FGATulsa ah Nute Ni nuamtak ki bawl

Tukum 2016 Leitung Bupnu te ni FGATulsa ah zong nuamtak leh picing tak in kibawl thei hi.Tu kumin Topa’n FGATulsa pawlpi ah Nu akici limlim(Pasalneisa) mi 159 bang ongpia in,nute ni-in Kumsawm tungsiah apha nungkum sang atam zaw ong behlap hi.Tukum NU TE IN ah Pawlpi kem ahi Rev.Dr.Dam Suan Mung zong ongom thei in ki kha lumtuam mahmah a,tua bek tham lo in Kawlgam pan Sia Khenkip,Sia Khualpi leh Siamah Niang te zong ong kihel thei ahih manun angtang leh hampha i kisa hi.

NUTE mah ongthukhual in,apasal,atu ata te,pawlpi mite,  gilkial a, innlam zuatding ongphallo in,Pizza lim mahmah tawh gilvahtak in ongvak zihziah lai uhhi.Nute zong Pate sangin ahamphatzawk diakna khat uh omsese hi.Tua in NUTE ni ciangin Nu itna,Nute pahtawi na lasa khawngtam mahmah a,lasungah ah zong Nute itna la khawng mah ki limzak pen hi.Pate niteh zong bel a kisa lo hilo-in ahizong in Pate itna,Pahtawi na la sang in,apa te asihkhit teh phawk na la khawng tamzaw sese hi.Zomi Laphuak siam te’n Pate adam lai-in Pahtawi na la tampipi ong phuak lai uh leh zong i ut mahmah hi.

Tukum NUTE ni a photo lak pawl khat pen Facebook tungah kong koih uh a,mimal in ong kikhak zo lo ahih manin nomau deihna,nomau omna te na download in na Save un ci-in ong thum ung.Video bel ahih leh a ngeina bang mah in website ah ettheih dingin ong koih ung.

>> Photo/Mante Laknang in hih teng mekin>>>

NU aki ci khempeuh Lungdamin,Zahtak na ongpia ung.IBiakpasian in Khansau cidam,lungnuam dending in thupha ong piaciat ta hen.Amen

no comment

Add your comment

Your email address will not be published.

%d bloggers like this: