KHA TAWH BIAKPIAKNA-Rev.Thuam Khan Thang,Dmin

KHA TAWH BIAKPIAKNA

(Jn.4:24) Pasian pen a kimu thei lo kha ahih manin Kha mah tawh biak ding ahi hi. India-ten lamdang a sak khempeuh uh bia ahih manin pasian nam tulzaguk val nei uh hi. A nungta Pasian pen Kha hi a, Kha mah tawh na sem hi. A nasepnate Khamit tawh i muh theih ding kisam hi.

1) Pasian in A tate a kepzia (2Kum 6:8)

Kamsangpa Elisha a khan lai-inSyria kumpipa thahat mahmah a, Israel gam sim sawm hi. Syria kumpipa, a galkap manglian teng tawh Israel gam a simzia ding uh a lupna inndeisungah kikumsim uh hi.Tai zakhat val a kigamla Dothan khua a kamsangpa Elisha in a thu kikup uh khempeuh na za hi.

Syria galkapte Israel gam sim dinginhong kuan uh ciangin hong kuanna munteng panIsraelten na pang uh ahih maninSyria-ten gal lelin ciah kik uh hi.Syria kumpipa heh mahmah ahih manin ka thusimteng Judah kumpi tungaha puaksimna hi uh hiam, ci-in kitom hi. Gal kapmangten i thu kikup khempeuh kamsangpaElisha in avekin zadenhi,acih uh ciangin kumpipa intua kamsangpa va manun ci ahih maninzan khat thu’n galkap tampin kamsangpa Elisha va umcih uhhi.

Elisha nasempa zingsang athawh ciangin Syia galkap honpin a umcih a muhmaninlaulua ahih manin apu va ko hi.Elisha in a nsempa’ mit a kihon nadingin thungetsak hi.A umcih Syria galkapte sangin atamzaw vantungmiten akepna amuh ciangin nasempa lungmuang hi.Syia galkapte mittaw dingin thungen a,avek un amit uh taw hi.Pasian in a tate hongkepzia hih tangthu in honglakhi.

Pasian in Amah amungte hu(Lt91)Topa pen Amite akempa (Lt 121)Pasian in kha sungah hong kepziate,Khamit tawh ih theih dingkisamhi.

2. Pasian in A deih loh i gamtat ding kham hi (Gam.22:1)

Izipt gampan Israel-te apaikhiat uh ciangin Pasian in ompih a,atunna peuh ah galzo hi.Moab gam atun kuan uh ciangin Moab kumpipa lau lua a,Israel mite samsiat dingin kamsang Balaam samsak hi.Balaam in Topa thu dong a,Topa’n phallo hi.Pai teitei a,lampi pan vantungmi in namsau tawh panghi.Aman mu lo in atuanna laain mu ahih manin lauin dianggawp hi.Pasian in aKhamit honsak ciangin vantungmi namsau tawi mupan hi.

I nisim nuntakna ah Pasian deihloh ahih nak leh manpah ding ahihi.Pasian deih loh theinapi a,ngetsak kikkik pen Topan deihlo hi.

Pasian in i nisim nuntakna ah a deih lohte hong kham,hong khak ahih na i khamit tawh ih muhtheih ding kisamhi.

Balaam In Israel mite samsiat loin thupha pia napi,azawh nang uh lampi hilhhi.Tua hangin israel miten Moab mite lel uhi.Balaam in zong sihlawh hi.

3.Haksat hunin Topa’kapna(Pian.21:19)

Abiahang pen Pasian thu amanna tawh kiciamteh hi.Pasian in paikhia d ingin sawl a,thu mangin pai nading thei lopiin paikhia pah hi.Pasian kamciam ta,neih ding lamet omsa nawnlo ahih manin azi thu mangin azi nasemnu Hagar tawh ta neihi.Tua a taneih in innkuan sung buaisak hi.A zipi thu tawh azineu Hagar le atapa Ismael te paikhiasak hi.

Hagar leh Ismael-te nuta a anpuak uh leh atuipuak teng bei-in,sih dingbek ngak uhhi.Ata sawlbuk sungah lawnin akah kiza lo khop dingin tai-in kaphi.

Vantungmi’n asap ciangin amaiah tuivotciim na omhi.Ata delh kikin Anu ta-un dawnin atha uh dimkik hi.

Hih tangthu in ihaksatepn laitak Pasian hongsikna hong lakhi.Pasian hongsik hong donate khamit lo tawh kimu theilo hi.

4.Khamit koici hon ding?(Rom 8:26)

Pasian’ kammal Lai Siangtho simna,Topa tawh kiho denna leh kamtuampau tawh paunate ahihi.Topa tawh hunla in daitakin Topa tawh kihona ahihi.

Kamtuampau tawh Topa hopihna in in nget ding in theih lohte hong ngetsakhi.Pasian mizatte pen topa tawh huntam pipi azangte ahihi.

Pasain pen kha ahih manin Khamit lo tawh ki muthei lo hi.

*Pasian in atate hong kepna,Khamit lotawh kimu thei lo hi.

*A tate hong thuhilhna khamit lo tawh kimu thei lohi.

*Atate hongsikna Khamit kihon ciang bekin kimu theihi.

*Kamtuampau in Kha sung kizopna leh Pasian Kha tawh kizopna ahihi.

Credit : Zangkong Awging #April 2018