JORDAN LUI PANIN GILGAL AH -1

JORDAN LUI PANIN GILGAL AH -1 (Joshua 4:1-21) Rev. Dr. J.M. Ngul Khan Pau

PasianBawm pua siampiteín Jordan gun tui khanglai upna tawh a siksuk uh ciangin leikeu tungah a khe uh kinga lianlian a, a luitui kikhen suakpah loin, upna tawh a sikna ciangciang uh leikeu suak hi ding hi. Tuipi San a kan lai-un a tuipi kikhen khinin leikeu masa hi. Ahi zong Jordan lui a kan ding uh ciangin tui kikhen masa loin upna tawh tui siksukin tua bangin leikeu ngah uh hi. Topaí gam ciam a tun taktak ding uh ciang upna tawh lampai ding a kisapna leh tua gamsunga om mite zong upna mah tawh zo bek ding ahihna lak hi. Tuni in Gilgal mun panin a sinding uh thu pawl khat kikum khawm ni.

1. GILGAL – phawkkikna mun hi (Aneu 2-7, 10): Israel mipiteín Jordan luisung tawnin a kantan khit uh ciangin tua

ciamtehna dinginTopa Pasian in Joshua kiangah Israelnam sawmleh nihte tang dingin siampite dinna mun leh luigei-ah suang phutdingin thu pia hi. Bang deihna tawh tua suangte phut ding hiam cih leh nidang ciangin a tate un hih suangte’ bang ciamtehna hiama cih hun ding gelna ahi hi. Tua suangte a pau theih loh hangin a ging mahmah tawh thugen tawntung ding uh ahih man hi.

Topa muanhuaina thugenna hi ding hi : Topa Pasian in kum sawmli sung tawntung a kepna leh a thuciam ah amah nungkin lo ahihna ciamtehna hi.Israel miteín thuman loin Pasian deihna zong loin a om uh hangin thu a ciampa Topa pen ciam pello, muanhuai, kingak theih ahihna pulakna hi.

Khangthakte awlmawhna suang hi: Topaí na lamdang bawlte amau mit mahmah tawh a mu khang masate a bei ciangin khangthakte’n tua na lamdang bawlpa a phawk ding uh deihna hi (Late 71:17-18). Nu leh pate’n amau nuntakna ah Pasian itna, thuakzawhna leh a mite nusia ngeilo ahih lam ciamtehna hi a; amau tate leh tute in zong tua Topa Pasian bek mah upna tawh khah loin a letkip ding uh lametna hi. Hih i gen ciangin i upna tate leh tute tungah kipia thei ding hiam? Ahih kei leh, bang cih leng khangthakteín Pasian bek mah belhin nei thei ding uh hiam?

Lungdamkohna suang hi : (Late 102:18-20). Topa inamaute adinginama vangliankhuttawh a lamdang abawlte tungah  lungdamkoh ciamtehna hi ding hi. Tuhun ciang zong mualsuangEbenezer cih kigelh tam mahmah hi. Tuni ciangciang hong tonpih Topa ahihna phawkna leh lungdamkohna ahih bangin Israelte inzong Topa tungah lungdamkohna suang phut uh hi.

2. GILGAL -tawldamna munhi(Aneu 18-19): Gilgal mun Israel mite adingin a tawlngakna mun masa hi. Bang hanginGilgal amau adingin manpha hiam cih leh, gamkeu lakah kum 40 sung a pai koikoina panun tawlngakna taktak mun ahi hi. Tua mah bangin gamciam sungah hong lut uh ciangin galdo ding tampi om lai ahih manin tawlngakna kisam uh hi. Tawlngakna a zat siam uh leh thahatna ngah ding uh hi. Nang zong na nuntakna ah galzawhna na neihna dingin tawlngak na kisam hi. Pasian adingin tha leh ngal limpiak nuam lua in tawlnga man loin i om thei hi. Tawlnga loin sep leh bawl ding a neite thupi i sa kha thei hi. I sep tam man maw i sep siam man, koizaw hiam? Hih dotna lite in Gilgal na kisapna hong phawksak ding hi.

Gim leh tawl na kisa hiam, gimna hangin sunglam hawmna, keuna na nei hiam? : Pasian cih loh buang gimleh tawl thei hi. Gimna i cih ciangin na nasepna hangin gimna zong hi thei hi. Tuate panin zong tawlngakzia kisin ding leh, tawlngak hun kipiak ding kisam hi. ëPasian in lei leh van leh a sunga omte a bawlzawh in tawlnga hií kici hi. Amah a gim manintawlnga hi loin, na thupite a bawl khit manin tawlnga hi ding hi. Nasep gimna sangin lungsim gimna puak-hakzaw hi. Tua bang gimpih na nei hiam? Tua gimna hangin sunglam ah keuna nanei hiam? Thungetna zong nei zo nawn loin, Lai Siangtho sim nangawn limna alna nei nawn loin na om hiam?

Midangtemawhna lehhoih lohnamu thei mahmahnapi in nang kisapna mu loin na om kha hiam? : Khalamah i thakiam ciangin miteí hoih lohna kimu thei mahmah napi intuabang hun ciang maisakna leh hehpihna kinei tuan lo hi. Amau hoihlohna pen nang, hoih na kisakna sangin sia-zaw in na muhmanin amau cinlohna genin nei na hi a, ahih hangin nangma kisap lam na kitheihmawhbawl hi. Tua bangin na om leh na pumpi tawlngakna na kisap banah khalam tawlngakna zong na kisam hi.

Pasian in hong mangngilh maw, hong awlmawh nawn lo cih ngaihsutna na nei hiam? : I pianthak hangin Pasian tawh kikholh gigena kinei tuan lo hi. I pianthak ni banginkilungdam tawntung lo a, bah ni leh thakiam ni kinei ciat hi. Khatveivei hong mangngilh ahi tam cih ngaihsutna bang om theihi. Pasian ta cihna kitelna i neihzawh a sawt hangin hongawlmawh nawn lo, hong khual nawn lo ahitam cih hun om hi. David in zong tua bang hun na nei hi (Late 13:1-4). Tua bang ngaihsutna na neih leh tawlngakna kisam mahmah ta cihna hi.

Kha thu-ah Pasian masazaw maw, nangma nopsakna leh hauhna ding lunggulhna? : Topa adingin kakipumpiak hi i cih hangin i sepzia leh gamtatzia leitung vaimahmah kitam hi.Pasian gamsangin eima kipawlna i Pawlpi peuhki-itzaw a, ama gam ading buaipih i kisak laitak in eima gam adinga manlah peuh na kihi thei hi. Pasian min suangin eima nopsaknading inn leh lo peuh i masasak uh hi. Tua bek hi loin thugen dinga nong sap ding uh leh hihzah sum na kiging un peuh kici ngamzanzan hi. Pasian zat loh in inn hoih penpen ka om sangin amakha ompihna leh vangliatna tawh bi inn ah ka om nuamzaw hi.

Sum leh pai hauhna pen Pasian in hong zat leh zatloh tehnain zang himawk leng sawltak Paulte khawng bangmah nei loin nasi uh hi (2 Tim 4:13-16). Sum leh pai neihna in kha tawh kidimnalim ahih leh mi siangtho masate nei uh cih thadah zin leh pemtate bangin amau nuntakna nangawn Topa, adingin na pia uh hi(Heb 11:37-40, 1 Pet 2:11). Hih i gen ciangin sum leh pai neitekhami hi lo ci ka hi kei hi. Tuate ëtehnaí in i zat khak ding lauhnaahi hi. Makaihzia kici laibu khatah ìMi pawlkhat amau hihna akigen ciang degree, reverend, sia, cih bang adeih vilvelte pen amaulungsim ah patauhna nei uh ahih manin mite simmawh lehneumuh ding a laute hi,î cih kigelh hi. Pasian sungah i dinmunleh kipna a theiciante adingin patauh ding om lo hi.

Thukhupna : Abeisa kum sawm lai-in ka laibu sim Jesusfor Money, Sex and Power cih sungah Topa Jesu i meetpihsawm dan nam tuamtuam kigen hi. Mawh maisakna leh hongtatkhiatna thu mah tangkopih in, singlamteh mah i thulu hitawntung hen. Topa in na nuntakna kilam thakna, Amah tawhnisim kikholhna leh gahsuahna hong pia hen.

*********************

Source:Laitai April 2016

no comment

Add your comment

Your email address will not be published.

%d bloggers like this: