NA PAWLPI UH A DAM HIAM?

NA PAWLPI UH A DAM HIAM?

– T. Shuan Lian, Shillong

Pawlpi i cih pen Topa Jesu, Gumpa leh Honpa a sang a, Topa Jesu nasep mabante sem dinga pawl a kiphut/phuan ahi hi. Memberte pen Topa Jesu in a sisan tawh a leite hi a, pawlpi tuamtuam tampi tak om hi mah leh, Pasian pawlpi khat bek om hi.

Pawlpi pen Khris Jesu sisan tawh a kilei hi a, a man zong tamin sang hi. A neipa thupi pen a, a neipa in leitungah a koihna hang pen kha lam a natna neite’n damna a ngah nading, van-gik puate’n tawldamna a ngahna mun leh gilkial, tuiduh dangtakte’n taina(satisfaction) ding Kha Siangtho ann (food) a muh na ding uh ahi hi. Pawlpi in a sep ding thupi pen in, leitung mun tuamtuam a Pasian thu tangko ding ahi hi. Pawlpi sungah a thupi pen leh a thunei pen Pasian ahihna i phawk ding kisam hi.

Pasiam lam a tawldamna munpi ahi pawlpi sungah, “Na pawlpi uh a nuam zel hiam? Na ci dam uh hiam?” cih dotna pen bang ci na dawng diam? A cidam zong i om ding a, a ci dam lo zong i om kha ding hi. Pawpi cidamlohna pen kua mawhpuakna hi ding hiam? A diakin ei pawlpi ciat ki-en pha kik lehang, “Khenuai a kipan luzang dong nangawn a cidamna mun om lo a sa nim gawpnate, meimapite leh siluang liammate a om hi. Tuate pen a naai kisal lo, kitun lo, sathau tawh zawng kinomsak lo hi”(Isai. 1:6) a cih bangin i pawlpia om kha hiam?christian-wallpaper-cross

I pu i pate a kipan tuni dong ciang pawlpi cidam zo nawn lo hi. Pawlpi sunga hiang (branch)tuamtuamte’n Pasian hotkhiatna i sang ciat a, tua hotkhiatna thu i sandan kibang lo ahih manin pawlpi in cidamloh lawh hi.

Pawlpi sungah thu deih luatna hang, huat nei, kiliansak, thukim­pih haksa diak, cih bang thute a omna hangin leh, i thute a kikalhna hangin, pawlpi sunga hiang tuamtuamte cidam lo thei zel hi.

Pawlpi mi tuamtuamte’n haksatna neih dan kibang lo a, pawlpi pen mihing cidamte om nading hi leh kilawm ahih laitakin, natna nei (indisposed)te tawh zong omkhopna mun ahi hi. Pawlpi mi khat khit khat kidong ciat lehang, “Tulai na pawlpi uh a nuam zel hiam? Na lawp uh hiam? Na cidam uh hiam?” cih dotnate pen,LPasian hehpihna leh ompihna tawh cidam ung ei, ka thalawp laitak uh hi ei” ci-in dawng thei leng lungdamhuai mahmah ding hi.

Pawlpi mite lakah pawlpi siat ding a deih leh a mindai nadinga a vaihawm nuam a om ding uphuai lo a, pawlpi mi khempeuh in pawl hoih ding i deih ciat ding uphuai

hi. Ahi zongin pawlpi pen a pualam (outside) pana etlawm mahmah, thupi i sak mahmah, ahi zongin a sung (core) lam thuk lut leng a hoihlohna (abject) tampi tak om thei hi. Tua bang pawlpi om thei ahih manin tuate ngaihsun kawmin, i pawlpi sungtawng dong ciangah i ci a dam hiam? cih pen ngaihsuthuai mahmah hi.I vangam paina lampi pen duhhop takin eimah bek pai nadingin i bawl kha hiam? A kongkhak eimah bek i kitat nadingin i bawl hiam? Eimah bek i kingaihsut leh thukhenna ni hong tun ciangin i lung a dam ding hiam? Kingaihsun pha-in, i pawlpi sung, i kipawlna sunga cidam hiam? cih kidong pha kikkik ni.

Na hoih na pha sema i kingaihsut laitakin i pawlpi pen lei leh vanah bangci bangin hong gen dingin na um hiam?

Laitai /Oct2013 pan ki la kik hi.

Add your comment

Your email address will not be published.