MOTHER’S DAY – MAY 14, 2017 [ NUTE’ NI ]

NUTE’ ni hong pian khiat na thu.

1908 kum may kha ni 10 ni in Anna Jarvis in a pian na nu a phawk na leh a pahtawi na tawh a patkhiat hi a,1914 kum may kha ni 9 ni US congrees thukhensat na tawhPresident Woodrow Wilson in kumsim in may kha nipi nih na peuhmah in NUTE’’ ni a kizat nading in tangko khia hi.Tu ni dong tua mah a ki zom suak a hi hi. Tu ni-in eite zong ih pianna nute ihphawk mah mah a ih pahtawi ciat hi.Nute cidam ta uh hen khansau ta uhen. NU a ki cih teh na mitkha in bang na mu a le?

Who is Mother?—NU ih cih kua hiam?

Hebrew pau in “AME”, “Ah-May”- “ The bond of the family”-“ Inn sung a lenkip,a tha-khauh sak nu.A kitam te a khuituah,a kikhen te a gawmtuah,a kitawngte a lemtuah,inn sung a lenkip nu cih nop na ahi hi. Nute mahin inn sung nuamsak in lenkip zo pen hi.  

Mother- M O T H E R –NU it na tawh eite hong huup nu.

M = Many things she gives.—Tampi a piakhia nu.

O = Others, live for others — – Mi aa ding in a nungta nu.

T = Tears for children — – Tate aa ding in khitui a luang nu.

H = Heart for Love — — -It na lungtang a nei nu. Mate 15:21

E = Eyes to see — — — — — — — — A kisam te a mu thei den nu.

R = Right to do and say.– — -Sepkhuan, paukhuan a nei nu.

e.g. Mi minthang te thu:

George Washington in,“ka muh ngei numei kheempeuh lakah kei’Nu mah hoih melhoih pen”ci hi.“My mother was the most beautiful woman I ever saw”

Ronald Reagan in, “Kanu tung pan in thunget na manphat na,tupna nei-in tua te tangtung takpi ding cih upna,cih te ka sin hi” ci hi.

{ From my mother I learn the value of prayer, how to have dreams and believe I could make them come true.}

Thomas Edison ki ci electric bulb a bawl khia thei pa a neu lai in a sang pan in,a sia ten lai khat khak a, a lai sung ah,“Na tapa uh hai lua hi, a ma ading bangmah hih thei

kei ung”ci hi. { Yourchild is dumb,we can’t do anything for him}A nu in tua lai thuk kik a, “Ka tapa tel lo hi uhteh,keima’n lai ka hilh ding hi”ci hi.

{ You do not understand my boy,I will teach him myself.}A nu in acih bang in hilh tak pi hi. A mah in a om ngei nailo a ki bawl thak van leh na nam 1093 te bawl hi. A nu’hanciam na hang in mi minthang suak hi.

Nute’ ni a hih mah bang in Mother ih min khiat natawh ki zui in mi te ading thupha a hi kim ciat dingin Topain hong heh pih ta hen!

Dotna khat: Banghang in naugeek khat nu khut tungpan lakhia leeng kap ahi tam? [ Dawn-na a nuai ah]

1. Nu’gimnam thei hi.

2. Nu’tawi dan a khut thei.

3. Nu’meel thei.

4. Nu’awging thei.

5. Nu’puak daan thei.

6. Nu’kheging thei.

7. Nu’nawizu limna thei.

Naupang te lungdam na leh lungsim puak zia:

1. Nu’vak na ah zuih mah lungdam pen.

2. Nu tawh inn a, a om khop uh mah nuamsa pen.

3. Nu, inn aciah uhteh, nu a na om mah lungdam pen.

4. Nu’ mehhuan mah limsa pen.

5. Nu’lama, pute inn hawh mah nuam sa pen.

6. Nu’thungetsak mah lawhcing sa pen .

7. Nu’ tangthu gen mah zaknop sa pen.

8. Nu’thugen mah ki um pen.

9. Nu’aanglum mah muanhuai pen.

10. Nu’ meelmah hoih pen.

Ih Kum tawh kizui in lungsimpuak zia:

1. Kum 4 phakteh– ka nu in na kheempeuh hih thei.

2. Kum 8 phakteh—ka nu in thu kheempeuh thei.

3. Kum 12 phakteh– -ka nu in na kheempeuh theikhol

sam kei.

4. Kum 14 phakteh—ka nu in theihmel nei kei ve aw.

5. Kum 16 phakteh– — -ka nu in thu naktheih kei luazen.

6. Kum 18 phakteh—ka nu bel a kiman na meel om kei.

7. Kum–25 phakteh—E! ka nu in hoh theikha in teh aw.

8. Kum-35 phakteh– ih khensat ma in ih Nu dong dih ni.

9. Kum 45 phakteh– -ih nu om hi leh a bang ci ngaihsuttam maw?

10. Kum –55 phakteh– — – ih dotnop tamkeei e,aman lah khua zamel non kei.

11. Kum– 65 — teh—ih nu om lai hen la,thu tampi

kikum hiit-hiat thei zen leng utmahsing maw!.

Nute tung a Pasian piak theih nate:

Pate in,theih theihna [senses] nam 5 nei a, Nute innam nga val nei hi.Mit tawh muhna,Bil tawh zaak na,Lei tawh limsak na,nak tawh namzaak na,khut tawh lawn na,cih te ban ah:

1. A ta geek a gil a kial teh thei hi,a nawizu phul khia.

2. A ta  te aw thei, naupang aw tampi lak ah.

3. A ta a ci nat teh thei, a nawigui ah ki langh.

4. A ta te lungnop loh na , a lungsim ah kilangh.

5. A ta te gamtat zia a man lo te, a hopih na pan thei.

NU a kikheek thei diam?

[Nu in tate a itna a kikheel ngei lo mah bangin,Tate aading in,Nu zong kikheek thei lo.

A piang gei thu khat:

England gam ah England Prince Charles leh Princess Diana ten ta pasal William leh Harry nei uh a,1996 kum in a nu leh a pa kikhen uh hi.1997 kum in Lady Diana car accident in si a,a ta ten a zakciang un a pa kiangah a gen leh, a Pa in, “ka zi hi non kei,kei tawh kisai non kei” a cih ciangin, a ta pasal 2 te in, a pa kiang ah “Na zi a hih non loh hang ko ka Nu uh hi”ci a hih manin a pa in, a tate’Nu aluang la in, a gam kumpi te vaihawm na tawh vuisak uh hi. A sivui ni-in Tv pan live in kipat pan, a tawp dong ka en hi. A ta ten a Nu uh a itna a ngaih na a lakna, thupi kasa mahmah hi. A pa in zong a tate lungkimna, a deih na uh a zuih na, ka muh ciangin a pa uh thu pi ka sa mahmah hi. Zi kheel om ngei kha-mah in teh,ih pianna Nu bel ki-kheel thei lo cih ih theih ding kisam hi.

Nute tung ah ih lungdam ding zia ih theih nang in thu khat kong kikup pih nuam hi.Oklahoma, Tulsa khua ah inn saap daan: [kha khat aai ]

1. One bed room– Inn khan khatbek [ — – $ 500.00

2. Electric bill – mei bill — — — — — — — — — — -$ 100.00

3. Waterbill — — Tui bill — — — — — — — — — — — -$ 50.00

4. Food — — — — — An lei na– — — — — — — — — — — $ 150.00

5. General — — — A nengneng — — — — — — — — -$ 150.00

6. Car & Insurance — – — — — — — — — — $ 150.00

7. Health– – Insurance ,cidam na– — — — — — -$ 100.00

One month —Kha khat beina — – Total — -$1200.00

Ten months– — — — — — — kha 10 –Total– -$ 12000.00

Ka lungsim sung ah hong om den thu khat:

Paunak 30: 11- A pate samsia in a min adaisak, a nute aphat lo mi pawlkhat a om hi. [ TDB ]

Nu a telkhial te a ding, ngaihsut huai thu te:

Tulsa ah Apartment mikhat om na nuntak thei nang inn saap kha 1 ai, tuul leh zanih, kha sawm teh tul sawm leh tul nih.

Na NU gil sungah na om kaal 40=

kha 10-sungnu’gilsung inn a om man– — $ 12000.00

Na suak na zato bill –– — — — -$ 8000.00 [ tuul-giat ]

Na suak nidong abei zah — — — -$ 20000.00 [tuul sawm nih]

Leitung ah mi hing in na suakkhiat ni dong Nu tung ah,na [leibat tuulsawm nih ]

Kum khat ihphak ciang dong NU te hong kepna:

Naukep man — – 1 hour = $6, — – 10 hours x 6 = $60 hi leh,

Naukep man — — 1day = $ 60

Kum khat kep man — — — — 365 days x $ 60 = $21900.00

Ih suak ni ciang — — — — — — — — — — — — — — — — — = $ 20000.00

Kum khat cin ni ciang– -Total = $ 41900.00

Nu telkhial in, Nu’ itna thei lo in, it lo in mudah Na hih zenzen leh hih na lei bat te na loh khin nai hiam?Nang le nang ki dong in la, lohkhin mah ing na cih leh,na lungsim kizawh bang in na khen sat in. Nu’ tung a ih lei bat pen kituat zolo a hih man in tuat non kei ni, tua leiba te Nu ciim te in tuni dong hong ngen lo hi, cih mah hun ciang in zong hong ngen lo ding hi. Nu tung ah ih leibat kheempeuh ih lungsim file ah ciamteh ciat ni, tua lungsim file min pen;

“ HONG KI NGEN LO LEIBA “ file ci ni.

NU te’ni a ding thu khup na:

Paunak 31:11- A pasal in muang mah mah a, a inn sung uhah an-nek kitasam ngei lo uhi. Nu te zong ih pasal leh ih ta-it- te’ muan in om ni, ihPasian muang ni,ih pasal zong muang ni,ih tate ih mote

zong muanbawl ni,inn sung ah ei te hang in nop na daih na om den ta hen la,an-nek tui dawn ki tasam lo ding in a vai hawm siam ding leh cidam khansau ding in, Topa in ei NUte kheempeuh thupha hong pia tahen!

HAPPY MOTHER’S DAY !!!!

By Rev.Vung Z Niang –FGAI Tulsa U.S.A

FGATulsa Zomi Service May 14,2017

Add your comment

Your email address will not be published.