|
Global Zomi Alliance (GZA) Khawmpi Kawlpi (Kalaymyo), Agape Mission Center (AMC) ah nuam takin kipan thei hi. Makaipite sung panin Dr. Simon Pau Khan En, Dr. Felix Bishop Lian Khen Thang, Dr. Cin Do Kham, Dr. Do Suan Mungte hong kihel thei uh a, Dr. Gin Khan Khual leh Dr.J.M Ngul Khan Paute hong kihel thei nai lo uh hi. Meeting kah ding 250 bang a ki lamen hi a, ki lawp mahmah a hih man in 330 bang kipha hi.
A masa pen in khawmpi honna (opening ceremony) ah GZA General Secretary Dr. Chin Do Kham in hong makaih a, President Dr. Simon Pau Khan En in Thu Konghon Thugena (Keynote Address) hong nei in tha kingah mahmah hi. Tua a man khit ciang in Prof Kam Za Mung in hun hong zek sak a, Dr. C. Thang Za Tuan in Zomi & Education thulu tawh thu kuppihna hong nei in dik ki sa mahmah hi.
Nitak lam ciang in Rev. Suang Cin Pau in hun hong zeksak a, Sia Joseph Hang Khan Pau in Community Development thulu tawh thu hong kuppih a, ki phawkthakna tampi kinei hi. Tua khit ciang in, committee 15 te a tuam ciat in thu kikupna kinei a, committee khat ciang in minute 3 ta a thu hoih a muhkhiatte uh gen khiatna kinei sak in tha kingah mahmah hi. Sun hun nuam tak a ki zawh khit ciang in Zomi Baptist Convention of Myanmar (ZBCM) huangpi sung ah Pasian thu taangkona om ding a Rev. Pau Khan Khai in hunkem in, Rev. Do Suan Mung, D.D. in Pasian kammal tawh thapiakna nei ding hi.
ZYA, Siamsin, Vengkem, Agape pawlpi leh kipawlna tuamtuam pan in tanu hong sepsak uh a kizen mahmah uh a hih man in nuam kisa mahmah hi.
Thu taangko:
GZA Media & Communication Department
|
Phone: 918-286 8673,918-286 8736
To know more about our service timeing and place please click here for detail.
Download itunes
