NEHEMIAH

Pasian muang ngiat, minam leh biakna a kin mahmah, makai cingtak leh a galte in zong a suk buai theih loh; lametna beisatelungtang sunga lametna thak guan a, Jerusalem leh Israel tate pawlam leh sung lam puahphat na a sem Nehemiah in, tangthungaihnop leh ciamtehhuai tampi nei hi.Nehemia pen Hakaliah tapa hi a, Persia kumpi Artakzaksis’ zuhai tawipa leh kumpi uliante laka khat ahi hi. A min khiatnapen ëTopa in khamuan, Topa in hehpihí cihna ahi hi. B.C 445kimin Judah gamah siampi Ezra tawh nasemin kithuah uh hi.

A hunlai mite din mun: Nehemia hunlai in Israelte Per- sia kumpi ukna nuaiah ah om uh a, minam vai leh biaknavaiah siat cihtakin kisia uh hi. Mi tampi tak Babilon ah sal tanga, (mi bangzah hiam Artakzaksis kumpi ahih zawh kumsagihna khakhat leh nikhat ni in Jerusalemah ciahkik uh hi). Jerusalem Pasian khawpi siangtho pen tenna tak lo ding zahin kisusia in kinusia hi. Gam sungah vaihawmna dik om lo a, ahau leh a hangsante in ukna neiin, a haute hau sem a, azawngte zawnbeh sem hi. Pasian thukham awlmawh loin sab- bath tang lo uh a, sawma khat zong pe lo uh hi. Pasian a lau lotein thupha ngah zaw hi in thei uh a, Pasian nasep pen supnalel hi in ngaihsun uh hi. Pasian a thei lo minamte cih dan zui in amaute tawh kiteng uh a, nupa kikhen leh kimak zong tam peuhmah hi. Hihte hangin Samaria leh Amon minamte in Israelte mudahin nuihsan uh hi. Hih thu piangte in, Jerusalema mangngilh ngei lo Nehemiah lungsim phawngin, a puahphading leh a zun dingin kipan hi.
Nehemiah

Nehemia nuntakna leh a nasep
Gam leh minam it mi hi: Kumpipa khawpi Susan ah Nehemiah a om lai tak(B.C 445 Kislev (Dec)), Hanani leh Judahgama mi khenkhatte tung pan a mipihte nuntak haksat lehJerusalem kulh zong kangtum khin phial ahih thu za hi.Tuathu a zaktak ciangin tucipsuk in Pasiankiangah kiko pah hi. Anisim nasep leh ulian ahih nain zong lungkimsak zoloa,Jerusalem a kisiatna hanga a dahna a melah kilang thei hi. Pasiankiangah hehpihna nakpi takin a nget deih khop loinJerusalem puahpha dingin a kigingsa in om pah hi. Kumpi Artakzaksis kiangah phalna lainJerusalem ah paia, kuama theihloh dingin zan khawmial sungin khawpi sung enkawikawi a, a siat dan tel takin mu hi.Mipi lamet beia omte kiangah, “Gensiatna i thuak nawn lohna dingin Jerusalem kulhciang pha kik ni” phatuam ngai taka puahphat nasep a sem dinginzawn a, mipite tha pia in lawpsak hi. Hih thu panin minam a it dan leh makai cingtaak ahihna kilang hi.

Vaihawm siam mi hi : Nehemia nuntakna aciamtehhuai khat pen a vaihawm siamna ahi hi.Sanbalata, Tobiah leh Gesem te in Jerusalem kulh puahpha kik dingamipite nasep a muh uh ciang nuihsan in haza uh a, kumpipalangpang bangin genuh hi. Ahih hang a muan Topa hang tawh lauhna khat zong nei lo hi. Kulh puahphat a kipat uh panin Siampite leh Levi minam leh mipite nasep ding sehkhol khinhi.Sanbalat in mipite lungsim beidonga koih sawmin a lawhcinloh dan dinguh a gen hangin, mimal a kuama peuh thahatsem dingin hanthawn hi. A galte un buaina bawlsawm cih a theih uh ciangin mipite in galhiam tawi kawma kiging sa a omdingin thu pia a, mipite in zong lim takin sem uhhi. Gamsungpuahpha dingin minam makaite leh mipite in sepna lehkithutuakna neih a kisapna hih pan kilang thei hi.

Mi hangsan, Topa a zahtak mi hi : Amau sep ding ciat lim taka a sep laiun, sum leh pai haksatna lianpi hanginmigenthei leh cimawhte in a haksatna uh genin lungkim loin phun ngeingai uh hi. Nehemiah in migentheite haksatna theiina dik loa gamtate langpang dingin hong kipan leuleu hi. Abulpatna dingin mihau leh uliante kiangah Pasian a zahtak manin mizawngte neihsa dik lo takin a suhsak ngei loh thu leh amah zong nuamsa taka a om loh thu pulak hi. Milian leh mihaute samkhawmin a leibate uh maisak ding leh a pung alakte uh zong pekik dingin hangsan takin ma la hi.mpite in zong Amen pia in kimaisak tuah uh hi. Mi hau leh uliante maiet kawmin nasem ngei lo hi. Ahansanna leh a muanhuaina ciamteh tak peuhmah hi. Hizah takgenthei ngam leh mi diklo a nawk ngam Zomite lakah bangzah iom tam maw !!
A nasep tel theih mi leh thungen mi ahi hi : Sanballat leh Geshem in thah sawmin Ono zanglei ah amaute tawh kimua kiho dingin li vei sam a. ìNasep thupi nei ka hih manin kongpai thei kei ding ì ci-in li vei mah nial hi. Nehemiah langpangtezong lungke nuam tuan loin amah a zol khe dingin Siampi Shemaiah thuzawh uh a, Shemai in a deihsak takpi bangin agalte lak pan a bit theihna dingin biakinn sungah kikhumcip
dingin zol bawl hi. Nehemiah in nial a, a galte khut sung pan suakta kik hi. Hizah taka nasep ding tam leh khemna lakahzong Nehemiah in thunget khawlsan ngei tuan lo hi. A nasep atheih tel manin leh thungen mi ahihna in siatna lak panNehemiah kembit zel hi.

A nasep uh zo: Haksatna leh langpanna tuamtuam a om hang phatuam ngaihna tawh lim takin ni sawmnga lehninih a sep khit ciang, Elul kha (September) ni sawmnih leh ni nga kimin kulh puahphat nasep zo thei uh hi. Gamdangasaltangte zong hong ciahkik uh a, amah lang pangte in zong Pasian in Nehemiah ompih cih a theih uh ciang lau mahmahkik uh hi.

Khanlawhna tung: Mi khempeuh Tuikongpi mai tualpi
ah paikhawm uh a, mipite maiah Ezra in thukham ngaih takinsim khia a, khanlawhna thupi tak hong tung hi.

1.Mawh kisik khanlawhna: A mawhnate uh kiphawkin kisikna tawh kap gawp uh hi. Nehemiah in dah a kun lo ding leh Topa tunga lungdamna in amaute thahatna hi cihhilh a, Pasianpahtawi dingin hanthawn zaw hi.

2. Thunget khanlawhna: A mawhna uh kiphawk a tua in thungetna lama khanlawhna tungsak hi. Mawh sutna thunget neiin Pasian min pahtawi uh a, gamlapi pan a thawm uh kizathei hi.

3. Pasian thu zuih khanlawhna: Pasian thuin a lungsim uh zo mahmah a, Pasian thukham zuia nuntak siangthotawhnungta dingin a thakin ki-ap uh hi. Lamna dianna ciang bekdeih khop loin, amau nuntakna buppi kilamdang khin hi. Hihbang khanlawhna Zomite in kisam peuhmah hang. Lungsim kip nei mi hi: Kulh ciang pha khin ta a, khanlawhna zong tung khin ta himah leh a nasep awlmawhloin om ngei tuan lo hi. Hun bang tan hiam khit ciangin Sab- bath a tang nuam lote Sabbath a tang ding leh, Pasian biakinna kinusiat lohna dingin sawma khat Biakinn ah sung dinginthu pia hi. Minam dang zi a neite samkhawmin kam hilh a, nuleh pate kiangah a tate uh minam dang tawh kitengsak lodingin  kiciamna bawlsak lai hi. Pasian nasem ginalote zong hangsantakin a nasep uh pan khawlsak hi. A thungetnba zong khawlsantuan loin, ‘Ka Pasian aw, a hoih lamin kei hong thei in’ cikawmin Pasian leh minam adingin kalsuan hi.

Source:Laitai#March/2015

no comment

Add your comment

Your email address will not be published.

%d bloggers like this: