LAI SIANGTHO

I lungngaih khop ding Lai Siangtho kammal pawlkhat:

* Pasian’ kammal Lai Siangtho sungah, a beisa hun, tuhunleh mai lam huna thupiang dingte kicing takin om a, khat khitkhat hong tangtung deudeu ta hi.

*Pasian’ kammal Lai Siangtho pen, mihingte’ lungsim, khaleh pumpi adingin damna zatui hoihpen khat hi.

*Pasian’ kammal Lai Siangtho tawh a nungta/kalsuan mi khatpen, Satan’ vangliatna in susia zolo ding hi.

*Pasian’ kammal Lai Siangtho thupisak in, a lunggulh mite’ tungah, Pasian in kha pilna(thuthuk/thusim) te hilh tawntunghi.

*Pasian’ kammal Lai Siangtho tawh na nuntakna lam in. Kuamah in tua nuntakna susia zo lo ding hi.

*Pasian’ kammal Lai Siangtho pen, limlang bangin zang inla, lampi maan hong lak ding na sia/makai hi sak den in!

*Pasian’ kammal Lai Siangtho pen, theih ding leh neih dingciang bek hi lo a, nuntakpih ding zong ahi hi.

*Pasian’ kammal Lai Siangtho tawh thuman thutak kikhentelthei bek ding hi.

*Pasian’ kammal Lai Siangtho pen, ei ut bangin deih kaih dinghi lo a, ama deihna bangin zuih ding hi zaw hi.

* Pasian’ kammal Lai Siangtho maanmaan in sim in la, Pumpiading ann nek bangin, kha ann hi sak in. Pasian’ kammal LaiSiangtho sungah lungsim, kha leh pumpi adingin a kisamkhempeuh kim takin om hi.

*Pasian’ kammal Lai Siangtho in mi mawhpen ihih lam hongkitheisak a, mi hamphapente ihih lam hong kitelsak hi.

*Lai Siangtho pen, a nungta Pasian’ kammal(Pasian’ humop)ahih mah bangin, zuih ding leh nuntakpih ding hi-a, deih kaihgawp a khat leh khat kikap nading hi lo hi.

*Pasian’ kammal Lai Siangtho pen, na khempeuh kicin’nabulpi leh i galhiam hoihpen ahi hi. Eite’ hoihna leh i kicin’na khat zong om kei mah ta leh, ama

hoihna eite’ adingin hong kicingsak den Topa’n minthan’na

khempeuh tang tawntung ta hen. Amen!

Khris sungah, David Tuang

no comment

Add your comment

Your email address will not be published.

%d bloggers like this: