Tg.Thapau & Lia San te Mopawi Lungdampihna

Pimpih khuami,Tahan, Kalaymyo ateng Sia Thual Khaw Thawng JAT.Rtd leh Nu khup Hen Cing te tapa neupen Oklahoma City,USA a om

Tg.Thang Thawn Pau @ Thapau leh Pimpih khuami,Melbourne,Florida,USA ateng Pa Dai Khan  Ngin leh Nu ciin Lian Cing te tanu neupen

Lia Cing San Sung @ San te pumkhatsuahna abeisa August 1,2015 ni-in Tulsa khuapi a, om ahi Full Gospel Assembly Tulsa Biak Inn ah pawlpikem ahi Rev.Dr.Dam Suan Mung in siangtho kitenna mite mai leh Pasian mai ah pia in,akhual atual pan mopawi lungdampih in auap a pai mi khempeuh Vosak leh Bawh Sa lim mahmah tawh ong vak uhhi.Monu leh mopa zong apai mimal kim in ki lungdam pih mahmah hi.

Tutung mopawi pen biakinnzep dana ki pan nasia mahmah in,mopawi hun sungah zong Lasiam tampi te in lungdampih na lazai ziahziah uh a,mipi te lah gilvah takin anong vak uh ahih manin mipi te in thupha ki piaziahziah hi.Tua bektham lo in FGATulsa Media Group te zong lungdam kohna atuam vilvel in lai ip khat ongpia a,asung ka et uh leh sum honkhat zong na ommawk ahih manin kilam enhet lo kawmkal pan hih bang ongpiak uhteh lungdamtakin ki sangpahhi.Hih sum pen Media Fund dingin ki koihpah a, media ading van kisam te ki leina ding hi.

Topa’n nupa thak te tungah alamdangtak in thupha ongpiak sakin,kumtampi nungta in tu leh ta tampi tawi-in khangtampi ki zom in Pasian thupha sang ngiat dingin ongsiamsak tahen.Amen.

11825196_10200626493020373_3672218444582319236_n

 

Add your comment

Your email address will not be published.