Gensiatna-Rev Dr JM Paupu

Gensiatna pen pau se loin om hit­hiatna tawh kizo thei hi. (Aristotle)’Mi khat adingin kigensiatna pen singkung adingin van pan hong kia guahtui tawh kibang hi. Ahi zongin tua guahtuite in singzungte su­sia zah dongin khauh lo hi. (Frank Clark) Nang sangin khua a mu lozawte na gensiat ma’n amau a na paktaknate phawk in (Unknown) Gensiatna, kona, mawhsakna cihte pen mihai khempeuh in sem thei lel a, amau nasep ahi hi. (Dale Carnegie) Steven Mills in gensiatna puakzia ding anuai a bangin na gelh hi.

1.      Hong kigensia ding cih thei khol­sa’n om in:Sepna bawlna sungah ki­gensiatna piang thei ding cih thei inla mipi zong theisak in. A pianma hi taleh a pian laitak hi taleh gamtat luhekzia kidawm in.

2.      Nang le nanq kiqum kei in:Gen­siatna tungtawnin thu theihbeh sawm in. Lim takei leh na cidam nading ahih manin ne teitei in. Hong kigensiatnate lakah ki­lambehna na ngahte ciamteh in.

3.      Hong kigensiatna lakah san theih  ding namte khensiam in:Mi hong gen­siatnate thusim loh luatna le thusimluat­nate lauhuai hi. Khuasik natna pen cancer bangin patauin cancer natna awlmawh loh tawh kibang hi. Nang tungtawnin hamphat­na a ngah dingte gensiatna sangsiam in.

4.   Nang le_nang kikhem ke’n:Ahi takpi mah hiam, ci-in kisit kik in. A gensiam lote gensiatna pen san ding haksa hi.

5.Pasian mah kuppih masa in:Topa aw nong gen nop thu bang? Hih hong kigensiatna pen ahi takpi mahin ngaihsun phot in. Pasian in nang hong kep nop zawk man zong hi thei hi.

6.Kha theihsakna pan maw, Iungso­na pan maw cih khensiam in:Kamsan­na a ngah khat in hehpihna kha thupha a ngah khat sangin tawmvei gensiazaw ding hi. Dam takin a pai nuam khat in a kinawh nuamte gensia hi. Eite’n ei hatna le mite hatlohnate bek i en kha den hi.

7.Gensiatnate a namnamin khen in:papau

Na upna maw, na kalsuanzia maw, nang mahmah hong gensia maw cih thei in. Tua hi leh bang cih ding cih na thei ding hi.

8.Nang’ thu hong kikinpih ahih man-in Iungdam in:Na lawmte hi takei leh lawm bangin ngaihsun inla hong lunghih­mawhpihna uh ah na lungdamna lak in. Tua hi leh amau muhna ah kilambeh ding a ut khatin hong mu ding uh hi.

9.Khat le khat a zo dina kidemna  suaksak ken:Mimal kikapna suak baih hi. Ei lam pan i maan lam i lah nop ciangin a thtitawh sangin a mi peuh kido kha thei hi. Galzawh nading pawlkhatte pen kidona ah leIhna. pan zong hi thei hi.

10.Gensiatna pen khantoh nadinq hamphatna hi:A hoih ding deihna tawh gensiatnate la in. David nuntakna pen a lawmpa Nathan in thumaan tawh a gen­siat manin kikhel hi.

11.Gensiatna tawh kiteh in.Gensiat­na na puaksiamnate’n na nuntakna ah Pa­sian hehpihna na san lam hong kilang sak ahi hi. Khalam kitehna vanzat khat ahi hi.

12.Na khialh leh kiphelh kei in:Nang dik teh, kei khial ing ci-in thum in.

13.i’hukkik sawm kei in:Kigensiat­na pen na vilvel ahih manin puak hak hi. Thuhkik sawm loin khatha tawh kikem in. Hong kigensiatnate mipi maiah thunget­na tawh hemdawn se kei in. ‘Thukikna in kei as hi’ Pasian in ci hi.

Thudam tawh bangci gensiat ding?

A zaten nuam a sak loh ding lauin kuamah a gensia nuam lo mi tampi om hi. Ahi zongin thudam tawh gensiatna pen deihhuai hi. Hoihna a piangsak gensiatna pen ngaihsutkholhna tawh kisam thei hi. 1.Huh nuam taktak in. Hong pimuh dingna ut man hisak kei in.

2.Nang tungah hong kihih leh na deihdan lianin pau inla sem in.

3.Hun hoih ngak in. A lungkim loh laitak,

a buai laitak pen hunhoih hi lo thei hi. 4.Phatbawl lecin hong sangsiam ding hi. 5.Na huh nop lam theisak in. Hong deih-sakte gen pen kisang thei bek hi. 6.Kam siam in, ahi bang na genna tawhmi heh lozaw a, na gensiam loh maninkizadah thei hi.

7.Na gen thute na ngaitsut takpi ahih lam theisak in.

King College ah President a sem Pr Bert Cook in ‘Pasian’ nasem ding ka ki­pat tungin gensiatna ka thuak hi. Thu ka kikuppih ding Lai Siangtho thuthuk a thei Harry A Ironside kiangah pai-in thu ka dong hi. Hong kigensiatnate bangci thuh ding cih ka dot leh Robert aw “Hong kigen­siatnate ahi takpi ahih leh kikhel in, ahi lopi ahih leh mangngilh in” ci-in hong dawng hi, ci hi.

Norman Viocent Peak in ‘A tamzaw kigensiatnaten hong kern a, kiphatna in hong susiazaw hi,,ci hi. Pasian in mi hoih­zaw, makai hoihzaw dingin hong bawlna hi, ci-in i san theih leh gensiatnate puakdan i siam ding hi.(Tongsan hawm 10 le 11 pan kila hi)

no comment

Add your comment

Your email address will not be published.

%d bloggers like this: