|
1.Khristian innkuan pen vantung mite innkuan bang dingin lamen i hiam? I tehna thupi lua ahih manin Khristian innkuan manphatna leh poimawhna kimu lo thei hi. A bucing lo mihingte innkuan in i kibawl uh a, pilna leh siamna nei lopipi in tanaute i makaih uh hi. Nu hiam pa hiam Pasian thu sungah nungta mahmah napi, a innkuanpihte amah bangin lawp lo thei hi.
2.Davidte innkuan, Abrahamte innkuan leh Jakobte innkuan i et ciangin Pasian innkuan bucinlohna kimu thei hi. Pasian lungtang bang a puapa David zong a nuntak sung sauveipi a tapa tawh kidona in hun zang a, Pasian mi kamsang Eli in zong a tate uk zo tuan lo hi. Topa[mi Samuel in zong a tate na uk zo lo veve a, ahih hangin Pasian innkuanpihte hi veve hi.
3.Topa kamsangte zong a innkuan nuntakna uh kitamtheih het lo hi. Ahih hangin a zi a tate nuntakna panin amaute i en tuan kei hi. Pasian mi, mi hoih Job zong a zi leh tate in a nung na zui tuan lo hi! Lot in zong a zi leh tate hotkhiatna mun na tunpih khin tuan lo a, Jesu mahmah zong a sanggamte in na zui zo khin tuan lo uh hi.
Pastor tate khempeuh pastor hi khin tuan lo a, upa tate khempeuh upa hikhin tuan lo hi. Missionaryte tate khempeuh zong missionary hi 1.khin tuan lo uh hi.
I tate in i nung hong zuihloh hangin LKhristian innkuan hi loIcihna hi lo ding hi. I innkuan sung i pianthak kimloh hangin Khristian innkuan hi lo kici thei tuan lo ding a, i innkuan sungah a hat lo deuh a om hangin Khristian innkuan i hihna a bei hi tuan lo hi. I tehna a maanloh manin Khristian innkuan omdan ding zong i mangngilh/telkhial mawk hi. Amah pen pastor hi a, pawlpi makai hi a, numei makai hi a.. ciin i kiteh uh a, i cing zo kei hi.
Job in a nungtak sung tawntung a innkuanpihte lampi maan na sinsak a, Nova in zong a innkuanpihte nuntak nadingin nna sem hi. I damsung in Khristian innkuan maan tak i suah theih nadingin i hanciam ding a, mai i nawt zel ding hi. Kum tampi sung ka sep zawh ciangin zong Khristian innkuan ka bawl thei tuan kei uh hiLci i om kha hiam? Topa Jesu in sagih vei sawmsagih maisak dingin hong hilh hi. Khristian innkuan pen mite muhna leh tehna pan i cing zo kei zongin, Topa maiah i hihna bangbangin i kilak ding hi. Pasian thu nungta pen hun khat ciang hong po khia pelmawh ding hi. Mite tehna leh muhna hi loin, Topa tawh i kikalah innkuan biakpiakna a nuntak tawntung, a mit ngeiloh ding thupizaw hi.
Source:ZBYF Tangko Feb2012~ Rev. C. Chanchinmawia
|
Phone: 918-286 8673,918-286 8736
To know more about our service timeing and place please click here for detail.
Download itunes
