Pastor Mung Tawng Pasian Nasepzawh Kum (40) Cin Lungdam Pih na Lai Te

  • Lungdampihna leh Pahtawina Lai-Siamah Hauno

Ka it mahmah Pastor Mung Tawng,

Happy Father’s Day and Blessed 40th Ministry Anniversary

KA KHA ZUAPA

 Sia aw,

            Theisen neupan hong pantah in, Sian sinthu anbang hong muam a, gilbang nong khansuah manin Pasian nasem khat a suakthei leh 1997-2008 ciangdong na sungpan piang na tate mah bangin hong huai hong pantah na hihman in Sia aw lungdam mahmah ing.  

 LAMLAK KHUAVAK

 Sia aw,

            Lam ka khialhciang hong tailo-in itna awnem tawh lammaan ah nongkhak detna te mangngilh zokei ning.

 ETTEH HUAI MAKAI PI

 Sia aw,

            Nangpen kei ading in a etteh huai leh a zahtak huai makai pi hiteh. Mi nungzui hoih a suakbek hilo-in a kician leh a hoih mahmah makai tampi leh Pasian nasem tampi a pattah leh a piangkhia sak Siapa na hihi. Deihsak na tawh na pilna, na theihna leh na siamna te sitlo nong makaih nate hang leitung mun tuamtuam ah Pasian na a semthei hi-ung. A lungduai leh a nunneem Sia kong neihkhak pen hampha kisa pen ing. Thu a  hilhbek hilo-in sepkhiat na tawh hong makai ngiat Siapa hiteh.

           LAWM HOIH

 Sia aw,

            Ki niamkhiat tak a hong kikholh pih lawmhoih penpen na hihi. Ka thaneem ciangin tha hongpia, ka dahhun teh hong dahpih in, ka luankhi te hong nulsak, ka lungdam hunciang hong lungdam pih nangdaan lawmhoih mahmah kong neihkhak hampha kisa ngiat ing. Ka kicin lohna te hong en ngeilo in, ka hihna bangbang tawh hong pahtawi den Khazih’ lungsim a nei ka it penpen Siapa hiteh.

 PASIAN SATHAU NILH

 Sia aw,

            Na pulak Pasian kammal khempeuh nungta in ka nuntak na hong kikhel sak den hi. Pasian ompihna leh Pasian sathau nilhna kiam ngeilo, khang semsem a hihman in lamdang sangiat leh Topa min ka phat hi. A mangthang ngei nawnlo ding “UPNA” khaici ka sungah nong tuhsak manpha sapen ing.

            Sia aw,Na masuan khempeuh ah khang kizom paisuak in ih biak Pasian in siampi sathau hong nilhna kipden henla, cidam khansau nopsakna te a khang a khang in omden tahen. Amen!

 Hau (Cing Sian Hau)

Baltimore, Maryland

  • SIA MUNGTAWNG KA MUHZIA By: Sia GS Pau

Sia Mungtawng pen AGTI buaih lak ding nusia in Topa’ adingin a kipiakhia Siapipa hi. Zogam khan’lawhna gah limcipa hi. Piangthak huzap pan a piang Local pawlpite lakah pawlpi lianpen a neipa hi. Nun nem hit hiat a, migi hi. Kiniamkhiat a, kiphasak ngei se lo hi. A aw mahmah zong nem a, mi zo hi. A kam a muk keem zo a, a kam pan mi’ heh nading pau ngeilo hi.

A lungsim ngiat maan a, a nasepzia zong maan hi. Mi khempeuh tawh kiho thei a, nupite’ thugente nangawn lungduai takin ngai zo hi. Khami a, biakna mi lai hi. A thugen leh a gamtat kituak hi. A thugente nelin nungta ngiat hi. Kawlgam sung bek hi lo-in gamdang nangawn ah pawlpi phutpa hi. Tedim pau, Kawlpau, Mikaang pau tawh deih bangin thu a gen thei ziahziah siapa hi. A naseppihte lungdam sak den a, suakta takin na seemsak hi. A kizang thei ding khangnote mun piak siam hi. Amah a huh ding zihoih a nei siapa hi.

Khris sungah seppih,

GSPau Tedim

  • Pasian Lenggah huan sungah khatveivei haksatna, gentheihna, gilkial dangtak na le khat veivei lungnop na, gualzawh na, matut na tetawh na kalsuan zawh kum 40 hongcing ta ahihman in Pasian min kaphat hi. Pasian nasem tampi tak in nungzui tampi mah nei a, mi pattah a nei kitawm mahmah kawmkal ah nangpen mi tampi tak a pantah bek tham lo in, a lawhcing sak na hi-a, Tuucing hoih bek hilo, mitampi te’ pa nahihi.

Na pattah tampi tak omding a, tua lak ah ka kihelkhak hampha ka kisa hi.Pasian in khansau cidam na le mite’ itna a ngahsemsem ding in thupha hongpia hen.

Nongit,

Zam Bawi

Myanmar

  • Sia, aw Hun ki pat ding a Hun in ka om na pan kong na en in ka pumpi ong om theih loh hang ka lungsim khempeuh ong ki hel veve ding hing, Sia,aw kum40 sung Zeisu ong tatkhiat na ci bang na theh te ong po in ong Pi Cin na sung ah kei leh ka inn kuan un bit tak in ka om man in ka lungdam na kong ko hi  Kum sawt tangbang dam in tungmu vanlai galtha bang in Sian Laukha in malo bang ong hah den hen ci-in thupha kong paih hi.

Sianmang Siang ah zatam lau kha vaibang na ciahpih na , na zai tha vanlau Khasiangtho in ong dim denden Ta hen. Pheiphung Suan nem lo in zaitha thak tawh tanglo bang in sian in hong phong den ta hen

 Pa, Tual

Tulsa, OK

 *Khauhpai Ei Siapa!

Kong it mahmah leh kong zahtak mahmah Sia aw! Topa Pasian na nasepna huang sung ah kum 40 dong hong tawnpih I Topa Pasian in minthanna leh vangliatna nei tawn tung ta hen!
Congratulation For 40 years of Pastoral Ministry & Happy Blessed Father’s Day!
Khauhpai Ei Siapa! ဗိုလ္မွဴးဗထူး gam itna sang a khamanthang ait zaw siapa
– Khauh pai ei. Sermons dawng 3 a bei sak thei lo siapa – khauh pai ei. Ni 365 sung tatsatlo a crusade a bawlpa siapa
– Khauh pai ei. တမူးေစာင္khatbek anei siapa a tenpih ngam sianu zong
Khauh pai ei. India dong khe tawh LST sangkah ding a pai siapa
– Khauh pai ei. Upna tawh Yangon khualai ah pawlpi a phuh siapa
– Khauh pai ei. Bylaw sang bylove a zang zaw siapa – khauh pai ei. Kumpi Davuih bang aa Pasian phat siapa
– Khauh pai ei. Sawm ah nih piak khiat zawh kum 30 val ta
– Khauh pai ei. Engeenior sang tawp hang inn(pawlpi) tampi alam aphuh siapa
– Khauhpai ei. Siapa khut nuai ah FGBTC sang zong
Khauh pai ei. Siapa khut nuai ah Pasian nasem te zong
– Khauh pai ei. Siapa khut nuai ah Praise & Worship team mahmah zong
– Khauh pai ei. Siapa pawlpimi(FGA) khempeuh zong
Khauh pai ei! A khauhpai veve Sia Kim Pau & NuamNuam
Singapore FGA pawlpi 

Celebrating 40 Years of Pastoral Ministry Service

________________________________

In Honor of Faithful & Dedicated Service

In the Ministry for 40 Years

I hereby present this Appreciation to

Rev. Dr. Dam Suan Mung

I am grateful
For Your tireless Service, Sacrifice and
Faithfulness to the Ministry of the Lord Jesus Christ.

And also grateful for
Your Leadership, Guidance & Love.
Your ministry has touched the lives of
Many people and make a difference is deeply appreciated.

“Those who are wise will shine like the brightness

of the heavens, and those who lead many

to righteousness like stars for ever and ever” (Daniel 12:3 NIV).

Given by-

Rev. San Cung Nung

On 18 June 2017

Yangon

 

Lai at te hi ta leh Mimal kim tung ah na vekpi un lungdam.

FGATulsa Media

no comment

Add your comment

Your email address will not be published.

%d bloggers like this: