|
 San Antonio khua hong tung kawl gam mi gambeel te lak ah Kayin leh Kaya te ei Zomi sang tam zaw uh hi. Ahi zong nasep na ah zo phalo uh hi. Ahang pen gamgi lam ah nasem lo-in UN te vaksa in sawt om khin lua ta uh ahih man, akhut uh kholo, nasep zia ding dan a khuak un ngaihsun thei lo hi. Khatvei Kaya te khat a inn khansung ah asisa in ki mu a, anatna dingdan a et ciangin zong bang mah mu tuan lo uh hi. Asawt lam te adang Kaya te mah a sisa in na om leuleu hi. Anih veina hi ta aihman Washington zumpi dong athu tung hi. Zato lam leh FBI ten a thu lim kan mahmah hi. Tua pa pen a kam sung a-et leh a san ziazua honkhat mu khia uh a, gu (poison) hi kha ding hi cih tawh lab work bawl uh hi. Tua sungah gu dan dinglah om tuan lo hi. Tua pen kuanza na hi lel tak hi.
Athu hoih tak a kan uh tehh, zingsang a-tano sangkha ding a, bus stand dong pai pih, atun ciang inn ah si hi ziau hi. A nung thu teng tawh a kan tohtoh tak tehh gamgi pan hong pai, ahih na thei uh hi. Gamgi camp sungah nasem lo, haksatna omlo, an bek kivak ahih man in, a khuak in nasem lo a, hi tengah naupang te sangkha, nasem, nasepna pu ten taai, a tate vak ding cih te angaihsut tehh vangik sa lua a, a lungtangin zolo a (heart attack) ngah hi ,” cih mu khia uh hi. tua bang teng tawh UN Agent sem ngei khat in, hehpih huai sa lua a, Kaya teng peuhmah gamgi puakkik ding ngen hi. Ahi zong ama ngetna ki pia lo hi.
Zomi te haksatna tawh khangto a, Ih haksatna Pasian tungah puakzel in ih hih tak the Pasian in hong huh zel in, ih paipai thei pen angtan huai kik leh Pasian phat huai mahmah hi. Haksatna tampipi a phukha mite a khuak in nasem zaw a, nuntakna siam zaw cih kimu hi. tua ahih man haksatna I phut khak the midang te zong ngawh se lo in, Pasian in ka picin na ding ka lampi ah hong koih sak hi, ci-a ih san siam ding ki sam hi. ( na thukim leh na khut lam o)
Thupuak,
John T Hum
|
Phone: 918-286 8673,918-286 8736
To know more about our service timeing and place please click here for detail.
Download itunes
