KAHLEI – MIZAT

KAHLEI – MIZAT

Defination:
Mi khatpeuh mun sangzaw (higher level) a tun theihna dingin a tuak khak – a phut khak mite pen tua mipa adingin a kidawh KAHLEI ahi uh hi.

@ Mi khatpeuh adingin AHOIH (or) ASIA khat zawzaw nasep sakna tawh tua mi munsang atung theihna Kahlei dingin Pasianin NANG hong zang thei ahih manin, (a) Thapia in thalawpsak kahlei, (b) Na sak luat manin thasan kiksak kahlei, koizaw ah MA na pang nuam hiam?

@ Ka nuntakna sungah ka phutkhak haksatna-nopsakna, simmawhna-angvanna, langpanna-panpihna, guallelhna-gualzawhna, kiatsukna-kahtohna, nenniamna-lapsangna, deihngahna-ngahlohna, thu le late khempeuh in Pasian’ hong sehsaksa MUN ka tun theihna dingin KAHLEI bangin ka tot dinga a kidawh “Pasian’ Vanzatte” ahi uh hi.

@ Nang tawh hihdan a ih ki zopkhak theihna zong hihmun – hihhun ah hihdan in MA a pang dingin “Kei adinga Pasian’ MIZAT” na hi hi.

@ Ka nuntakna sunga thupiang teng sutna laibu ki gelh hileh NANG zong na kihel kha dinga, NANG kihelna tawh ka nuntakna a kilam khawm hi gige ahih manin ka nuntakna kiukhat ading MI THUPI mahmah khat na hi hi.

@ A kahpa sangin KAHLEI HOIH ahi pa mi hampha zaw hi gige a, KAHLEI SIA ahi pa mi hamsia taktak hi zaw gige hi.

@ Mikhat peuh ading KAHLEI na hihna munah: a tawisang – apahtawi – tha apia thei mite pen KAHLEI mah hi a, a paisuakna ding break kangin a khawlsak phot – a lungtang ana sak phot – a thanem lam a kiphawksak – (kiniamkhiatna lungtang a neih theihna dinga) a nengniam te zong KAHLEI mah hi veve uh hi. Ahi zongin a ngah kik ding uh thaman kibang hetlo hi.

@ Nang panpihna tawh mi khuasuak a om leh tua mi tungtawnin hamphatna leh maipha tampi nasang dinga, na langpan ngei khak aleh tuami tawh na kimuh sim in na mai mial in, lunggimna leh maizumna na bek na lawhtak ding hi.

Hanthotna:
– Pasian’ MIZAT KAHLEI veve lak ah mi khat a thapia – a huh – a thahatsak kahlei hih ding utzawk in nei thei tek hizen lehang maw … Mi khat ii siatna sangin a hoihna gen sak ding, sep sak ding thupi asa zaw te hih sawm zen lehang maw ..Ih leitung nak nop ding hiven…!
– Miten hong muhciang Khazih mel mu dinga, ih nuntakna pan khuavak taangin nak thupit taktak ding hivehang mete….!

(JK Kam)

Source :JK Kam FB

no comment

Add your comment

Your email address will not be published.

%d bloggers like this: