CHARLIE THUNGETNA

America gama Civil War laiin US Army galkap Doctor ka sema, Getisburg kidona ah galkap za tampi takin liam thuak ahihmanin ka sepna Zato inn ah hong koih uh a, mi tampi tak khuttan kul leh khe tan kulin om uh hi. Tuate laka khat tangval khangmoi mahmah lai hi a, galkap a lut zawh kha 3 khawng bek pha pan hi. A khut leh khe tan kul ahih manin ihmutna zatui ape dingpa ka mai ah lut masa hi.

Tua tangvalin ihmutna zatui nap ding na ut peuhmah lo, Doctor muh ding a ut thu na gen hi. Ka lut ciang, “Bang hangaihmutna zatui nam nuam lo na hiam? Na natna nasia lua a, nasisan tam luang khe lua hi. Tua ahih manin na pumpi gim lua a, ihmutna zatui loin kong at ngam kei ding,”ka ci hi. Aman, “Doctor, kum 9 ka hihin ka nuntakna Khris khutsungah ka ap khin ta a, amah ka muang ngiat hi. Ka khut leh khena tan sungin zong thuakzawhna hong pia in teh,” ci hi. “Tuaahih leh zu tawm beek dawnin awî ka cih leh, ” Doctor, kum 5 kaphak laiin ka nu in khukdin kawmin hong kawi a, ‘Charlie zu nadawn lohna dingin thu ka ngen hi. Na pa zu hanga si hi,” hong cihi. Tun kum 17 ka pha a zu ka dawn ngei nai kei hi. Zu ka dawn sangin si nuam zaw ing,” hong cikik hi.

Hih hun laiin Khristiante ka haw peuhmah a, tua bang himah leh hih tangvalno thupi sakna leh pahtakna khat ka neicitciat hi. Zato inn a sem Pastor (Chaplain) muh a ut leh ut lohka dong kik a, muh ut hi. Sawt lo sungin Chaplain hong tung paha, “Charlie si kei ni teh, ahi zong si kha zenzen leteh bang honghih sak thei ding ka hiam ?” ci hi. “Ka lukhap nuaia Lai Siangtho bu neu sungah ka nu omna(address) gelhna ka koih a, ama kiangah ka tawntung inn dingzuanin ka paita hi cih hong gensak in la. Tua banah nisim in LaiSiangtho sim loin ka om ngei loh thu leh ama adingin thu kangen zel hi cih hong na hilh sakin. Tua banah New York a Brook-lyn Pawlpi Sunday School Siate kiangah amaute hong hilh lehhong sinsak thute ka nuntakna dingin phattuampih peuhmahing cih hong na gensakin”a cih khit ciang kei lam hong nga kika, “Doctor, kiging khin ta ing ei hong at ta o, tau vet kei ning”cihi. Keimah zaw in lauhpih in ka tha ling a, tua ahih manin inndei langkhat lamah pai in zu tawm ka dawn hi.

Charlie tunga sa themte ka atkhiat laiin tau het loin thuak a, guh tanna tawh a guh ka tan ciang a lukhap tawh a mai khuh a, ama zak khomin, “Jesu aw kei hong huh in la, ka kiangah omin”ciin thungen hi. A gen bang takin ka at sung khempeuh khatveibeek zong tau loin thuak zo hi. Tua zan ka ihmu thei peuhmah kei hi. “Jesu aw ka kiangahomin” cih thu ka bilkha ah tam den hi. Zan lai khit ciang thoinZato inn ah ka pai a, galkap liam thuak laka 16 a sih khit thuhong hilh uh hi. Tua leh Charlie a sih leh sih loh ka dong pah a, siloin tawldam taka a ihmut theih thu hong gen uh hi. Ni 5 khitciang Charlie in kei hong mu nuam ahih manin hong samsak aka va pai leh, ” Doctor, ka hun tung ta. Zing ciang zing ni suak kamu nawn kei ding hi. Nong kep nong khual nate ah lungdamhong ko ing. Judah mi na hih lam ka thei a, Jesu Khris na uplohthu zong ka thei hi. Ahi zong Jesu Khris a umte si lai tak mel namuh ding ut ing, ka kiangah om gige in,” hong ci hi.

Tua thu pen ka san theih loh lam tak hi a, Jesu min peuhmahhuat cih takin hua ka hih manin ka pai khiatsan hi. Ka office ahka tut laiin Charlie in hong samsak kik a, ahih hang ken, “Tumah mahin mu khin ing” ci in ka nial hi. Hong sampa in Charliesawl bangin hong sam teitei ahih manin ka paikik hi. A room ka tun ciang a nuntakna niam kiat mahmah ta cih kamu a. Ka khut len kawmin, “Doctor, Judah mi na hih manin kongngaina peuhmah a, a hangin ka lawm hoih pen Judah mi ahihman hiî ci hi. Ken, “Kua a hiam?”ka ci pah a, ” Jesu Khris hi. Kakhut leh khete na tan laiin Jesu Khris na up theihna dingin thuka ngen hi” a cih ciang lamdang sain ka thei siam peuhmah keihi. Liamma nasia tak a thuak laiin a natnate phawk kha loin kakha adingin thu a nget theih pen lamdang ka sa hi. Minute 10 khit ciang lungmuang takin ihmu hiaihiai hi. Galkap tampi tak hih Zato inn ah si khin ta a, kuamah hanmualah a luang ka zui ngei kei hi. Ahih hang hih tangvalno luanghanmual dong ka zui hi. Hih tangvalno in a sih dek laia a thugente in ka ngaihsutna khempeuh luah mang khin hi. Sum tampi neiin ka hauh mahmah hang, kum 10 sung peuhmah ka lungsimngaihsutna buai zo hi. A sawtna ciang Charlie thungetna dawninom a, Ka nuntakna khempeuh Khris adingin ki-apin amah kaum hi.

Khristian ka suah khit, kum khat leh a lang a bei khit ciangnitak khat pen Brooklyn venga Khristiante thunget kikhopna ahka kihel a, Nupi upa sim pian khat hong dingto in hih bangin thugen hi. ìLawmte aw, note kianga ka thu gen nunung pen ahihding um ing. Ka tuap a hoih loh manin Doctor in sawt ka damnawn loh ding thu hong hilh hi. A sawt loin ka tapa Charlie tawhvan khawpi ah kituak ding ka hih manun ka nuam peuhmah hi.”Charlie pen i gam adingin galkap ahih banah Khris adinginzong galkap ahi hi. Kidona ah liam thuakin a khut leh khetetansak ahih nungin zong lungkim takin om a, asih dek cianginzong amah a kem Judah Doctor in Jesu Khris a up theihna dinginthu ngetsak lai hi….î Tua thu ka zak tak ciang kidek zo nawnpeuhmah loin a kiangah ka pai a ka kawi hi. ìSanggam nu, natapa Charlie thungetna Pasian in dawng ai ve. Charlie in a genJudah Doctor pen keimah ka hi; tun ken zong Jesu gumpa lehhonpa in ka sang ta hi. Ka kha nuntakna aman tang ta hiî ciinkhitui luangin ka kikawi uh hi.”Mi hoihte thungetna in vang nei a, na lianpi sem thei hiî

(James 5:16)

( Hih thu pen Mark L. Rossvally in Charlie Coulson : The

Drummer Boy cih laibu a testimony a gelh hi. )

Source:LAitai August/2015

Add your comment

Your email address will not be published.