FGATulsa Pawlpi Kum 10 Cin Pawi Ki Bawl

FGATulsa Pawlpi Oct 15,2017 Ni-In Pawlpi kipat zawh kum 10 cin(TinJubilee) Topa tungah lungdam kohpawi nuamtak in ki bawl thei hi.Hih hun sungah Kawlgam pan leh USA State tuamtuam pan in zong siate pawlkhat in zong ong uap thei uhhi.Pawlpi kum 10 cinni inzong Pawlpi sungah Pasian Nasem sia te Pahtawi na zong ki neithei hi.

Full Gospel Assembly International Ministry pen December 18th, 2003 in The State of Oklahoma pan in license ki ngah hi.Pawlpi mihon biakpiak ki khop ki pat ding pen Pasian deih na leh phalna a hun cih te thunget na ki nei to to in, 2007 September kha sung in Topa kiang pan in lamlak na hopih na awkician ki ngah a hih man in, kikhop na ki pat dingin khensat na ki nei pan hi.

Full Gospel Assembly International Ministry pawlpi biakpiak na pen October 7, 2007 ni Holiday Inn [ Mohawk Hall ] 5000 E. Skelly Dr. Tulsa, OK 74136, U.S.A ah Topa sawlna leh upna tawh ki pan khia a, tua ni in Tulsa khuasung a om kawl gam mi u le nau te mi 80 in hong lungdam pih in hong uap uh hi.

2017 kum October ni 8 ni dong inn kuan bul inn 233 leh mi mal in 997ki pha hi. Tu ni dong inn lei khinsa inn kuan 87 pha ih hih man in Pasian min ihphat hi. A lei nai lo te zong hun a cin ciang lei ni, upna tawh ngak ni, inn thak hoihzaw in hong ngak hi.

Pawlpi Tangthu aki Cing in  Zolai tawh >>>http://www.fgatulsa.org/zokam/

Kawlai Tawh >>http://www.fgatulsa.org/burmese/

Mang Lai Tawh >>http://www.fgatulsa.org/english/

Kum 10 Cin Photos te >>https://www.facebook.com/pg/fgatulsamedia/photos/?tab=album&album_id=1664859853578095

Kum 10 Cin Video te >>https://www.youtube.com/playlist?list=PLBTP0VQY6QXaRxdrHQy6sSonLI58CXOBm