HEHPIHNA HANG BEK MAH HI

SINGLAMTEH MA AH ZONG HEHPIHNA HANG MAH HI.
Tua mahbang in Mosses te zong thuciamlui hun,Zeisu piang mapek uh asi ahi zong in, Zeisu singlamteh tung ah asihna hang bek in,hotkhiatna mu uh hi cih LST in hong hilh hi.Mosses hong gol ciang in Faro tanu tapa ki cih ding a ut nawnloh ngam na zong a upna hang mah ahihi.Tom no sung mawh na sung ah nuamtak in om ding sang in Pasian mite tawh gimna thuak ding ut zaw hi.Mai lam ah atha man ding mu khawl thei ahih man in Egpty gam sung a hauh na leh nopsak na khempeuh sang in Khrist hang in simmawhna thuaktak zaw tham hi,ci in angaihsun hi.Mosses pen kumpipa heh ding in lau het lo in Egypt gam panin pai khai a, aki mu thei lo Pasian mu bang kek in anung kik hetloh na zong upna hang mah ahihi.(Heb.11:24-27).
Mosses in Zeisu Khrist pen na nak muh tel mahmah in,Khrist akimuh dahna singlamteh pen leitung minthanna sum leh paii sang in na deih zaw in angtan pih mahmah hi.Tua ahih leh Mosses leh thuciamlui hun lai a thu um hotkhiatna ngah ding khempeuh te in koi bang dan in singlamteh mu thei uh hiam cih in adong hi thei hiteh.Nisim biakbuk a Siampi te nasepna leh singlamteh lim ciin a kithawihna ahi tuuno tawh biakpiakna pan in Zeisu singlamteh gal muh thei uhhi.Thukham palsat mimawh te pen thukham thu bang in suang tawh deng lup ding leh mipi te lakpan in kihawl khia ding ahihi.Ahih hang in suang tawh deng lup ding pen thuak ngam lo in, amawhna tang in tuuno hong kai in,mawh nei pa in tua tuu no lu tung ah akhut nga in amwhna pulaak hi.Tua khit ciang in ama khut mahmah tawh tua amawhna pua ding tuu no pen hong that uhhi.10940514_752578858152657_1572617463892417283_n
Tua bang a tuu no sisan hong luang ziahziah lai pen kuang in adawh sung aa a etlaitak in mawhna ii lipkhap huai zia leh ama mawhna ii poi khoih dan te pen lungsim sukha in hong ngaihsun a,amawhna te hong thei khia ziahziah hi.Tuu no bang mah khialna neilo pen ama khut mahmah tawh hong that lum in sisan luang khia pen hong etlaitak in Khasiangtho in alungsim ah Mimawh te tang a asi ding Pasian Tuu no Zeisu pen ama mawh na hang in hong si ding cih theisak in,mawhnei hi cih kitheihna tawh lungsim sukha mahmah in hong kap in amawhna hong kisik ta ahihi.
A mawhna hang a kithat tuuno pen hong sih tak ciang tua mi mawh pen midik in kisang a mawh maisak na leh midik hi ci in hong kisim ta hi.Suang tawh deng lupthei nawn lo hi.Thu kham in mawhnei a akoihna leh deng lup ding a koihna pan in suakta sak hi.Hih biak buk nasemna pen zing leh nitak pelhlo in nei uhhi.(Siam 1:4;3:7;4:4).Hih in Zeisu Pasian tuuno pen kavary a ih mawhna tang a asih ding cih etteh in,Khrist sihna hang in akhawng khong a mawhna maisak na ngah thei cih kimu sak hi.
Bang ni ciang hiam numei suan lak pan leitung honkhia ding ahi Zeisu hong piang ding a,Eden huan a palsat mawhna sihna han zing nuai a akia te honkhia ding leh ,Eden khawngkhak cheub leh meikuang namsau tawh akicing den pen, hong hon kik ding inkavary singlamteh tung ah sihna lak a dipkuat huai pen tawh hong thuaksak in, sihna leh han khua zing pipen hong zo in,ni thum ni ah tho kik ding a,mawhna saltang te suahtakna jubilee dak hong tum ding hi cih upna tawh ngak lah tak in,nisim in lam en den uhhi.Tua pen gamla pek pan in gam et in na bia khawl uhhi.(Heb.11:13).Tua pen um mah hi cih aki muh thei nang Pasian thukham leh thupiak te zui uh a, mawhna te bawl nawn lo uhhi.Biakbuk nasep na pan nisim in kavary pen na gal et den uhhi.Hih bang a nisim in gan sisan apiakte,Sabbath atanh nate in ahonkhiatna hilo in,zong hon khia thei het lo hi.Tua bang a thukham azuih na khempeuh te pen,a upna alangsak uh hi lel uh a, a upna hang in Pasian thupiak leh a thukham te azui uh hi zaw hi.Tua upna taktak pen Khrist ii dikna man piak kul lo a ngah thei na ding hi zaw hi.
Cih nop na ah thuciam lui a mite in ah Zeisu singlam the pen ahong tung ding na ahih bang in upna tawh amai lam khempeuh ah na gal et uhhi.Um mah hi cih aki lat thei na ding in mawh na bawl nawn loh uh a, Pasian thukham leh thupiak te, Mosses thukham azui uh hi lel hi.Ei, singlamteh khit ciang a mite ,AD 2000 khit mite ciang in ah, nidang lai a thu piang khin sa ahi kavary maul a asi Zeisu pen Upna tawh gal et kik in,tua pen ih upnak leh gupna kingah ding hi.Zeisu in eite mawhna tang dingin si khin a, zong tho kik khin ta hi.Amah ih up takpi nak leh gupna ngah ding te ih hihi.(Ikor.6:11).Tua bang in singlamteh ah kimu khawm thei hi hang.Aki sa thei mite in,Topa hang bek in kisa thei ta hen.(Jer 9:24;1Kor1:310 cih pen hong man ta ahihi.
“lungdamna thu azak uh mah bang in ei te in zong ih za hi”,(Heb.4:2).Tua ahih man in Singlamteh ma thu um mite leh Singlamteh khit thu um mite gupna ih ngahna penTopa Zeisu Khrist ah avek pi in kinga hi.Mi dang kua ma kiang ah gupna omlo hi cih ahihi.Singlamteh ma a hita leh singlamteh khit a hita leh bang hun bang hun ah thukham zuihna hang in ahizong ,na hoih sepna hang in ahih zong inkua mah gupna ngah ding omlo hi.Upna hang in hehpihna tawh upna kingah hi(Ephet 2:8) bek hi.kilam dangna zong omlo hi.zop lai ding.
Ref:khawingaihna vek./Cin Ngaih FB

Add your comment

Your email address will not be published.