KHANG NO LEH CIH TAKNA- GSPAU

Naupangte nangawn mi citak, mihoih ahihna a gamtatna panun kimukhia thei hi. Pau 20:11) Mi pilte in, ” Naupangnote’ omzia lim takin en leng, a mailam nuntakzia ding uh kigen kholh sak thei hi,” ci-in Amau’ sungah khaici khat om gige khin a, tua pen amau’ omzia leh a nuntakzia uh pan hong kilangkhia hi. Khangno khuasuak i cihte pen kaamphat man peuh tawh a khuasuak kha mawkmawk cih dan hilo uh a, a citak cinten teng mah ahi uh hi.

10801762_625678954205184_3814204341235391344_nUS President 16na Abraham Lincoln (1809- 1865) bang a pa pena mau’ khua sungah a teilo khat hi a, a nu zong zawlta khat hi lai hi. Singluang tawh a kilam inn sungah genthei takin teeng thilthel hi. Ahi zongin amah in Pasian upna leh cihtakna nei ahih manin nikhat ni teh singluang innpan kumpi innkang (Whitehouse) ah hong tung hi.

Piantit galkapmang Napoleon Bonapar-te (1769-1821) bang zong nuntak haksa bangkua sungpan a khangkhia khat hi a, a sangkah leiba tampi mah nei hi. A neu tung mah pan citak ngiat ahih manin nikhat ni teh Piantit galkap mangpi General hong suak hi. Galkapmang a suah khit teh a sangkahna leibate damdamin nung loh kik hi.

Khatvei lai-in Pantanaw khua-ah khangno citak mahmah khat om hi. A pa in sihsan baih a, a innkuan sung nuntakzia uh haksat lua ahih manin College kah kimlai tawp a, Sangsia sem hi. Ama’ omzia leh a cihtakzia Kawlgam Prime Minister U Nu in a muh ciangin paakta a, a gamdang khualzinnate ah tonpih kawikawi ahih manin gam tuamtuam a gam makaite tawh hong kitheih lawh hi. UNO ah Kawlgam palai­in om phot a, a sawtlo-in UNO Secretary Gen­eral hong seem hi. A mah pen U Thant (1909- 1974) ahi hi.

Nidangin Sakollam No. 1 BEHS sang gei a, tu­a Pa Kam Khan Gote’ inn mun tengah singbulka khat po a, tua dawn ah BYG daak kikhai hi. Taaklam khua pan Tedim-ah sang hong kah pasalno khat pen BYG daaksat(beller) citak mahmah khat hi a, ninga(Fri) nitak simin tua singbulka dawn ah kah to-in, daak sat den hi. Tua daaksatpa pen tu-in Zomi sung i muan i suan khat ahi Rev. Dr. Simon Pau Khan En ahi hi.

1970 pawl in Sakollam veeng ah Tapidaw a tangsuah pasalno khat om ngei hi. A nu, a pa leh a sanggamte Lawki sung mah ah omlai uh hi. Tua pa in Sakollam BYG ah citak takin maapang a, guahzu meeikaai nuai-ah kikhop hanciam mahmah hi. Pa Mang Kho Hau in hih pa’ omzia leh cihtak ziate a muh ciangin, “Hih pa peuhmah mailam ah mi thupi khat suak ngelngel in teh,” ci-in gen khol thapai hi. A gen bang teekteek in tua pa pen nikhat niteh mithupi khat hong suak takpi hi. Tuapa pen hong nusia sa Loikaw khua Lawpitha meiset phungpi ukpa Sia Deng Do Lian ahi hi.

1990 kum lai pawl in Myoma veeng A.GKhangno Kilawmtatna (Myoma Youth Fellow­ship) ah naupangte hanthohna pia-in ka pai den hi. Naupangte’ omzia leh cihtakziate ka etciangin kua teng khuasuak ding a, kua teng khuasuak zolo ding, cih ka genkhol thei phial hi. Tua sungah pasalno khat’ omzia leh chtakzia ka muh ciangin mailam ah mi thupi khat hong suak ngelngel dingin ka genkhol ngam hi. Ka genkholh bang teekteek in tua pa pen tu-in mi thupi khat hong suak takpi hi. Tua pa pen Rev. David Go Lian Suum-Senior Pastor, Grace A.G Cuhrch, Yangon leh Founder & Director, Grace Music Institute, Yangon ahi hi.

Source:Zoleng The(Nov 10,2011)

Add your comment

Your email address will not be published.