A ZEKAI MA-IN ~ Lianpu Khupson, Aizawl

Tangval khat in Cancer natna vei hi. A natna in damlam sangin natlam manawh semsem hi. Doctor in ni 30 sung bek a nuntak lai ding thu hilh uh hi. Tua tangvalpa in CD (khui) zuakna a ngak zelnungak khat it mahmah hi. Nisimin ngaihsun sun zel a, a lungsim tawngah vei-in it mahmah hi; ahi zongkhatvei zong a itna thu leh adeihna thu genkhia ngei lo hi.Love

Nisimin tua nungak a muhding lametna tawh CD zuakna sai-ah va pai zel hi. Tua nungak tawh hun sawt lo a kikholh theih zong ama adingin manpha sa mahmah ahih manin paulap dingin a CD zuakte leisak zel hi.Kha (ni 30) hong cintak ciangin tua tangvalpa sihi. A sih khit ciangin tua CDsai ngaknu in tua tangvalpa hong kan hi. Tuatangvalpa teenna inn-ah apai leh tangvalpa nu in atapa pen Cancer natnahangin a sih khit thu na hilha, a tapa room-ah tuanungaknu paipih hi.Tangvalpa rooma va lut uh leh CDtampi tak, a tuamnahonloh-in na om hi. Tua tangval pa in CD pen a kisap hang hi lo, a it mahmah tua nungaknu a muh theih nading bek a lei zel ahihna thu hong phawk uh hi. Tua tak ciang nungaknu zong kideek zo nawn loin nakpi takin hong kapkhia hi; bang hang hiam cih leh, tua tangvalpa CD lei sungah tua nungak in, tangvalpa a itna thu leh a ngaihna thu a gelh na koih zel hi! Ahi zongin zekai khinta hi!

Kua hiam it na neih leh a kai ma-in na itna thu hilh mengmeng in; zing ciang zekai kha thei hi teh.

Source:ZBYF Tangko Nov2013

no comment

Add your comment

Your email address will not be published.

%d bloggers like this: