like this: