LUNG KIA KEI IN

LUNGSIM GALDONA (Zopna)

“Eite in lungkia loin gamtat hoih gamta ni…lungkia loin i om leh, a hun a tun ciangin a gah i at ding hi” (Gal.6:9).

Tulai takin na nuntakna leh na lungsim ah haksatna khatpeuha tuak na hih leh zong beidong ken. Satan in na neihsa hongguksak khempeuh na ngahkik theihna dingin hanciam in. Na hihtheih bangbangin, hun khatah tawm cikcik ahi phial zongin, nangma tha muang loin Pasianí hehpihna leh thahatna ah kingain. Sawltak Paul in Gal. 6:9 sungah beidong pah lo dingin honghanthawn hi. Lamet bei lungsim in nang hong zo kei hen. Pasianin ama tunga upna a ngate huh ding thadah lo hi.

1. Nawk suak in: “Nangmah in tuite na kantan ciangin nangtawh kong omkhawm ding a, gunte na kantan ciangin tuiin  hong tuum lo ding hi; mei kantan in na pai ciangin na kang kei ding a, a meikuangte in nang hong kangtum lo ding hi” ( Isa. 43:2). Haksatna khatpeuh na tuak leh beidong pah lo a nawk suakdingin kong hanthawn nuam hi. Habakkuk 3:19 sungah, “TopaPasian in keima thahatna ahi hi; sakhi khe bangin ka khe hong zaptelsak a, mun sangna ah lungmuang takin hong paisak hi.”Kha thu ah ma i sot theih nadinga Pasian in hong huhna zia pen, hun haksate ah nawk suak zo dingin hong huh a hong hanthawnhi. Khawlsan ut huai in baih mahmah a, a nawk suak zel dinginupna bek kisam hi hang.

2. Deihteelna nang thu hi: “Tuni in note langkhat ah teci apang dingin vantung leh leitung ka sam a, note maiah na teel  dingun nuntakna leh sihna, thupha leh samsiatna ka koih hi;tua ahih ciangin note leh na suan leh khakte uh na hin theih na  ding un nuntakna teel unî (Thkna 30:19). Nisim ngaihsutna tampi in i lungsim luah a, Kha deihna tawh kituak a ngaihsutna i neih theih nadingin i lungsim thak suaksak kisam hi. Cilesa ngaihsutna nei dingin hahpan kisam kei, i pianpihahih manin. Lam khat pan ngaihsutna dik nei dingin hanciam kul a, Pasian deihna tawh kituak ngaihsutna nei dingin deihteel kul. Tua i deihteelna picingsak dingin hahpan kisam hi.

Deihteelna picingsak dinga hanciamna ah beidong a na omleh hi ci bangin pulak khia in, “Beidong ngei kei ning, keimalamah Pasian om ahih manin hong huh ding hi,”ci in.I nuntaknaah bang hun peuh in deihteel ding i nei hi. Thkna. 30:19 ah Pasianin a mite deihteel ding Nuntakna leh Sihna pia a, Nuntakna teeldingin hilh suak pah hi. I ngaihsutna khatpeuh gen zel ihih manin, bang ngaihsun ihi hiam cih i theih ding poimawh hi. Paunak 18:21 sungah, “Kampauna in sihna ahi a, hinna ahi zongin piangsak thei a, i kampauna banga piangte san lohphamawh hi,” ci hi.

3. Gualzo dingin kuan in: “Horeb gam sungahTopa iPasianin…,”Hih mualah sauvei na omkhin zo uh hi, kihei in na khualzinuh kipan un la… Eufrates gun dongin pai un. En un note maiah leitang ka koih zo hi; pai un la, Topa in na pate uh Abraham, Isaak leh Jakob… tungah piak dingin a ciam leitang luah un” hong ci hi” (Thkna. 1:6-8).

Thkna 1:2 ah, Pasian in Israelte a pii khiat lai in ni 11 paina dingah kum 40 pai cih i mu a, tang 6-na ah,ìHih mualah sauvei na omkhin zo uh hiî ci hi. Nang zong mual khat a kim velvel nahi hia? Ni 11 paina dingah kum 40 a pai na hi hia?

Keima nuntakna ah zong phak sawmna ciang ka nei ngei kei a, gualzawhna nei lo Khristian ka hih lam ka kiphawk khia hi. Ka lungsim dik loh man leh Satan in keimah ah kulhpi kiptak a na cian khit manin mainawt thei het loin a om ka hi hi. Pasian thutak ka theih loh manin ni 11 bek paina dingah kum 40 a vialvak ka hi hi.

Pasian in hong theihsak danin Israelte sehnel gamah kum 40 a vahvaihnahang penamaute “Sehnel gam lungsimî inahencip man  ahi hi. Hih thu mun dangah i gen ding a,tu a ka gennop ahih leh na lungsima thaksuak theihna dinglehngaihsutnadiknaneih theih na  dingin thukhen satna diknabawlding kadeih hi.Pasiangamhluahte ihihna tawh kizui in, Pasian in eite kianga piak ding hong ciamsate ngah dingin beidong lo a hanciam dingin kong deih hi.

Zoplai ding

Source:Laitai Jun#2015

Add your comment

Your email address will not be published.