FGATulsa Pawlpi Sia te Pianna Zogam lam zuanin dingkhia ta

Full Gospel Assembly International Ministries pawlpi kem ahi Rev.Dr.Dam Suan Mung leh Assistant Pastor Rev.Pau Khan Mung te innkuan pianna Zogam lam hawh ding leh Pasian thutangko dingin tuni May 5,2015 ni-in Tulsa khuapi pan in dingkhia ta uhhi.

Sia.Pau  Mung te innkuan pen Yangon ah nipi khat khawng a omkhit uhteh Pianna Heitui vangkhua(Heilei)ah pianpih laizom sanggam,khuapih tuipih te tawh hunzangkhawm dingin khamtunggam zinto ding uhhi.Tua kawmmah in Pasian thunungta tangkona  amunmun ah nei kawikawi  dinguh a,kawlgam ah khakhat sungbang hun azat khit uhteh June kha ki pat lam in Tulsa ong ciah kik ding uhhi.

Sia Mung Tawng zong tuamah bangin Yangon ah tawmvei aom khitteh Khamtung gamlam ah Crusade bawl dingin Yangon pan,Sia Zelpi,Sia Khualpi leh khangno honkhat tawh Zogam sung leh Mizoram(India) lam ah zinto ding uhhi.Hih khualzin hunsung in Zomi Sungah Lasiam minthang ahi Sia.V C Mang  tawh zong ki thuah khawm dinguhhi.Alem a leh FGA Saizang pawlpi kem ahi Rev.Kham Suan Hang @ Sia Hang in zong zui ding cihthu ki za hi.

Tui Thang Khua ah May 14-17,2015IMG_9656

Laitui Khua ah May 18-21,2015

Old Dal Khai ah May 22-24,2015

Tuisan  Zang Khua ah May 25-27,2015

Aizawl( Mizoram)ah May 28-31,2015

Champhai(Mizoram) ah June 1-3,2015

Tuisanzang khua ah omsungin,Dampi khua ah Full Gospel Assembly Dampi  Pawlpi sanna zong neikawm ding uhhi.Sia Mung Tawng pen July 4,2015 kiim pawl ah Tulsa khuapi ong tungkik ding hi.

Ih siate  khualzin laitak pen tuksung ahih manin lampi ah haksak nawngkai na te omhetlo a,apaipai na khua te ah Topa khasiangtho in kemin,kha sungah khan lawhna thak ong pian theih nangin thu ngetna tawh akua matek in phawk ciat ni.

Tutung siate khualzin nang atom in tua dan tenghi.

Add your comment

Your email address will not be published.