Thawh Kik Na

Leitungah biakna tuamtuam tampi tak om aa, tuate in makai lian khat ciat nei uh hi. Tua mah bangin Christian te in zong makaipi khat kinei aa tua in Topa Jesu Khris ahi hi. Hih biaknate in Pasian deihna le thumaan ahih na pen bang tawh na ki-en hiam cih leh THAWHKIKNA tawh ki-en hi.Biakna tuamtuamah makaipite in leitungah thupha tampi tak zong bawlin na lamdang tampite zong lakkhia thei mah uh hi. Ahih hangin tuate a sih uh ciangin, thokik nawnlo uh aa, tu ni ciang dong mah lei tungah om lai lel uh hi.

Khristiante UP leh ZUIH Topa Jesu Khris in leitungah a om lai in hong gen mah bangin, sihna pan a thawhkik khit ciangin, a nungzuite kiangah a gen kholh bangin vantung ah kahto hi. Pa Pasian taklam ah tu in, thu-um mite adingin, siampi hong sepsak ahi hi. Sihna pan gual zawhna tawh a thawhkik khit ciangin, amah a um mite adingin, nisimin palai hong sepsak lai ahi hi.
Lai Siangtho thak sungah hih THOKIK cih kammal pen 104 vei bang kimu thei hi. Thawh kikna thu pen, TopaJesu, Sawltak Paul, Nungzui Peter leh Sawltak dang te in hong hilh cian zo uh hi. Hih thawhkikna hangin eite in tuni ciang dong kha muanna nei thei-in, nisim nuntak na-ah zong lam en in om thei bek hi hang.

Tanglai pek a kipan in, thu-um mite in ih Topa Jesu Khris thawhkikna phawkna in THAWHKIK NIPI ci in na bawl thei uh hi. Tuhun in zong eite in tua thawhkik nipi mah ih bawl lai hi. Hih bang ih bawl ciangin, eite in bang ngaihsutna le ngimna ih nei hiam? Khris a thawhkikna hangin, gualzawhna teng hangin lungdam ih hiam? Ahih kei leh ngeina khat ahih manin, kikhopna nei bek ih hiam? Eimah leh ei mah ih ki theihtelna dingin a nuai a thute ngaihsun ding hi hang.
I. Khris Thawhkikna teci.
(a). Nipi zing sang ciangin, daihawh ding thu-um mite hong pai ciangun, han a hawm sa in mu uh hi. (Matt 28:6)
(b). Tua hanah daihawh mite kiangah vantungmi in “thokik zo hi” ci in na gen hi. (Matt.28-48)
(c). Topa Jesu a thawhkik khit ciangin, Peter, Mary, Cleopas leh Thomastekiangahahuntuamtuam in na ki lang hi.
(d). Topa Jesu a thawhkik khit ciangin, mi 500te tungah ki langh hi. (1 Cor 15:6)
(e). Stephen in upna hangin sihna a thuak laitak in a thokik Topa Jesu Pasian ziatlamah ding a om na mu hi. (Sawl 7:56)
(f). Damascus khua lampi ah Saul tungah na ki lang lai hi. (Sawl 9:5)
II. Mimal teci pan’na
1. Nungzui Peter ( 1 Kor. 15:5)
• Ka nasep nga beng ahi hi.
• Ka sanggam pa Andrew in Jesu kiangah hong paipih hi.
• Ama nung zui kawm in, ka nasep ngaben’ mah ka seem
kawm hi.
• Zan thapaai nga bengin ka mathetlo ni zingsang khat in
tuipi kiangah Jesu in thu na gen hi. mi tam lua a hih
manin ka gunkuang tungah hong tuangin thu a gen hi.
• Thu hilh khit ciangin, ka gunkuang tui thukna lam ah
hong pai sak hi.
• Tua ciangin, na ngeen paai in hong ci hi. Tuipi sung a
ngasa om zia thei khin ka hih manin ka ut pak kei hi. Nang thu hilh in la ke’n nga na beng ning ci nuam phial ingh. A hi zongin a cih bangin ka ngeen ka paih le ngasa tampi hong awk hi.
• Hih pa mi mawkmawk hi kei veh ee, ka ci hi.
• TU A KIPAN MI A MANTE KONG SUAK SAK DING HI hong
ci hi.
• Tua ciangin, gunkuang, ngasa le ka nasep teng nusia in ka
zui hi.
• Ka lungsim hong sukha lua a hih manin, TOPA NA SIHNA
MUNAHKASIDINGHI,kacizawzenhi.
• Huan sungah Topa hong kimat ciangin ka lawmte teng
taimang uh hi.
• Thukhenna inn sung dong ka zui hi.
• Khuadam, khua mial le dahna vive hi.
• Numei khat in hong kawk in, Jesu tawh ki pawl hi lo na
hiam?
• Numei dang khat in hong ci leuleu.
• Huan sungah nang hong mu ingh, na aw in hong thei ingh…Tua ciangin, ka pai khiat kawm in Topa ka let-et le ama hong et tawh kituak a, hong thugen te phawk in ka kap hi. ( ak-khuang hi)
• Sawt lo-in, nungzui teng zong lungkia gawp in om a, KEI NGABENG IN PAI NING ka cih le ka lawmte 6 in zong hong zui pah uh hi.
• Na ngeen na taklam ah paai in, hong ci khat om a, ka paih le ngasa tampi awk hi. Ka et le Topa na hihi.
• Kikhawl khawm uh a, Topa in Peter kiangah, KEI NONG IT HIAM? ci in a dong kik kik hi.
• Peter in hangsan tak in Jesu thu hong gen cinagin, ni khat in mi 3000 kikhel uh hi. ( Acts 2).
2. Topa sanggampa James ( 1 Kor. 15: 7) 3. Saul teci panna ( 1 Kor. 15:8).
Saul kici Pharisee pa pen Topa Jesu tawh Damuscus khua paina lampi ah hong ki muh khit ciangin, amin Paul in kikhel a ama teci panna hi bang hi.
• Tarsus khua Pharisee innkuan pan ka hihi.
• Moses thukham a zui zo pha diak innkuan.
• Gentile le Greek te thu sim vetlo innkuan ka hihi.
• Kum 13 ka phak ciangin Torah teng ka thei khin hi.
Jerusalem khua a Gamaliel kiangah thukham sin dinginThawh Kik Na

hong ki puak hi.
• Tua lai ah kum 6 sung thukham le LST ka sin hi. Ni khat
ni ciangin Jews te makai pi Sanhedrin ka suak ding hi.
• Jews te thukham sia ka hih manin, Jerusalem khua
thukhenna mun tampi ah ka pai hi.
• Jerusalem khua sungah Jesu nung zui kici te hong om
ciangin, baih no tak in phiat ding ka hanciam hi.
• Khristian te ka bawl sia hi.
• Pasian um mi, Stephen a kithah laitak in, teci dingin ka zui
hi.
• Damascus khua lam ka pai latak in, KHUAVAAK KHAT IN
HONG KAAP HI.
• “Saul. Saul, Bang hang in hong bawl sia na hi hiam?
• Sing a zum pen sui le cin na khe na ding hi..
• Kua na hiam ci a ka dot ciangin, na bawl siat JESU HI
INGH.
• Ki dona ah PASIAN IN HONG ZO HI, ka ci hi.
• Topakamukhinzoakicinghi,anungkazuidinghikaci
hi.
III. A Thokik Pumpi
A thokik pumpi in zong a thawhkik ma aa tawh ki bang hi tase leh a thawhkik ciangin, a thak pumpi hi pah hi. Khris hong thawhkik ciangin,
• Guh leh taang nei hi.(Luke 24:39)
• Minthan’na pumpi hi.(Phil 3:21)
• A muat theilo pumpi(Rom 6:9)
• Kha pumpi ahi hi.(1Cor 15:44)
• Kha pumpi a hih khit ciangin, leitung mite ngaihsut theihhetloh thute piang hi. Kha pumpi a hih manin a bit mahmah kawmte pailet in inn sung khawngah zong lut thei hi. (John 20:19)
IV. Jesu Thokiklo hi leh
Jesu hong thokik lo hi leh tu hunin ( 1 Cor 15:12-19)
(a). Khris thokiklo hi leh misite zong thokik nawnlo ding
(b). Khris thokiklo hi zenzen leh Lai Siangtho hong hilhna, sawltakte thu gente ki manna neilo hi ding hi.
(c). Khris thokiklo hi leh eite upna zong a mawkna pi hi ding hi.
(d). Khris thokiklo hi leh sawltakte a kipan in tuni ciang dong Gupna thugen mi tampite zuau teci suak khin ding uh hi.
(e). Khris thokiklo hi zenzen leh eite in tuni ciang dong mawhmai sakna neilo in ih om lailai ding hi.
(f). Khris thokiklo hi leh a sisa thu um mite in zong lametna neilo in a om ding uh hi.
(g). Khris thokiklo hi leh tuhun aa, thu-um kici mite in lametna omlo pi hi dingaa, mi hehpih huai pen pen te a hi ‘Piangthaklote’ tawh ki bang ding hi hang.
A hi zongin Lai Siangtho hong gen mah bangin, Khris
sihna panin thokik zo ahih manin, eite in tu ni in a nungta lametnaihneihi.
V. Jesu A Thawh Kik Man In, Hamphat Na.
Topa Zeisu in sihna panin a thawhkik manin, tuhun a thu-um eite aadingin, ih muh theih hamphat na tampi tak om hi. Tua ih hamphatna te ih neihlam ih theih takpi manin, khamuanna ih neih beh lai hi.
(a). Jesu in honggen kholh bangin, sihna pan hong
thawhkikna in, ih biak Pasian pen a nungta Pasian
mah hi taktak hi cih hong tel sak hi.
(b). Thawhkikna in, Jesu Pasian mah a hihna hong lak
khia hi. (Rom 1:4)
(c). Topa Jesu sihna pan a thawhkikna in leitung mite
adingin a kipia nuntakna lampi khat pen thuman
thutak hi cih hong lak hi. Pasian in biak piakna (Topa
Jesu sihna) pen sang hi cih hong lak hi.
(d). Tua mah bangin thu-um mite zong thokik ding cih
LAMETNA hong guan to lai lai hi.
Tu-in piangthak khinsa mite in leitung nuntakna a bei ciangin sihna hong tung ding aa tua sihna gal khatah a om nuntak tawntung na mun ih tun na ding in Topa mah bangin, ih thokik ding hi.
Tua thawhkik khit ciang in, dahna, natna, sihna, buaina teng om nawnlo ding hi. Piangthak a sisate nopna a tawntung ngah dinga, a piangthak lo te in gim tawn tung na ah tung ding uh hi.
Tua hi-aa, Khrsitiante Upna Laigil pipen in, ih sih khit ciangin, THAWHKIKNA ahi hi. Ih sihma in Topa Jesu hong pai le mitphiatkal tomcik khat sungin, a muat thei lo, a kisia thei nawnlo pumpi tawh kikhel in ih Topa ih dawn ding hi. Leitung ih nuntak hun sungin hih thute in hong thahat sak le hong hehneem ding kammal te ahi hi.

Source:Upnalaigil#April 2008

Add your comment

Your email address will not be published.