LUNGSIM GALDONA(Zopna)PHUNG – 4 July 2015

“Tawm Tawm In”

“Topa na Pasian un note maiah hih minamte tawm tawminsiang khia sak ding hi; note adingin gamsate hong tam khanlua kha ding ahih manin, amaute thakhat thu in na beisak keiding uh hi”(Thkna.7:22).

Na lungsim tawmtawm in kipuahpha ahih leh zong lungkiatpah ding hi lo. Israelte gamciam ah a lut ding laiun Pasian inamaute kiangah,” A galte uh tawmtawm in, dam dam in siangsakding hi; tua loin gamsa hong pung kha ding,” ci hi. Hi taka”Gamsa” a cih pen “Kisaktheihna” hi ding hi. Ahang bel i geelnabanga tuahphatna hong tun ciang kisaktheih baih lua hi. Khat khitkhat lawhcinna i ngah pen eite adingin hoih zaw tham hi. Haksataka gualzawhna leh suahtakna i ngahte manpha kisa hi. Eitethahat man hi loin Pasian hong piak hi cih kician semsem hi.

1. Thuak khit ciang suahtakna : “Khris hangin note, amavangliat tawntung minthanna ah hong sam hehpihna thuphakhempeuh Pasian in tawlkhat gimna na thuak khit uh ciangin, hong cingsak, hong kipsak, hong khauhsak ding hiî (1 Pet. 5:10). Bang hanga thuak kisam masa zel hi ding hiam? Keiupmawhna panin thuakna leh gentheihna sung pana Jesu Khrishotkhiatna i ngah pen lungdamhuai pha diak hi. Eite in cihtheihbangmah nei lo cih i kitheih nunga hehpihna hong kilang pen amanphatna ahi hi.

2. Kimawhsak ken: “Tua ahih man ci-le-sa deihna banginkalsuan loin Kha deihna bangin a kalsuan, Khris sungah a ommite in mawhna thukhenna tawh a kipelh zo uh hi” (Rom 8:1). Khelhna leh nungkikna na neih khak zenzen leh nang lehnang kimawhsak pah kei in. Tua bang na tuah khak leh kithahatsakin tha thak la in. Naupang pai kisin tung zong a puk zel hanga sawtna ciang lungdam takin a pai theih bangin, nang zongkhelhna na bawl khak leh beidong pah kei in. Khelhna na bawlkhak manin a kisecip na hi pah kei a, a khial thei na hih lamkiphawk ding hi zaw hi. Thahatna lam i neih bangin thahat lohna lam zong kinei hi. Na thahat lohna ah Khris pen na thahatna hicih thei in la, kimawh sak ken, na gualzo lai ding hi. A hun sawtkha thei, ëtawm tawm iní cih phawk gige in.

3. Lungneu ken: “Bang hangin kha kunkun ka hi hiam, banghangin lung himawh ka hi hiam? Pasian sungah lametna neining;… kei hong huhpa ka Pasian ka phatkik na ding hi” (Late42:5).Beidong lungsim in lametna teng beisak ahih manin, Satan in beidong dingin hong koih sawm niloh hi.Beidong a i ompen Satan lungdam hi. Bible sung mun tampi ah beidong lo dingahanthotna i mu a, beidonga i om legualzawhna ngah lo ding cihPasian in thei ahih manin, beidong lo dingin hong hanthawn hi.

Lamet bei in na kimawhsak ciang, bang ngaihsun na hiam cihlungngai phakik dih ve, hih a nuaia bang ngaihsutna na nei khahiam? ” Kei bel lawhcing ngeilo ding ka hi ve, bangmahkilamdang thei tuan kei. Mi dangte in kei bangin haksatna tuakkha lo hi. Pasian in ka thungetna hong dawng lo hi inteh. Keitungah lungdam lo hi ding hi,î Hih bang ngaihsutna na neih lehna lamet bei in nang leh nang kimawhsak tawm cihna hi. Nangaihsut bangin piang ding cih mangngilh peuhmah kei in.

4. Hih bangin ngaihsun dih ve: A zekai hang mainawtnatawmtawm nei thei ka hih man Pasian min phatin om ta hen. Suahtakna lampi tawnin pai cih kithei ing. Topa, ka ngaihsutnahoih lo tampite hangin hong maisak in la, mainawt dingin honghuh in. Nong it a, nisimin na hehpihna a thakin ka ngah zel hi. Beidonga om ka ut kei a, kei leh kei kimawhsak zong ka ut kei hi. Siam hong kitangsak hi cih Bible sungah ka mu a, Jesu kei adinginsi a, tua ahih manin gualzawhna ka ngah ding hi. Kei adingin tunipen ni manpha hi a, nangmah pana hong pai ngaihsutna hoih kaneih theih nadingin hong huh in ci in. Hih bang ngaihsutna naneih theih leh gualzawhna lampi tawnin a pai na hi hi. Na khatpeuh a ngaklah mi ka hi a, ahi zong Pasian in hoih asak bangin hong honkhia hi. Thuakzawhna i neih theih nadingini ngak hun sung sausak hi thei hi. Ama hun geelna hoih pen azekai cih om ngei lo hi. Thum loin ngak ngiungeu in.

Source :laitai June 2015

 

Add your comment

Your email address will not be published.