OKC Youth Combine Service Lawh Cing

Oklahoma City ah Zotung pawlpi te ongsapna tawh ki zui-in April 25,2015 ni-in FGATulsa khangno te Mini Bus 5 tawh mi 79 kikuan phei theihi.Nitak nai 3:00pm pawlin biakinn panin kidingkhia in,OKC nitak nai 5:00pm pawlin cidamtak in kitunghi.Inntekpawlpi khangno te in zong itna tak tawh nongmuak uhin,kha annek khopma in taksa an khamtak in ongvak phitphet uhhi.

Oklahoma Chin Baptist  Church (OCBC)biakinn na kawm uhin,tua lai munah nitak nai 7:00pm sat lian teh phatna leh biakpiakna ki panpah ziahziah in mipi zong ki suakta in nuam kisa thei mahmah hi.Tulsa pan Lia.Khan Nu leh OKC pan Lia.Lily te in hun ukin,hun te abanban in ki pai to a,FGATulsa khangno te in,Lamna,Drama lah na leh Solo tawh Pasian minphat na ki nei theihi.Inntek khangno lampan in zong Choir sak na ong nei-in zakno kisa thei mahmah hi.Minam tuamtuam ki gawm pawlpi tuamtuam pan in zong ong kihel thei uhhi.

Hih hunsung ah FGAIM Pastor ahi Rev.DR.Dam Suan Mung in Gupkhiatna thutangko na ongnei-in,mi 60 bangin Gupkhiatna lungmuan na ngah thak in ki ap uhhi.Hih hun sungmah in Khasiangtho in na semin,gilna khat in damna ngahin,mitkhua muhna hoihlo (Agamla)mu lo khat in,khasiangtho lawnna hangin amit in damna ongngahhi.Topa min thang semsem tahen.Ateti pan na te video sungah omhi.

Zanlam 11:00pm pawlin, inntek pastor pa thuphapiak na tawh hunte ki manin,nuamsa lailai pi mah in innlam ki zuankik a,Tulsa khuapi cidam tak in zingsangnai 1:00am kiim in ki tungkik hi.Hih hunsungah mawtaw onghawlsak uleh nau te leh mawtaw kawmman ongpiak pih sanggam uleh nau te tungah nakpi tak in lungdamna kong ko uhhi.Ong buai pih khempeuh te tungah ah zong ki lungdam mahmah hi.Tua bektham lo in ongsam ahi Zotung Pawlpi OKC te tungah zong i lungdam a,asup a baina te khempeuh uh Topa’n ki ciangtan lo thupha tawh ongthuk kik sak tahen.Amen.

Audio deih bang tak lo ahih manin Sermon Video leh Photo te ong koih mahsa ung.

Sermon Video >>>

Photo te

IMG_9590

no comment

Add your comment

Your email address will not be published.

%d bloggers like this: