KHRISTIAN INNKUAN LEH PIAKKHIATNA

Mi masate pan kipan Pasian in a mite tungah pilna, thahatna, hansanna, gualzawhna, vangletna, cina damsak theihna, nek ledawn leh kisap tuamtuamte a hun zuiin ìpeî toto hi. Thukham azui zo lo, a si ding mihingte hong it luat manin a Tapa Jesu Khrisnagawn hong “pia”hi. Tua ahih manin piakkhiatna pen Pasian anei, Pasian ta, Khristian kici innkuante adingin sep ding thupileh poimawh ahi hi.

Mihing mahmah kipiakkhiatna: Piakkhiatna laka athupipen leh manphapen Pasian ading a hingtanga kipiakna hia, tua pen Pasian biakna maan taktak ahi hi (Rom. 12:1). SawltakPaul in hingtanga kipiakzia ding Rom 12:2-13:14 sungah tel takingelh hi. Tua banah, kikhop hun ciang a Pasian phat ding a kalsuankhiatna, midangte adingin thu ngen a, a kisam mite huh a, Pasianhanga mite simmawha om laitakin zong lungduai taka thuakna, itna neiin, Pasian hong piak pilna-siamna zatnate zong hingtangakipiakna ahi hi.

Abraham a hingtangin kipe lo in, Ur khua pan paikhe nuamkei leh Pasian in thupha pelo kha ding hi. Tua mah bangin Jesunungzuite pankipan tuhun ciang dongah Khristian ci a, Pasianbiakna a kalsuan theihna pen hingtanga kipiakna hang ahi hi. Tua banga hingtanga kipekhia innkuan pen i lamet Khristianinnkuan ahi hi.

Sawma khat piakna: Thu-upna dik lo i ci diam, thadahman ahih kei leh ze-etna hang hi ding hiam, Sinai mualtungathukham kipiate zuihzawhlohna hang a Jesu hong paina thupaulap-in, mi pawlkhat in ìThuciam Thak hunah sawma khatpiak kisam nawn lo ci uh hi. A taktakin Jesu in piakkiatna,midang ading a na hoih sep thupisak mahmah a, tua banahngeina luite a phiat ding hi loin, a kicingsak ding ahihna gen hi
(Mat. 5:17).

Sawma khat pen Sinai mual tunga thukham a kipiak hunma(kum 500 ma) pekin Abraham leh Jakob in pe khin uh hi (Pian.14:17-20; 28:22; Heb. 1-10). Sawma khat pen Pasian aa, Amanasemte tungtawn a piak ding, a pelo tein a guksak, a piate tungahvantung kongkhak te kihong ding, a piate mun leh gam cidamsakding leh siampi (Pasian nasemte) zat ding ahih thu kimu hi (Siam. 27:30-33; Gam. 18:26; Thkna. 14:22-29; Mal. 3:6-12).

Thuciam Thak laibute-ah, “Sawma khat pe nawn kei un” cihthu kigelh lo hi. Mipite in piak ding ahih thu tel mahmah uhahih manin Jesu in a piak ding zia uang genzaw hi. Thukhamhilhsiate leh Farisaite kiangah sawma khat tawh kisai a genna-ah, ìÖ. thu masate (sawma khat piak ding) nusia/nelhsiah loin, anunungte (thutang, hehpihna, thumante) na zui/sem unî (Mat. 23:23 NIV) ci hi. Sawma khat bek hi loin, adang citpiaknate zongthupi ngaihsutin, sem dingin hong lamen lai cih kilang hi. Tawma piate sangin tam a piate lungdamzaw uh hi.

Midangte Huhna leh Citpiakna: Sawma khat bek zonghi lo lai, huh a kisam mite huh a, na hoih sem a, sauveipi a kimangding gah a gah dingin Jesu in hong seh hi (John 15:16). I thanemhang hiam, i theihloh leh a manphatna i phawkloh hang hiaminpiakkhiatna ki-awlmawh lo thei hi.

Jesu Hong Hilhzia: Mat. 6:2 sungah Jesu in, “huhnana piak uh ciang” ci a, “mi na huh khak uh leh”ci lo hi. Tuabanah huh dingzia kician takin gen hi (n. 1-4). Sawma khat sangatamzaw a piate zong Pasian tungah a lungdamna uh lian ahihmanin tua in Pasian lungdamsak hi (Lk. 21:1-4, 2 Kor. 9:7). Pasian deihna bangin sumte zang (midang huh) lehangvantungah sum a khol kihi ding hi (Mat. 6:19-21, Lk. 12:33-34). Tua banah, ìMidangte tungah pia un. Tua hi leh Pasian in notetungah zong hong pe ding hiÖ..î (Lk. 6:38), ciin ìpia unî cihnaleh piakna hanga a gah om ding hong gen hi.

Paul’ Hong Hilhzia: Midangte huhna tawh kisaiinSawltak Paul in, ìKhaici tawm a vawhte in khaici tawm mah lading a, khaici tam a vawhte in tampi mah la ding uh hi”(2 Kor. 9:6), “Ngahna sangin piakkhiatna-ah lungdamna lianzaw hi”. na khempeuh-ah a zawngkhalte huh ding hi hang” (Sawl. 20:35) ci hi. Piakkhiatna tawh Khristian masate nakpi takin panguh a, Pual in zong hanthawnin, a pesate tungah a lungdamna
thu leh, Pasian in thukkik takpi ding ahihna thu gen hi (Fil. 4:5,14-19; I Kor. 16:1-4, 2 Kor. 8:1-7; Rom. 12:13; 15:25-27; Gal. 6:6; Efe. 4:28; Titus 3:13; James 2:15-17). Piakkhiatna pen apekhiate hamphatna(Fil. 4:17), Pasian leh mihingte a lungdamsak(Fil 4:18, Rom 12:1; 2 Kor. 9:12), Pasian a neih man un pia (2Kor. 8:5) ahihna, amah mahmah in zong mizawngte huh dingpen ngaihsutpi penin a neihna (Gal.2:10) leh na hoih sepcimtakloh ding (Gal. 6:9-10) ahihna thu gen hi.

Isaiah Laibu’ Hong Hilhzia: Isai. 58:7-12 sungah,’piakkhiat dingzia’ bangzah hiam hong hilh a, tuate-gilkialtetawh an ne khawm ding, inn nei lote inn-ah paipih ding, tangguaka omte puan silhsak ding, mi bawlsiatna khawlin, mi simmawhnaleh kam gilo pauna khawlsan ding, kisapna a neite tungah akisapna uh piak ding (n. 7,9,10) cih ahi hi. Tua banga gamtatnahangin ñ Pasian maipha in taanin, liammate damin, Pasian inmakaih tawntung ding a, thungetna leh sapna dawngin, kimkota khawmial pen khawvak suaksakin, lam lak tawntung ding a,lungkim na, cidamna leh thahatna pia-in, tui hoih taka a omnahuan hoih bangsak ding hi. Tua bek zong hi loin, a kisesa muntelamkikin, innkuan /pawlpi /minam cidam suaksak ding hi (n. 8-12). Tua Israelte tunga kigen pen tuni a eite ading ahi hi.

Thukhupna: Khristian innkuan i ngaihsutzia, vangtungmiomkhawm bang dinga i ngaihsutna i laih kisam a, bucinlohnaleitungah a khial thei, a hat lo leh a bah thei omkhopna innkuanahih lam phawkin, tuate hanga thanem lo a, Khris lim leh mel asun innkuan i hih theihna dingin i hanciam kisam hi. Mite tungahkinga loin, Pasian mah mitsuan ding hi hang. Pawlpi/khua/minam/gam a khantoh a, a cidam theihna dingin a thaguipi ahiinnkuan cidam i bawl theihna dingin Khris liansakpenin, Amahpana ki-itna, kimaisakna, kiniamkhiatna,kideihsakna,kipahtawinaneih ding hanciam ni. Tua hi leh Pasian a lungdamding a, vangam malep leiah kiciamkhol ding hi. Tawntung sihna thuak ding mihingte, Khris hong kipiaknaupna tawh sanga, tawntung nuntakna a neite in piakkhiatna abulphuh i Pasian deihna leh lamet bangin, “Kei aa” a cih sawmakhat kim takin pia-in, i pumpi mahmah, i neih leh lam, hun lehni, sum leh paite a kisam mite huhna dingin zang ni. USA, En- gland, S. Korea cihte pen tuni ciang dong missionary a sawlkhiatampente hi uh a, Pasian in zong nuse lo hi. Khaici tam a vawhtein tam at hi. Pasian zahtak a, Amalung kim bang i sep ciangPasian a lungdam ding a, leitung thupha leh vantung thupha ahenhen, a tahtah, a dimletin in hong pe ding hi (Lk. 6:38).

(Sia T. Sawm Lian, in Laitai Editorial Board cialna banga”Khristian innkuan leh Piakkhiatnaî cih thu hong gelhsak maninama tungah kilungdam mahmah hi. Amah tu laitakin ATCHosur ah M.Th a sin lai tak ahi hi)

Source :Laitai#April 2015

Add your comment

Your email address will not be published.