LUNGSIM SUAHTAKNA

A cidam thei lo pawlkhat pen taksana hi loin lungsim cinatpih khawng peuh na hi zaw thei hi. Tua pen kuama’n kitelpih kha lo hi. Mihingte pen i lungsim suakta peuh leh i ci  i  sa hong malh pah hanhan a, kimoi suahin i  mel mahmah zong hong hoih semsem pah lel hi. I lungsim suakta kei leh lah, a nini-in kiteek pah hanhan hi.

Khatvei sang khatah Sianu in a  sangnaupangte sung pan a  phia simsim pasalno khat, “Ding sin” a cih leh tua naupangpa ding nuam lo hi. Sianu in a  khutah ciangpum khat a tawi khit ciangin “ding sin” a  cih kik leh naupangpa zong ut lopin dingto hi. Tua naupangpa’n “Ka pumpi a din hang ka lungsimding tuan kei,”ci teitei hi. A khancingte gen loh naupangte nangawn in kiukcipgawp pen nuamsa loin suakta nuam uh hi.

Khatvei sang khatah Sianu in a  sangnaupangte sung pan a  phia simsim pasalno khat, “Ding sin” a cih leh tua naupangpa ding nuam lo hi. Sianu in a  khutah ciangpum khat a tawi khit ciangin “ding sin” a  cih kik leh naupangpa zong ut lopin dingto hi. Tua naupangpa’n “Ka pumpi a din hang ka lungsimding tuan kei,”ci teitei hi. A khancingte gen loh naupangte nangawn in kiukcipgawp pen nuamsa loin suakta nuam uh hi.

Tuhun biakna makai pawlkhat in “Ka naseppihdingin mipil deih ke’ng, a thurnanqte bek deih ing” cithei uh hi. Hih pen amau’ deihna a  tangtun ding bek ngaihsun uh a, khantoh na ding sep a  sawm loh man uh ahi hi. Sepzia bawlzia ding tawh kisai a na seppihte kuppih ngei loin thupia ziau ziau uh ahih manin a  naseppihte a lungsim uh suakta ngei lo hi. Lungsim suakta lopi-in sawl manna lei tawh sep pong lelna in phattuamna nei lo hi. Hih  bang  mite  makaihna   pawlpi cikmah hunin cidam ngei lo a, zong khangto ngei lo hi.

Pasian in hong bawlsa mihing te  hong ukcipgawp lo a, suahtakna hong pia hi. Topa Jesu mahmah zong a kihencipte a suakta sak dingin leitung ah hong pai ahi hi. KhaSiangtho nasep in mihingte lungnop suahtakna ngah nading ahi hi.  Kha Siangtho omna munah lungnop suah takna  om hi.  (2Kor.3:17)  Tua ahih manin lungnop suahtakna a om lohna munah Kha Siangtho in hong ompih lo hi ding hi.

Leitung mi khempeuh kisuakta nuam  ciat  hi.  A suakta  theithei-in kinungta nuam ciat hi. Innkuan sung ah, sangah, nasepnaah, pawlpi sung ah, gam sungah a suakta theithei kiut hi. A kiukcip pawlpite sangin a suakta pawlpite khangto zaw uh a, a kiukcip gamte sangin a suakta gamte khangto zaw uh hi. Tua hang mahin a  kiukcip gamte kinusiasia-in,a suakta galn lianpite ah kitaitai hi. Mihing bek hi loin ganhingte   nangawn  in  hencip  leh khumcip nuamsalo uh a, suakta’nuarn uh hi. Vasate bang zong suakta takin leeng nuam uh hi. ·

Mikangte pen kum 18 a  phak nak uh leh mimal suahtakna nei uh a, amau le amauinsuaktatakin ngaihsun, nungta, gamta uh hi. Nu le paten zong ukcip nawn lo uh hi. Tua hang mahin mikangte pen koimun koigamah om taleh suakta takin om uh a, maingal thei-mahmah lel uh hi.

Zomite  pen i   neutung  pan nu le pa in hong ukcip pah, sangah siaten hong ukcip leuleu, pawlpi sungah zong hong kiukcip leuleu, nasepna ah tung siah ten hong ukcip lailai, khua sungah thuneiten   hong ukcip leuleu,  numeite phadiak,   i   pasalte  le i   teekten   hong ukcip lallai hi. Tua hangin i lungsim suakta ngei lo a, kimaigum thei hi. Tua pen kiphasak  hong  kici nuam  lai hi.

Biakpiakna ah suahtakna  a om ding  thupi  hi. Sia le makaite  pawlkhat in a  kikhawm   mite  a  lungdamsa  le a suaktasa  vive  in  innlam  zuankik  sak uh ahih manin a kikhawm  tam  pah a, sumpi zong khang  pah hi. Khat veivei biakinn kikhop sangin veeng kikhop khawng peuh hong nuamzaw thei a, khanlawhna  khawng hong omzaw thei hi. Tua pen thudang  hang hi loin a kikhawm          mite’   lungsim   suakta   zaw ahih man ahi hi. Lungsim suahtakna munah  Kha Siangtho  in na sem hi.

Pawlpi sungah suahtakna a om ding kisam hi. I vei khat pen eimah in suakta  takin   ngaihsunin   geelin  sem le’ng  nuam  kisa mahmah  a,  hun  bei lam nangawn  kiphawk  kha lo hi. I sep peuhpeuh   zong  lungdamtak,    maitai takin  kisem thei  hi.Hong kipumukluat  ciangin  i hekziai tatzia ding zong kithei zo nawn  ,, lo hi. Innkuan sungah zong suahtak le lawp takin kisam pah lei hi. I kha no suakin i lungsim zong nuam a, i pumpi zong cidam hi. A suakta innkuante a lung uh nuamin a ci uh zong dam a, zong khansau uh hi. Nupi pawlkhatte a mai uh a gum denna pen a lungsimuh suakta ngei lo ahih man hi thei hi. Pawlkhatte a ci uh dam thei loin sia vuante kiang kilak leh lah a natna mu lo hi. Tua bangte pen a pasal in ukcipgawp, a’ih keh a teekten a  heksuk ahektohna enciklua_liangahih manin a lungsim uh suakta loin a dam loh lawh khawng zong hi thei hi.

Nasepnaah zong suahtakna a om ding kisam hi. Bangzahtakin nasep tamin i  gim i tawl phialzonqin i lungsim suakta limlim peuh leh nuam kisaveve lelin i gim i tawl lam nangawn kiphawk lo lel hi. Makai ciimten a  naseppihte muanbawl uh a, suaktasak ngiat uh hi. Tavuan khat  a piak leh thuneihna tawh piakhawm pah uh a, va sitsit, va ukuk nawn se lo uh hi. Mi khempeuh in kiukcip pen nuam kisa loin suakta taka nasep bek nuam kisa hi.

Lai at : Nu Ngo Kang Cing

Sr:Zangkong Awging #July/2011

 

 

 

 

Add your comment

Your email address will not be published.