|
Youth Christmas nuamtak ki bawl thei |
 |
 |
 |
|
News
|
|
Written by Admin
|
|
Monday, 19 December 2011 22:22 |
|
Dec17,2011 ni-nitaklam nai4:00pm-8:00pm dong FGATulsa khangno te in lungdambawl malep ki bawl in nuam kisa thei mahmah hi.Hih lungdambawl pawi bawl na ah kimawl na game tuamtuam zong ki mawl in,tua sung ah Lianpi(Zolengthe),Ciangpi,Neneam te in ong makaih hi.Khangno hun zong a ngeina bang mah in ki nei-in tua sung ah kumkhat sung tawn tung khangno hun ki pelh vetlo a,Pasian mai a zong or a ki khawm den Lia Mangboih zong khangno te in pahtawi naki pia hi.Amah pen khangno sung hita leh pawlpi sung hita leh panmun nei cih bang hilo in,a hi zong in Pasian gam leh pawlpi ading inakisap nana ah a hihtheih zah a,ma pang mahmah khat hi.
 Khangnohun manciang in,Siamah Khawm Niang leh Nu Thianpui te in khangno te ading deihsak natak tawh ong huansak Aksataang ciim lim mahmah gil vah zih ziahin ki nehi.Hih onghuansak te leh a giam a tawl mimal khat kim zong Topa'n azah tampi in thupha ong piaksak ta hen.Tuabek tham lo in inn onghah sak Sia Hau tung ah zong ki lung dam mahmah hi.
Annek khit ciang in khat leh khat Letsong ki khekna ki nei leuleu in lungkim huai mahmah hi.Letsong ki khek na man teh Lia Ciangpi leh Lia Neneam in kibawl na ong ma kaih in,apawlpawl in ki khen in Laisiangtho mun sim kawm in,laisiang tho sungtawh ki tuak in game ki mawl ki nei hi.Gualnop na maimai hi lo in,nisim ih nuntak nasung ah i nuntak pih theih pahpah ding thuvive ahih manin tha ngah vuai mahmahhi.Tawmvei sung in hunte ong bei to hanhan in nitak nai 8:00pm ongsat teh Tg Ciakap thu nget na tawh hun te i man siang hi.Lungdam bawlni ciang in zong khangno te mah in makaih ding a,nupi papi khangno a kua mapeuh suakta tak in Christ mas pawi kham in,hun man teh ki mawl na tuamtuam zong ki bawl ding hi.Ki mutek ni.
|
|
Last Updated on Monday, 19 December 2011 23:03 |
Phone: 918-286 8673,918-286 8736
To know more about our service timeing and place please click here for detail.
