KUMLUI MANGPHA KUMTHAK THUPHA

 U leh nau nuleh pa a kua mapeuh tuni Topan 2014 kumlui sungah kha(12) kal(52) ni(365) nai(8760) hong zawhpih ni hi.I cidam kei  leh zankhat zong sawt ki sa mahmah a, i lungzing in i mabing hi, Topan hihzah a asawt kumkhat bup pen zani khat banga, ngaihsut dingin hong zawhpih ahih manin Topa tung lungdam hang.Pilna siamna leh hatna tawh naikhat ki nungta beh thei loa,hanciamna leh neih leh lam in zong naikhat nuntak beh nang leizo tuan lo hi.
Hi te khempeuh jesu tungtawn in hehpihna tawh hong pia in hong zangsak a hong zawhpih ahih manin nakpi takin Topa tungah lungdam ko kawmin amin i phat hi( EFs 5:20 )
Josef in ka haksatna te leh ka pa innkuan te ( asanggam te bawlsiatna teng)ka mangngilh hi ci-in a tapa min MANASSEH phuak hi. Tua ciangin a mah suakta a, Topan nakpi takin lam to in,leitung bup mikhempeuh an vak ding leh thuneihna sang pen a zangding in lamto hi. tua ciangin Josef in a tapa neu zaw min (Pasian in ka gimthuakna gam sungah kei hong pungsak hi ci-in EFRAIM a phuak hi.10891704_359963360795706_7391158234476301270_n
Nangzong a beisa kumlui sungah lungkim lohna,lungnop lohna leh na lungsim hong na sak mahmah a om khak leh zong mangngilh in la,
maisak in,Topan nang adingin a sia gelngeilo cih( Jer 29:11 )tel in la,a hoih pen hong gelsak ding Topa tungah lungkimna tawh kumthak dawnin Tua hi leh Topan EFRAIM ahi cihtheihna punkikna te hong pia kik in na lungsim deihna hong cingsak kik ding hi.( Late 37:4 )
Kumlui vaiteng MANASSEH phuak leng kumthak ah EFRAIM in hong dawntuah ding hi.
Kum thak in nang leh na masaun a dingin kalthak lamlahna thak leh ompihna thak tawh mihing sepzawh loh leh ngaihsut ngamloh a kiciangtan lo thupha tampi na san kum leh nang hong it Topa adingin na lianzaw tampi na sep zawh kum mitampi tung pasian hoihna tampi na hop sawn zawh kum suak ta hen.A MEN.

no comment

Add your comment

Your email address will not be published.

%d bloggers like this: