1) Upna ah dinmun kician nei ni
Upna ah dinmun kician i neih ding kitangsam hi. Christian ihih leh kiciantak mah in hi pah a, i upna i sihpih ngam ding leh i daipih ngam ding kisam hi. Lawki-Christian peuh i hih nemnum khakloh ding thupi hi. Zomi galkapbu pawlkhat pen khami lua lo uh a, biakinn nangawn man tak tung den zolo uh hi. Ahi zongin upna ah dinmun khat nei mahmah uh hi. Atung siahte in, "Na biakna kheel in, na zaa hong khangsak ning," ci-in a zol uh ciangin a mau, "ka biakna kheel zolo ding ka hih teh za khang kei zaw ning," ci ngiat uh hi. Pahtaak huai mahmah uh hi. Pasian in a ma' adingin a dingngamte mangngilh ngeilo hi. Zomi sungah Christian ka hi, a ci mi tampite tungsiate maipha ngah nop man bek tawh milim mai khawngah a kun simsim leh milim biakna ading a manlah mahmah khawng peuh zong kiom tuak mawk hi. Tua bang mite in tungsiahte maipha a ngah phial uh zongin Topa' maipha ngah hiaulo uh a, a khntawn in nuamsa tuanlo lel uh hi.
2) Pawlpi kician nei ni
Yangon khuapi sung a teeng Zomi pawlkhat in pawlpi lutna kician neilo uh a, biakinn kici teng ah kikhawm kawikawi pong uh hi. Zomipih dangte tawh zong kikhawl meello uh a, a mau guak tangtat uh hi. A cidam laiteng uh buaina omlo napi, cihmawh namsia khatpeuh hong tuah khak uh teh tavuan a la ding pawlpi om meello thei mawk hi. Tua ahih manin pawlpi khat peuhah kiciantak in lut a, a ki-apna neih ding kisam hi. Tua banah khua kipawlna, beh kipawlna cihte ah zong lut ding kisam hi.
3) Tupna kician nei ni
Leitung ah milawh cing i cihte pen tupna kician nei a, a tupna uh a kheel themthumlote ahi uh hi. US President Abraham Lincoln in, "Leitung ah tupna a neilote mihai pen hi a, tupna a kheel themthum dente mi kicianlo ahi hi. Sikseekpa in siktum pen hei-in seel zel, temin seek zel, adang khat in seek themthum zel leh a tawpna-ah ngot in kisia ding hi. Tua mah bangin i tupna khel themthum leng i nuntakna kisia thei hi," ci-in gen hi.
1) Uuk kician nei ni
US President te in uuk khat peuhpeuh nei ciat uh a, tua in a lungsim uh keemzo sak in, a ci uh zong dam sak hi. Khangham ihi a, khangno ihi zongin kimawl, music tum, sakol tung tuan, laigelh cihte khat peuhpeuh i uuk ding kisam hi. Uuk meel neilo khangnote a lungsim uh zauleen' gawp mang thei a, vakthap nuam deuh uh hi.
2) Kingakna kician nei ni
I nuntakna ah kingak kician leh dinmun kician(Conviction) nei a, thu khel themthum loh ding kisam hi. Leitung ah na lianpipi a seemkhia mite i et ciangin kingakna kician a neite, leh dinmun kician a neite ahi uh hi. Mi pawlkhat in pilna sang pipi nei napi, dinmun kician neilo thei uh hi. Kiim leh paam tungah kinga uh hi. A kigen peuhpeuh hoihsa kawikawi uh a, a thu uh kheel kawikawi den uh hi. Tua bang mite in na lianpi seemkhia zo ngeilo uh hi.
Source:Zoleng the lai hawm
Phone: 918-286 8673,918-286 8736
To know more about our service timeing and place please click here for detail.
Download itunes
