|
Lai Siangtho bulphuh: Lk. 15:4-7; Mk. 16:15
Thupatna: Vantung le leitung,leitungle asung aomte khempeuh Pasianpiansak hi-a,Topa aa ahi hi.Tuate khempeuh aman uk hi.Ama thu tawh kizeekin ki zang hi.(1Khang 29:11-12;Sawl 17:24)Tua ahih manin mihingte'ading a thupi penpen in nakhempeuh anei,na khempeuh tungah thunei pa Pasian lungsim tuak ding ahi hi.Mi khat lungsim tuak leng a omlo pizong ki vaihawmsak nuama,lungsim tuak kei leng a om pi zong ki om sakzo lo hi.A thupi pen in lungsim tuak ding ahi hi.Pasian lungsim tuaktheih nading tampi om ding a,tuate sung pan thu khat i gen nuam hi.Pasian lungtuak nasep in kha mangthang zon nasep hi.
Pasian le Topa Jesu lungdam mahmahin pawi bawl nading thu Lk.15:3-7sungah i mu thei hi.Tua lungdam mahmahna thu in a mangsa khat a ki muhkik ciangin, mimawh khat a kisik kik ciangin Pasian lungdam mahmahinpawi bawl ding hi ci hi.Hih nasep pen kha mangthang zon nasep hia,Topa Jesu leitungah hongpaina thubulpi in "Mi hoihte sam dingin hongpai ka hi kei a,mite in a pampaih a mangthang mawhnei mite a samdingin hong pai kahi hi"ci hi(Mat 9:13b).Leitungah hong om sungin hihnasep mah semin van akah ding ciangin kam vaikhak thupi pen lesawlpina thupi pen in lungdamna thugen in a mangthang kha te zon dingnasep mah ahi hi(Mk 16:15). Mawhnei mikhat a kisikkik ciang in akisikkik te tung le a kisikkik nadingin nasemte tungah i Pasian
lungdam lua in vantungah pawi bawl ding ci hi.Tua ahih manin Pasianlungsim tuak nasep cih pen kha mangthang zon nasep ahi hi.Eite lungdamin i pawi bawlnate zong et phat huai ka sa hi.Kha mangthang akimatciangin lungdamkohna pawi i bawl ngei hiam?Mawhnei mikhat kisikkik inPa kiang hong zuat ciangin i lungdampih hiam?Puk kik pah inteh ci-in izahpih kha hiam?
Josef in a sanggam a u 10 te a muh ciangin alungdam in kap hi.Ahizongin a neu pen Benjamin mulo ahih manin a lungkim zolo hi.Pasian inthu umsate a u in hong koih a,kha mangthangte a nau in hong koih hi.Anau uh Benjamin lo in alungkim loh bangin i nau kha mangthangte lo ini U Jesu lungkim zolo hi.Na sanggam moi pen uh kei kiangah nong tonpihkei uh leh ka mai na mu kei ding uh hi,acih bangin kha mangthangteTopa kiangah i tonpih kei leh Topa mai mu lo ding hi hang.Josefsanggamten Benjamin Josef kiangah hong tonpih uh ciangin Josef lungdamlua in gango in pawi a bawl hi.Tua mah bangin kha mangthangte Topakiang i tunpih ciangin Topa lungdam lua in vantungah lungdamna pawibawl ding ahi hi.A pa un zong Benjamin it lua in nong ciahpih kik keiuh leh ka si ding hi ci hi.A ciahpih kik uh ciang zong a pa uh lungdammahmah hi.Josef le a pa Jakob lungtang sukha pen a lunggulh pen uhin anautum pen uh Benjamin ahih bangin i Pa le Jesu lungtang le lunggulhpen in kha mangthangte ahi hi.Kha mangthangte loin i Pa le Jesu omtheilo uh hi.Tua ahih manin kha mangthangte i Pa kiangah i tunpihciangin i Pa le Jesu lungdam lua in a lungsimuh a tuak i hi hi.Pasian lungtuakte Thupha in sulzuihhi.
Josef kiangah Benjamin a tonpih uh ciangin Josef lungdam lua inamaute tawh ankuang umkhawm uh hi.Kha mangthangte i Pa kiangah itunpih ciangin i Pa lungdam lua in eite tawh i ankuangah hong um pihin i nek ding hong sik hong vak ding ahi hi.Benjamin a tonpih uhciangin amaute ading anletui,leeng,puan hoih silh khat ciat,Benjamintungah ngun shekel zathum le puan hoih silh nga pia hi.Tua mah banginkha mangthangte i Pa kiang i tunpih leh Pasian lungsim tuak in anletuilimpen,silhleten hoihpen leh i kisap na khempeuh Topan hong sik dingahi hi.
Thuhilh Siapa in "Pasian in amah a lungdamsakte tungahpilna,theihna,leh lungdamna pia a,ahi zongin a hehpihhuai mi mawhteahih leh a sep bek sisakin,amau' thalawhsa khempeuh,amah alungdamsaktetungah a piaksak hi" naci hi.(Thna 2:26)Topa i lungdamsak nakleh ikisap khempeuh a nei a thei Topa hi-a,aman hong sik ding hi.
Zomite sungpanin zong kha mangthang vei a,khamangthang tampi aman mitampite nuntakna Topan laamto in thupha apiakna i mu hi.Tuatesungpanin:
Rev.Dr Gin Khan Khual te innkuan kha mangthangte ading kapkap inthungen ngen uh a 'Zampi tangval kahnehpa' bang kici liang hi.Pasian in Zampi pan laamto in a sangpen pilna Ph.D dongah thupha piahi.Ph.D hi taleh tuni dong mah kha mangthang vei in kapkap zo laia,gupkhiatna thu mah gengen lai hi.Tu in England ah a zi Sianu HuaiMan Cing zong Ph.D sin in a innkuan un om a,England le Zampi vaikuannabangin a ut hun hun in kawm thei hi. England gamah zong lungdamna thumah gengen uh a,minam tuamtuamte lak leitungbupah Topan zang in thuphapia hi.Kha mangthangte ading in veina tawh a kapkapte thupha insulzuih hi.
Rev.Pau Khan Khai zong Tauleng khua panin Lungdamna thu taangko inkhuata khua pi ah vak kawikawi in Pasian lungsim tuak ahih manin tuinleitungbup gam tuamtuamah Topan lungdamna thu taangko dingin zanghi.Tua bek hiloin Kawlpi ah taih inn,mawtaw,zanglo leh thupha nek zawhloh inTopan pia hi.
Evan.Langh Do Khup te zong kha mangthangte adingin neihsa le khituitawh nasem a,Khitui Gospel bang kici hi.Kha mangthang tampi man inPasian lungsim tuak ahih manin Kansau khuata pan Topan laamto inKawlpi ah taihinn,thupha nam tuamtuam tawh duh bangbang ne zo in Topanthupha pia hi.Topa lungdamsak ahih manin Topan a kisam pilna,theihnate pia in leitung gam tuamtuamah minam tuamtuamte kiangah lungdamnathu taangko dingin Topan zang in siamna tuamtuam zong pia hi.
Rev.Dr Hau Lian Khamte,Rev.Dr.Kam Cin Haute,Rev.Daniel Pau LianMungte,Rev.Dr.Dam Suan Mungte,Rev.Dr.Khai Khan Suante a kipan Pasianlungsim atuakte Topan laamto in thupha a piakna mitampi i mu hi.Pasian lungtuak dingin Topan mi khempeuh zang thei hi.
Pasian lungtuak nasep nadingin Topan mi khempeuh zang thei a,a zatnamun kibang lo hi bek hi.Peter a mawhna ki phawk nadingin aklui na zanglel hi.Tedim khanlawhna ah Rev.Dr.Hau Lian Kham Cialpi bawl nading inlungsim kicinglo Tut Za Go anvak in a nungah a programme teng suang invaksak kawi kawi hi ki ci hi.Jonah in "Ni 40 khit ciangin hih Ninevehkhuapi kisusia ding hi" ci-in lampai kawm in a genna bek tawh mitampite a mawhna uh kisik in Topa kiang zuan hi.Samaria khua miten Jesu amuhna dingun numei ginalo nu na zang hi.Ei zong Topa adingin ki-apleng Topan hong zat nading mun tampi om ding hi.Gen khiatna bek tawhhiloin piakkhiatna,sepkhiatna, thungetna tawh zong Topan hong zangthei hi.A ki phalte Topan zang in thupha pia hi.
Piakkhiatna tawh Pasian lungtuak pawlkhat:
India gamah Pa Neng Za Tun te nupa sikbel khat bek tawh inntuan uha,Topa aw mission nasep nadingin sum hong pia in ci-in thungen denuhhi.Missionary 50 vak zawh nadingin thungen uh hi.Pasian in thupha pia in2005 kum in Missionary 36 vak zo uh hi cih ki za hi.
Yangon ateng Pa Dai Lian Pau te innkuan in ZBC makaihna tawh CCOC hunin Missionary khat vak kipan in Kalay ah innsap in om lai uh hi.CCOCprogramme bei ma in mi 10 ka en zo uh hi,hong cihi.Pasian in thuphapia in tun Yangon,Mandalay,Kalay te ah taihinn le lo , Mawtaw nei in autna mun mun vuah om thei hi.
Pa En Za Kap(Yangon),Pa Vungh Go Lian(Mogoke),Pa Dai Lian Pau(Yangon) ten Crusade bawlna ah Sponser pia in Pasian lungtuak ahihmanun a tate uh a thum un Siahuan (MBBS)suak ciat uh hi.
Ngimna tawsawn laibu atpa Rick Warren in ka pa in kha mangthang veilua in asih ding nangawn laitat thei lo in Zeisu ading kha khat kangah zawh leh ci-in za vei bang tho kikkik hi.Atawpna ah a hih zawhnawnloh teh ka lutungah a khutnga in Zeisu ading kha tampi hon khia incih thupha hong pia hi,tua manin ka laiat te nungta in laibu tam kikhawng pen hi,ci hi.
Kumpinu Esther in a mipih te suahtakna ding ka sih leh zong a si kahi mai ding hi, acih bangin Jesu ading le kha mangthangte adingin kasih leh zong a si ka hi mai ding hi,ka kial leh zong kialzaw mai ninga ci ngam i om diam?Topa ading le kha mangthangte adingin ki apni,kizang ni,pia khia ni,semkhia ni.Rev.Dr.Gin Khan Khual in khamangthangte adingin nei a piate Topa lungdam in,neilo pipi a piatetungah Topa lungdam semin Topa dipngek sukha hi,ci hi.Topa aw koilaimunah nong zang ding hiam ci-in Topa dong in Pasian lungtuak nasep semciat ni.
Thukhupna: Pasian in na khempeuh ngimna nei in bawl a, abawlsa mi,nakhempeuh Jesu ading in a ki piangsak hi,na ci hi.(Kol 1:16,Rom 11:36)Ipilna i siamna,i neihsate i hihna khempeuh Topa aa dingin i zat dingTopa deihna le Topa ngimna lianpi ahi hi.Topa ngimna i tangtung sakhiamRick Warren in nitawp ni ciangin Topa mai ah thusitna i thuakciat ding a,Topan thunih hong dong ding hi.Khat pen Jesu tungah bangnabawl hiam?Nihna pen kong piak thuphate bangci zat na hiam?cih hongdong ding hi,na ci hi.Leitungah i nuntak sungin pawlpi,innkuan ikalsuannate,i gamtatnate,i nuntaknate,i neihsa zeeknate en kik inPasian alungkim diam?Pasian ngimna a tangtung zo diam?Pasian lungsim ituak diam?cih ki en pha kik in Pasian lungsim tuakna ahi kha mangthangzon nasep nadingin i pilna,i siamna,i neihsate zangin Topa tungah kiap ciat ni.Pasian lungtuak inPasian thupha a sang kim thei ciatdingin Topan thupha hong pia kim ciat ta hen.
Source:ZZBA Lai Hawm
|
Phone: 918-286 8673,918-286 8736
To know more about our service timeing and place please click here for detail.
Download itunes
