NAI 48 SUNG GAWTMUN AH

Ka theih leh ka zak thute laka lamdang ka sak pen khat misithokik George Lennox tangthu hi. Jefferson khawk sunga sakolgu a minthang hi a, sakol guk thubuai hangin Sedgwik thukhenpa in thong sungah khum a, a kum nihna a tan lai tak ahi hi.

Kum 1887 phalbi laiin suangmeihol khukah na semsak uha, a nasepna mun bitlo hi a theihna nei ahih manin Ukpa kiangahgen a, Ukpa in bangmah lauhhuai om lo ci-in a nasepna mun lamah Lennox paisak kik hi. Ukpa in semkik dingin sawl ahih manin, amah convict khat ahih tawh, thumang taka om lel cihloh cihtheih dang nei lo hi. A nasepna munah nai khat sung zongsemkik man loin mencim in khuhcip hi. Tua bang dinmun ahkuama phawk khak loh leh theihlohin nai nih sung om a, an nekhun ciang zong a mel kimu nailo ahih manin bang thu piang hiamci-in a nasepna mun va en uh hi.

Mencimin a khuhcipna suangmeihol khuk pan a lak khiatuh ciang na si khin ta a, Doctor in zong a sih khit thu kipsak hi. Aluang phum dingin bawl uh a, vuina hun zang ding Pastor zongtung khin ta hi. Kuang sungah a luang koih dingin zawng uh a, alu lam pana a dawmpa kisui kha ahih manin a luang kiatsuahuh hi. Tua misi luang leiah a kiat tak ciangin room sunga omtekhempeuh in lamdang a sak ding thukhat hong om hi. Phumdinga a luang a kibawl khinsa pen hong khanglo kikin hongdamkik hi. Manlang takin Doctor sam uh a, nai lang khit Doctor a tun ciang, tua misi phum dinga a koihpa un tuisik na dawn a, a kuang dinga a zat sawm uh zong midang phumna dingin na zangta uh hi. A khe mun nih kitan a, a lang lam tawm sidup cih lohliamma dang nei lo hi. Hospital ah kha guk sung a lup khit ciangthonginn lamah paikik hi.

A nasepihte tung pan ama tangthu lamdang ka zak ciang, thanuam takin ka vil pah a, ama kiang tektek pan tua thute zakding ka ngaklah peuhmah hi. Ka sawm bangin ka mupah thei keia, a sawtna ciang hun pha ka ngah thei hi. Amah tawh ka kimuhciang kihona hun hoih tak ka nei thei uh a, kilawmtatna hoih takzong ka nei pah uh hi. Kum 30 a pha nai lo, migilo hi mah leh, mikisin nuam mi hi cih ka thei tel hi.

George Lennox Testimony: Zing ka thawh panin a ahoihlo na khatpeuh piang ding hi a theihna nei ka hih manin ka omnuam thei peuhmah lo hi. Mr. Gerson kiangah zong ka gen a, ka nasepna suangmeihol khuk hong etdiksak dingin ka kun hi.Amah zong hong pai a, a etkhit ciang bangmah lauhuai a om loh thuhong gen a, ka nasep maban zomkik dingin hong sawl hi. Keizong ka nasepna lamah semkik in, nai khat dektak ka sep khitciang thakhat thu in ka omna mialcip hi. Tua tak ciang ka maiah sik kongkhak golpi ong kihong a, tua ah ka lut hi. Ka kingaihsut thak ciang a si ka hih thu leh leitung thakah a om ka hih lam tel takin ka kithei hi. Midang muh ding leh thawm khatpeuh theih ding om lo a, bangci banga om ding hiam cih thei loin ka mailam zuanin ka pai hi. Gamla lo khat ka pai leh lui gei ka tung a, khawvak philhphelh bangin om a, tua khawvak zong aksi tang bang bek hi. Hun sawtpi tua munah ka tut khit ciang gunkuangkihot thawm ka za hi. Mi khatin ka omna lamah gunkuang honghot phei a, gen ding bangmah thei lo a amah ka et laiin kei hong pi dinga hong pai ahih manin gunkuangah tuang dingin hongsawl hi.

Hong hilh bangin gunkuangah ka tuang a, amah kua hi a koiah om ka hiam cih dot ka ut hang ka lei pen ka danga kibelhcip bangin om ahih manin ka pau thei kei hi. A sawtna ciang luigalkhat ka tung uh a, gunkuang pan ka tuak khit ciang ka theih loh kalin thakhat thuin amah mang ziau hi. Tua munah hong paisan khit ciang bang hih ding ka hiam cih zong thei loin tawlkhat sungka om a, ka mailam ka etleh lampi nih guamthukpi mial bikbekin a khuhcip ka mu a, a khatzaw pen lamzikpi leh tot nuam mahmah hi-in ka mu a, a khatzaw ahih leh lam kawcik leh tot haksa hi-inka mu hi. Kitheisak takin a tot nuamzaw ka zui a, sau ka pai main khua hong mial tektek a, aih hang galkhata meivak in hong taanahih manin ka paipai thei hi.

Tua banga ka pai laitakin bang hi hiam cih zong gen theihlohzah a lauhuai Dawi tawh ka kituak uh a, mihing tawh kibatna aneih hang, mihing ka muh khempeuh sangin gol zaw a, ft. 10sangin niam zaw lo peuhmah ding hi. A nung lamah kha nih neia, suangmeihol tawh kibangin vom a, guaktangin om a, a khutahteipi ft 15 a sau tawi a, a mit pen meikuang tawh kibang. A naklianin pek a, a sam zong bu in sau a, a aw zong Humpinelkai hamtawh kibang penin thei ing.

Tua khawvak tang silsial sungah thakhatthuin amah ka muhvat manin lau lua kisa in ka cimul hong khang a, a teipi tawh ongkhawh pah dingin ngaihsun ka hih manin ka din leh a ciliaphuaiaw ngaihpi tawh hong samin a nungzui dingin hong ci a, ka painalam hong lak dinga hong pai ana hi a, cih theih dang nei lo ka hihmanin ka zui hi. Tawlkhat sung ka zuih khit ciang mailamah muallianpi khat hong kilang a, tua mual pangah kitel taka sim theihdingin, ìHITAK GAWTMUN HIî cih kigelh hi. Hong pipa penmual neh in va pai a, tung lamah a teipi lamto kawmin ngaihtakin thumal thum genin kiko a, tua phet leh mual pang paninkongkhak ong kihong a, tua ah ka lut uh hi.

Tua mualpi khen lampiah hong paipih zel a, tawlkhat sungkhuamial lua ahih manin hong makaihpa kalsuan thawm ngaikawmin ka pai hi. Lam tawntungah mi a si dinga kisan thawmka za a, tua khit sawt loin tua thawm ka theihte kiza tektek a, dangtak lua kisa a tui ngen, ìTui ong pia unî cih aw ka za hi. Hong makaihpa in ka maia kongkhakpi a kiuh leh ong kihong a, tua kongkhakpi ah ka lut main ka nunghek leh mualpi pen kakhengkhin ta uh hi. Kongkhakpi ah ka lut ciang ka mai lamahmun zang zaipi ka mu hi. Kei hong makaihpa in keimah bangagawtmun tung dingte a pi dingin tua mun pan hong kilehsan hi.

Tua munah tawlkhat sung ka om khit ciang hong makaihpamah tawh a kibang Dawi khat hong paikik a, aman bel teipi tawiloin namsau lianpi tawi hi. A tawntunga ka omna mun ding honghilh dinga hong pai hi a, a aw lian lua ahih manin ka ci ka sahong zen khin liang hi. Amanah, “Hi tak gawtmun hi. Hih munahlamet ding peuhmah khat beek nangawn om kei. Nang zong hihmun na omna ding ahih manin, mual panga na pai laia natnathuak aw na zakna, tui duha dangtakte kiko aw na zakna, tuamunah gawtmun lampi om a, nang zong a sawt loin tua mun natung ding hi.A tawntung gawtmun na tunma nangawnin na thuakdan ding na thei khol ding hi. Tua mun a tung peuhmah kilehkikom ngei lo a, lamet ding khat zong om lo hi. Hih zang sungahtawntung gimna a thuak dingte zong tawlkhat om kiphalsak hi. A hang bel tawntung gimna thuak lo a tawntung nopna van gam  kingah thei hi cih ngaihsutna leh kikhelna a neitheite adinginhun khat kipia hi”cih thu hong gen khit ciang hong paisan hi.

(Khatvei adingin sau deuh ahih manin mai kha lamah zomkik mai ni, Ed).

Source :Laitai Jyne/2015

one Comment

  • Rev.Dal Cin 2 years ago

    Dear Siate,
    Na website uhpan na thu uh na mu/ngai thei kahih manin lungdam mahmah ingh.
    Khathazong tampi ngah ing.Pasian in na maban uh hong zawh den tahen.
    Khris sungah,
    Sia Dal Cin
    Malaysia

    Reply

Add your comment

Your email address will not be published.

%d bloggers like this: