Spring Break Children’s Picnic nuamtak ki bawl

Abeisa March 17,2015 ni Full Gospel Assembly Tulsa pawlppi sung a, Sunday School naupang note Spring Break sung Biakinn ah picnic pai in tua sungah ki mawlna tuamtuam,leh Laisiang tho lotngah ki demna bawl thei uhhi.Topa’n thupha ongpia in abeisa kum 7 lai in naupang 7 khawng bek om hi mah ta leh tu in naupang 140 val bangpha a,tua lakpan vai tuamtuam hang tawh a kihel thei lo pawlkhat om in nuapang 111 bang hih pawi pi sung ahong ki hel thei uhhi.

Zingsang nai 10:00am ongsatciang in, Pawlpi kem ahi Rev.Pau Khan Mung in hunkhempeuh apna ongneihsak in,tua khit teh Praise and Worship tawh  hunte abanban ki pai toto hi.Nau pang te pen khen 5 in ki khen hi a, tulaitak in syamah mi 6 bang in Pasian thu leh kammal tawh nipini sim in pantah denhi.Ki mawlna tuamtuam leh Laisiang tho lotngah kidemna tuamtuam te aman khit teh Pawlpi te ongpiak ahi anlim mahmah te Topa tung ah lungdam kohna Pawlpi kem ahi Pator Thangpi in lungdam kohna ong neihsak in naupang te ki phu ngeingai cih bang om lo in aneu pen te masa in abanban in andawh deudeu uhhi.Annek laitak zong phiasipsup cihbang omlo in,asiamah te cihdandan in,agil vah dong uh anneziahziah in,et lawm mahmahhi.IMG_7859

Nitak lam ciangin ki mawlna tuamtuam te ki pankik in,laisiang tho lot ngah kidem te Pahtawi na kipia hi.Ong pai nau pang khempeuh letsong khat tek ki pia in nuamsa thei mahmah uhhi.Hun khempeuh man lungdam kohna Pawlpi kem ahi Pastor Bu Kai in hunzawh lungdam koh na ong neihsak khit teh Group in manki lakna ki nei-in nitak nai 3:00pm hun in innlam ki zuan ciat hi.

Hih pawi pian theih nading amasa pen in Ibiak Pasian tungleh Pawlpi te tung ah lungdam na i kohi.Tua banah Mawtaw onghawlsak,nau te ong khak/pi sak nuleh pa te leh Nasep sil bawl na ah onghuh ulehnau te tungah lungdam na lianpi tak i kohi.Topa’n atate ong lamsang in ni khat ni teh gam leh lei,minam,pawlpi makai te leh mi te etteh huai tano te ong suah nang in thu ngetna tawh mapang khawm lai ni.”Nau pang khat aneu lai in lampi man tawn sak le cin aliat ciang in lam khial nawn lo ding hi”acih mah bang in ita te pen Pasian thu sungmah ah khan suah ni,Sang inn ah Zokam,Kawlkam ki zang lo ahih manin Biak inn ah Sunday School paisak le hang  Pasian thubekhi lo in Zokam/kawlkam zong ong thei ding hi.Ong tungding Summer sangkhak pi sungin zong Zolai,Kawl lai sinna ki neihpih lai ding ahih manin ita te inn ah i hilh man loh i ngeina kampau,lai te Biakinn ah sia/mah te in ong hilh sak ding hi.Thungetna tawh mapang khawm laini.Lungdam na lianpi tak tawh Sunday School Syamah te tangin FGATulsa Media Group.

>>> Photo Pawl khat

Siamah Teng

Siamah Teng

Add your comment

Your email address will not be published.