Mangpha Pa. Thang Khua Khai (Nau Lak beh) Kum 39

Tutung FGATulsa Pawlpi in Upmawh lohpi in  Lungdam Bawl khit lianin misi luangnih ki nei hi.Pa Kamta Upa ahi,Pa.Nang Sian Pau in Kawlpi panin Gisung leh Cisa natna hangin, ongnusia hi.Pawlpi in zong Pa.Kamta te inn ah ahi thei bangin hehnep tutpih na ki nei hi.

FGATulsa pawlpi mi ahi Pa. Thang Khua Khai @ Thakhai zong A beisa kha(3) pawl in gilpi dam lohna hang tawh zato va tungin, zan (3) khit ciang zato a ten cidam inhong tuak sak hi.A hi zongin tuma nipi (2) lai in dam loh hong kipan kik in 12.25.2016 ni tak lam in hongzawm vat a, 911 sam in zato ah ki taipih pah hi.Siahuan /Sm ten zong ahih theih tawp un hong hanciamuh hi mah leh zing sang nai 3:45 kim pawl in Pa Thang Khua Khai in a it a nu leh a pa, a zi a tate, asanggam te leh khuapih tuipih te 12.26.2016 Ni in St. Francis zato pi pan in lam et nai hetlo pi in hongnusia a, vantung ah a mah a bawl a piangsak pa kiang hong zot san hi.

Pawlpi leh Khuasung khuapua pan in It leh Ngaih U leh Nau mipih sapih te in zong,a nusiat azi ata te leh Sanggam te hehnep tutpih na FGATulsa Biakinn ah ahi theibang innitak thum ki tutpih in,Dec 30,2016 ni-in thusia lasa om hetlo in hanmual ah lei ah kituh kik theihi.

Pa Thang Khua Khai i Tangthu tomno

Pimpih Khuami, Munlai a teng Pu E. Cin Thang ( Naulak) leh Pi Ngin ZaLuan (Haunung) te sung panpiang. Unau pasal 8 leh numei khat sung ah a u

pen ahihi.Sanggam unau te

1.(Thang Khua Khai) +Dim Khawm Mang(Suante) (Tulsa,USA)

2. Thang Za Lian (Seaman-Pacific International Line-PIL (Singapore) +

Khawl San Lun(Zahngiat)

3. Thawng Khan Sing(BA) + Zen Khawl Nuam(Haunung) (BA) (Tulsa-USA)

4. Cin Za Lal (Bsc -PAT) + Thang Muan Cing(Naulak) Dip. Ed, BA-JAT)

5. Ngo Zen Pau (BTh)

6. Pau Dik Mung (AGTI) (Tawmvei Japan)

7. Zen Lam Tuang(BA)

8. Dim Lian Kim (AGTI-2nd Year, Khanti)

9. Cing Khawl Nuam(Grade 9, YCW-Tahan)

Sangkahna

Pimpih BEPS ah tanlang pan tan 4 dong kah a, Tan 5 pan tan 8 dongDolluang BEMS ah kah hi. Tua panin a Papi {Sia Thual Khua Thawng JAT-(Phamsa) } beel in tan 9 pan tan 10 dong No.(2) BEHS, Tahan ah kah a,1997 kum in tan 10 zo hi.

Nuntak zonna

Nuntak hamsatluat na leh a naute a khualna in sangkah zom nawn loin 1998kum in Pimpih khua panYangon ah a papi tapa ahi Pa Lun Za Pau(Chief

Engineer– Pacific International Line-PIL,Singapore) beelin om a, a mavaihawm sak na mah tawh 1999 kum Malaysia zin in kum (4) sung na a sepkhit cianginThailand gam zuan in nasem a, 2008 kum in UNHCR te vaihawmsakna tawh Florida, USA ah a Pu DaiKhan Ngin te inn ah tung hi.2013 Kumin Florida Panin Tulsa Sanggam te omna ah hong ki tuah in AAONCompany nasep hong ngahpah in Dec 4,2016 in Damloh na hangtawh nasephong khawlhi.

Zi leh ta neihna

Pimpih khua a teng Pa Khual Za Thang(Suante) leh Nu Luan Oih Cing(Haunung) te tanu (3) Lia DimKhawm Mang tawh 2011 kum in hong kiteng in, Pasian piak tanu Lia Luan Sian Hung leh Lia Cing Hah Huai te hong nei in a u zaw Lia Luan Sian Hung pen Pre School kah ta hi.

A nuntak zia

Pa Thang Khua Khai pen a neu tung pan kipan in migi in Guitar leh lauk mahmah hi. Sunday School siasem-in a khanggual te Guitar leh la pattah bek thamloin khua sungah khangno Tuailai te kaikhawm inbiakinn ah guitar leh la sin pih a, khangno te a lawpsuah biakinn a tungsak khat a hihi. A lawm a gual lakah zong nuamsa in mi tawh kikhawl khawm thei, a thudik leh a migi khat ahihi. Khua leh tui pawlpi te inzong a pahtakmahmah khat ahihi. Sum zon na ah citak in Nu leh Pa Innkuan a vak mi khatahi hi.

Dam loh na leh Leitung mangpha khakna

A beisa kha(3) pawl in gilpi dam lohna hang tawh zato va tungin, zan (3) khitciang zato a ten cidam inhong tuak sak hi.A hi zongin tuma nipi (2) lai in dam loh hong kipan kikin12.25.2016 ni tak lam in hongzawm vat a, 911 sam in zato ah ki taipih pah hi.Siahuan /Sm ten zong ahihtheih tawp un hong hanciamuh hi mah leh zing sang nai 3:45 kim pawl in Pa Thang Khua Khai in a it a nuleh a pa, a zi a tate, asanggam te leh khuapih tuipih te 12.26.2016 Ni in St.Francis zato pi pan in lam et nai hetlo pi in hongnusia a, vantung ah a mah abawl a piangsak pa kiang hong zot san hi.

Lungdam kohna

-Anat a kipan sum leh paai tha leh ngal ,thungetna tawh ahi zongin itna honglak khempeuh tungah-A sih a ki pan tuni ciang dong a kisam bangbang sep na bawlna vai tuamtuam ah hong buaipih uleh nauveng leh paam a kua mapeuh tungah,

-Siampi vai a kipan Han tan na ding sum leh paai ai zongin vai tuamtuam ah hong van FGA-Tulsapawlpi leh sia te tungah,

-Lungkim huai tak leh hih theih tawp dong itna leh hehpih na tak tawh bawl inhong hanciam sak St.Francis zato ah siavuan/ sm te,

-Vai tuamtuam ah hong buaipih in, Zanthapai ihmu loin zato ah hong giakpihhong ompih a kua maciat,

-Nitak sim hehnep biakpiakna ah hi ta leh, inn ah hong pai in hong tut pih te,Phone pan ahi zongMessage tawh ahi zong dahpihna hong pulak te,

-Tha leh ngal bek hi lo sum leh paai tawh itna hong lak mimal hi ta lehkipawlna tuamtuam pan Kipawlnamin tawh itna hong lak kipawlna te,

-Hong pai in itna hong lak, Tulsa khuasung pan hi ta leh mun tuamtuam Statedang pan hong pai ngiat uleh nau te tungah,

-Lungdam koh ding a kilawm a kua maciat tung ah lungdam mahmah ung.Topa’n mimal kim tung ah athupha tawh hong tuam den ta hen.

A NUSIAT A INNKUAN PIH, TANAU TENG

Topa’n a nusiat uh adam lai Innkuanpih,sanggam u leh nau te tungah Alamdang takin ong hehnepsak ta hen.Amen.

FGATulsa Pawlpi /Media

no comment

Add your comment

Your email address will not be published.

%d bloggers like this: