|
(Tua ahih manin a thupi mahmah Hotkhiatna thu donloin i omleh,suahtakna om thei ngeilo ding hi.Heb.2:3)
1. Christian Tapidaw ka suahna(Mat 28:19): Ka pianna ka pa ka nu kainnkuanpihte dawi bia lawki innkuan sung pan a piang kahi hi.1956kumin Thangnuai biakinn sungah Rev.Lut Khua Pauin thu hong ngetsakintapidaw a tang suah kahi hi.
2.Tui Kiphumna(Mk 1:8): 1961 kum tan 10 ka zawh ciangin,Yangonahtentan kum 3 kahin 1963 kumin kum 18 cing kahih manin,Lanmadaw U NawChurchah Rev.U Aung Than in tui hong phum hi. 3. Leitung vaiteng leh Ci leh sa nopsakna:(Thna 11:9): 1965kum panin kumpi nasemin,Sim leh mal,kawlgam Vaigamah ki khin kawi kawiinna ka sem hi. Omna peuhah tungsiah nuaisiah tawh ki hothei-in,leitung ci leh sa nopsakna namkim,zudawnna,gamvak sabenna cihbangin nopsa in Pasian' thu peuh mah ka awlmawh vet kei hi.Gospel thutaangkonate bang zahpih in,gupkhiatna thu a gente bang limsaangte,upnapailette,tapidaw lampialte hi ci-in a thusim vetlo kahi hi.
4.Tuiphum upna sungah kihel thei ta sam(Joh 5:39-42): 2000 kuminPension la in Pawlpi sungah Upa makai dinmun peuhah om mawkmawkin,Topa Zeisu pen Honpa leh Gumpa taktakin sang meel lo,um meel lopimahin,Lai Siangtho bang ka lim sim mahmah hangin, a khiatna bang hiamcih zong ka thei tuan kei hi. Biakinn Sermonte khawng ngai ngeungauzeltei, Gospel thu taangkonate ah kihel nuam ngeilo,ahi zongin Sivuaipawipite pen gualnopna in ngaihsun in pawi simin bel ka pai thei zelbilbel hi.
5.Piankum 70 naihta,sileng Vangam maw hell khuk(Sawl 2:38):Christiantapidaw suahna leh tui kiphumna tawh,ka sih ciangin vantunggam tunglua mahmah ning,ci-in ki muang takin a om liuliau pa zong kahi hi.1970 kumzawh ciangin gupkhiatna thu hong kilim gen mahmah in,nasiatakin ki taangko hi. Khamuanna gupkhiatna na ngah zo hiam?,ci-in hongdot ciangin no pianma in tapidaw suak khin ing,no neulai in tui kiphumkhin ing,si leng no sangin vantung gam tung zaw taktak ding
hi-ing,ci-in dawngin a ki muang mahmah kahi hi.
6.Gupkhiat khamuan lunggulhna(Mk 10:26-27): Kum 60 pension ka lakkhit ciangin kum tawh kizui-in natna lungtang, sikhang, sikhum,guhnip, zunsip, naakbing natnate a lomtangin ka ngah hi. Ka kum zong70 naihta ing a,hankhuk lam a manawhnawh ta ka hih teh,"Si le'ngvantunggam a tung dingmah kahi tam maw? hell meili khukpi a cihna hoha tung ding kahi tam" cih thu lunghimawhna hong piang hi.Tua kawmkalah Evangelist Pastor Pa Lian za Dal lam hong baang thei zelin, LaiSiangtho leh gupkhiatna thu leh natnate upna tawh damna laakna thutehong kikuppih zel hi. Tua hun sung mahin Pawlpi in Kawlmite' tuibuahhun sung teng Pawlpi mibup Campain hong geel uh a,kei zong gupkhiatkhamuanna thu leh upna tawh pumpi cidamna lak ding lunggulh kahihmanin,haksa taleh Campain hilhcianna ah pai dingin ka khentat ta hi.
7.Gupkhiat khamuanna ka ngah ta hi(Lk 10:9-10): Kawlmite' tuibuah sung,April 12-17,2011 sung Pasianmizat Rev.Langh Za Kap(EBCL,Lashio), Evan.Thang Khan Khen(Khitui Gospel,Yangon), Evan.KhamKhan Langh (Agape Revival Gospel,Kalay)te'n sun thapai in gupkhiatnahilhcianna,nitak simin ki-apna hong bawlpih uh hi. Nitak thumna nitakin mawhna kisikna leh ki-apna ah,"Topa aw ka nu sunga ka om akipanin tuni dongin mimawhpahi ing,mawhna a kici khempeuh ka bawl loh omlo hi, ka mawhna sehnelzahin tamin,tuipi sungah sisan luang hi,ka mawhna teng na singlamtehkhe phungah kong tunpih hi. Topa aw ka mawhnateng hong maisak ta peuhin"ci-in mawhna pulaakin thu ka nget leh,ka khitui ka naptui nasia takin hong luangin naupang bangin ka kap hi. Ka lungamin a puuk kahi hi.
Nitak 4 na ciangin maigual khangnote mai ah dingin khitui naptui tawhki-ap in lungdamin ka puuk leuleu hi. Khua ka phawk loh hun sungin kabilah hong ki ho a, "Ka ta aw na mawhnateng kong maisak khin zohi,thoto in" cih aw za ka hih manin thakhat thu in khua phawkin katuto nemnam hi. Ka lawmte'n khanlawhna la na sasa ta ahih manindingtoin lungdam lua in ka tawn dian hi.Ka pumpi a hawmguak banginomin,a ki genkhia theilo lungnopna ka ngah hi.(Fil 4:7) Teci hongkisam a,"Topa in khamuan gupkhiatna hong pia zo hi.Ka ta aw thoto inhong ci hi. Pasian ta ka hita hi", ci-in nuam lua in teci ka pang theita hi.(Mat 9:2,12)
8.Pasian in taksa pumpi cidamna zong hong pia thuah lai hi(Isai58:11,Jer 17:14): Ka pumpi pen sungkuateng aom nawnlo a hawmpi daninka ci ka sa zaang mahmah ahih manin,"Pasianin ka taksa pumpi cidamnazong hong pia thuah hilo hiam/" ci-in phawkkik sanin,nuamlua inawnghawh ciangin a zatloh a phamawh Bothai kikhep thei pen," Nangkisam nawn kei ciai,satan' vanzat aw taikhia Oo" ci-in pulpit nunglamdenna in ka paiikhia hi. Tua nitak akipanin tuni dong Bothai loin awnglimtakin ka hawh thei ta hi. Ka sikhang,ka zun khum zong dam ta hi. Kanatna dang teng zong dam siang ta hi.Halleluijah! Amen.
9.Topa in Vangam maleep zong hong musak hi(Lk 23:43): Khamuangupkhiat kitelna,taksa pumpi damna ngahna teci ka pan ni zanin,ka mangka tak ki tel loin nidanga ka cia nat ding ciang,zan ka mang sunga kakikholhpih zel nungaknu pen mualheek khatah na paito a,kei zong a nungka zui toto hi. Mualdawn a tun kuan ciangin hong nunghei in " Ka nunghong zui nawn ke'n, zan nitakin kei hong nusia zoteh," cih leh mualnuai ah tuaksukin mang ziau hi. Mualdawnah ka din laitakin ka galkhatmualdawnah taihinnte van banin kilamin khuavak pen mercury meitaang
bangin sun leh zan kitel loin taang heha hi.Tua taihinnte panin,"Awlamdang itna lian", cih khanlawhna la ki sa ziahziah ka ngaih laitakinka bilah hong ki huau a,"Nang na pai nading mun hua sung hi zaw hi.Natunna ding mun zong tua mun mah hi zaw hi," ci-in hong ki hopih hi.
Khua phawk vatin nai ka et leh zingsang nai 3:00 sat pan hi. Lungdamlua kahih manin tho toin lungdamna ka ko hi.Nai 4:00 a sat cianginkisilin nai 6:00 dong lasa in Lai Siangtho simin MorningDevotion ahteci panna ka nei pah hi.
10.Teci panna leh Lungdamna luankhi luang(1The 5:9): Ningana(5)nitakin Pasian in leitung mihingte sung panin mawhna tam a bawl penkei hong mukhia in asinglamteh khe phungah ka mawhna bulomtangpi mah tawh ka zuat cianginmawhmaina bek hiloin,ka ta aw cihna, pumpi taksa damna bek zonghiloin,Vantunggam maleep zong hong musak lailai hi, ci-in nuam luain,khitui naptui luangin kap kawmsa in teci ka pang kik hi.Ka muhkholhsa vangam maleep pan kisa khanlawhna lapi,"Aw A Lamdang ItnaLian" hong sakpih un ci-in la makaite pulpitah samin nuamlua inkikawisa in Zolaam tawh ka pheilaam uh leh nupi papi khangnote zong omtheiloin hong zom uh a,nailang val sung Zolaamvui in ka laamlaam uhhi. Kha Siangtho in hong lawn taktak ciangin a ki om khong theilo a nahi hi.
11.Zeisu Khris sungah hauhna leh khansau nopsakna(Late112:3;Job8:7;2Kor8:9): Ni guk(6) nitak ciangin Upna khaici tuhna,thupha santekipsakna,sathau nilhna kibawl hi. Kum 100 nun tak khansauna,Trillioner sum hauhna, passengers 600 tuan theihna Air Bus 380 te khat lei inleitung kimkotin Pasian' mizat Evangelist,Pastorte Crusade bawlsakding cih,upna thupha Zeisu min tawh la in khaici ka tuh hi.(Trillion khat pen 1,000,000,000,000 ahi hi.)
12. Teci pan thukhupna(Gal 6:14): Leitung ka nuntakna hun nunungtungta a,ka sih ciangin hell meilipi sung a tung dektak kimlai penVantung kham gamnuam tung dingin gupkhiat khamuanna hong pia TopaPasian tung leh Evangelist Siate leh pawlpi tungah lungdamna thu ZeisuKhris min tawh ka ko phapha hi.
Keipen mimawh mikhialpa mawhna ka bawlte kisim zolo ahih manin khatkhit khat pulaak ding in hi zolo ahih manin mawhna bulomtangpi mah tawhTopa Zeisu Singlamteh khe phung ka zuat tatak ciangin Topa inmawhmaina hong pia veve hi.Halleluijah!Amen.
Zeisu Khris pen Honpa gumpa in upna taktak tawh ki-apin thungen peuhle'ng i nget khempeuh a kingahahihi.Khamuangupkhiatna thupha,cidamkhansauna thupha,hauhna nopsakna thupha,gualzawhna thuphate khempeuhzong Pasian in hong pia zo hi. Topa' minthanna hizawtahen.Halleluijah! Amen.
Tawpna thukhupna ahi lo keima i lunggulh tawm,tulaitak a ka dinmunleh ka omdan tawh a kituak mahmah ahi,AD 1100 hunlai a,WestminsterAbbey a Anglican Bishop khat' han tunga kigelh laigualte Zomi laigelhsiampa khat' gelhna tungah tha ngah kahih manin hong hawm sawnsawn
kahi hi. "Ka neulai in leitung ka kheel nuam ahih hangin haksa ka sa: Kamipihte ka kheel sawm, ka kheel zawhloh lam ka thei.
"Ka khua ka tui ka kheel sawm, ka kheel zawhloh lam ka thei: kei kateek semsem ta,ka innkuanpihte ka kheel sawm, ka kheel zo tuan kei:"
Tu'n ka teek tamai, ka kheel zawh khat bek hong om,tua pen KEI kahitamai: Laitat ding ka hita,sawtpi lai pekin kei na ki kheel hi zenle'ng, ka innkuanpihte lawh zo ding: "Innkuanpihte tawh kop zo zenle'ng, ka khua ka tui ka lawh zo ding: Lawh zo ding ka minam,leitungkheel zo taktak ding,ka hih gige lam thakhat thu in ka kiphawk,A HUNOM NAWN LO:"
Pa Thang Za Kang Agape Yangon,Myanmar
VIDEO TAWH ENNUAM TE ADING IN http://fgatulsa.org/video/viewvideo/655/rev-dam-suan-mung/nov-132011-zomi-service-pastor-mung.html
Source:ZZBA Lai hawm
|
Phone: 918-286 8673,918-286 8736
To know more about our service timeing and place please click here for detail.
Download itunes
