A DEIHHUAI LAM BEK NGAIHSUN IN

LUNGSIM GALDONA( Zopna)PHUNG – 5

A DEIHHUAI LAM BEK NGAIHSUN IN

“Na up bangin hong piang ding hi” (Mat.8:13). A deihhuaingaihsutna in a deihhuai nuntakna, upna leh lametna piangsaka, a sehuai ngaihsutna in a sehuai nuntakna, uplahna leh lauhnapiangsak hi. Mi pawlkhat, haksatna leh natna a tuak khinte inlametna neih kik ding haksa sa. Lametna neih kik ding haksa isakna a hangin nat ding laua kikepbit nop man ahi hi. Paunak23:7 phawk gige in,”Mi in a lungsim sunga amahmah akingaihsutna bangin ahi hi.”

A beisa kum bangzah hiam laiin kei zong a sehuai lamngaihsun mi ka hi a, ka ngaihsutzia pen hih bang hi, “Na hoihhong tung ding lametna ka neih loh mah bangin, hong tung lotakpi ahih leh zong dahhuai sa tuan kei ning” cih hi. Lungkimloh nading na tampi ka tuak khin ta a, hong sesak thei na tampi ka tungah hong tung zel ahih manin, na hoih hong tun ding lamethaksa ka sa hi. Ka ngaihsutna sehuai ahih manin ka kampauzong sia a, ka nuntakna zong sia hi.

Lungsim tak tawh Pasian thu sinin, kip taka ka up man damna ka ngah nungin, ka phawk khiat masak penin, “Kangaihsutzia hoih lote paihkhiat masak pen ding ” cih hi. Matthai8:13 ah, Jesu in i upna bangin i tungah hong tung ding cih honghilh hi. A sehuai vive tung dinga ka ngaihsut leh ka ngaihsutbangin tung taktak ding hi. Tua laitakin i ngaihsut bangin i deihkhempeuh ngah ding cihna hi pah lo. Pasian in mi khempeuhading geelna kician tak nei a, tua geelna ei deih banga hei theihhi lo. Ahizong, i ngaihsutna leh i kampau tawh thukimpihna ilahkhiat kisam.Pasian in nang adingin a geelte na thei kei zonghih bangin ngaihsun dih ve.Screen Shot 2015-08-30 at 5.34.02 PM

“Pasian in kei adingin bang geelna nei hiam cih ka theih lohhang, hong it cih ka thei a, ka hoih nadingin na khempeuh ahhong sepsak ding a, thupha zong hong pe ding hi”cih ngaihsunin la um in. A sehuai hi loin a deihhuai bek ngaihsun dinginkisakhol in. Tulai taka na tuahkhak thute hoih khollo ahi phial zong in, nang hoih nading in Pasian in sem ding cih kip takinlamen in, tua pen Pasian thuciam hi.

1. I hoihna dingin hong sepsak: “Ama deihna banga semdingin Pasian in a sap, amah a it te adingin na khempeuh a hoihlamin sepsak hi, cih i thei hi” (Rom 8:28). A tung a thu in nakhempeuh hoih khin ci lo a, i hoih nadingin na khempeuh hongsepsak ci hi. Gentehna in Bazar pai dingin na kisa a, ahizong, nacar nungta thei lo ahih manin, thu nih na ngaihsun hi.

“Theita ing ei! Na ka sep ciang buaina khat kituak kha gige.Kasawm bangin ki-om thei lo ding ahi ve, ka sawm khatpeuh kipelhden mai” cih ahih kei leh,” Bazar pai ka ut hi a, kipai thei lo dingai ve, ka car a hoih ciang pai mai ning. Kei ading Pasian in geelnahoih zaw nei hi ding hi. Inn a om kisam zaw hi inteh, lungkimtakin om mai ning ei.” Thu-um mi ten i geel banga thu a pian keileh zong buai pah ding hi lo, Pasian in i hoih zawkna dingin vaihawm hi ding hi, cih i phawk kisam.

A deihhuai ngaihsutna nei mi ihi zongin, ei deihna leh geelnabang tektekin na khempeuh tung khin thei lo a, tua bang hunciang lungkim taka i san siam kisam. A sehuai ngaihsun milungdam thei lo a, a kianga om tawlhuai, phun hat banah midangte khelhna mu thei lua. A hoih tampi a tun hang, a hoihlo khatin a lungsim gimsak hi. A sehuai ngaihsutna ka neih laiin, mi inn thak khawngah valut hi ta leng, muhnopsa a et sangin, baang tunga lai kisuangsualtunga kia khawng gen nuam ka sa zaw hi. Tun bel Topa Jesuin hong suaktasak ta, a hoihna mu siam dingin. A hoih lo zong ahoih lamin Pasian in zang thei cih kip takin ka um thei ta hi. Asehuai ngaihsutna nei mi na hih leh paulap ding a hang om khading hi. Ahizong, Bible in a gen bangin mithak na suak thei hi.

2. Mi thak suahna: ‘Tua ahih ciangin Khris sungah a om miin mi thak a suak hi. A lui nate kikhel a, a thak a piang zo hiî (2Kor.5:17). A tunga Bible thu i muh pen ìMi thakî hi ta cih ahi hi. Mithak na hih bangin a lui nate in Satan sal hong suaksak keihen. Khris sungah mi thak hi in a thak nuntakna i nei ta hi. Nangaihsutna Pasian thu tawh kituak a thak suaksak dingin konghanthawn a, tua banga na cih ciang a hoih nate ngah ding hi teh. Lungdam in, Mi thak na suak zo hi!

3. Kha Siangtho nasep:“A hong tun ciangin, mawhna, sianthona leh thukhenna leitung mite kiangah a pulak ding hiî(Joh. 16:8). A sehuai ngaihsun mi hihna pan suahtakna ngahdingin haksatna khat om a, tua pen thudik maingat ahi hi. Hihbangin thungen dih ve, “A sehuaingaihsutna nei mi kahi a, kikhel ka ut hang kei bekin ka kikhel thei kei hi. Ahizong, Pasian in hongkikhelsak thei cih thei in amah ka um hi. Kikhel ding hun a sawtphial zongin ka beidong kei ding hi. Pasian in kei tungah na hongsem pan ta a, a tawp dongin hong huh ding hi”ci in.

Na khelhnate hong theisak dingin Kha Siangtho sam in, tuapen a nasep ahi hi. Johan 16:8 sunga i muh bangin na mawhnatehong theisak ding a, a hoih nate bang hiam cih zong hong theisakding hi. Nangmah in cih theih nei lo na hih manin a huhna ngenin. Kei zong a sehuai ngaihsun mi ka hi ngei a, ahizong, Pasianin amah muang ding leh a deihhuai ngaihsun thei dingin honghuh hi. A deihhuai ngaihsun dinga ka kipiak ciang, a cilin haksapeuhmah a, ahizong, Pasian vangletna tampi ka muh manin asehuai ngaihsutna khempeuh ka paikhe thei hi. Thudik thuman ka maingat mah bangin nang zong maingat dingin kong hanthawn hi. Na ci a nat ciang, ìKa ci na keiî ci ken, thudik hi lo hi. Hih bangin gen zaw in, ” Ka ci na a, ahi zongPasian in hong damsak kik pah ding hi. Avangletna in kei sungahnasem ahih manin ka dam kik pah ding hiî ci zaw in. ìKa ci na a, ka nat sem leh Hospital ah ka lup kul dingî cih ngaihsun ken.

4. Lungsim kisakkholhna: “Tua mite in Thessalonika khuamite sangin a dik zaw uh hi… deih phat mahmahna lungsim tawhPasian thu sangin, hih thute a man hiam a man lo hiam cih atheih nadingun nisim in Lai Siangtho tel takin a sim uh hi”(Sawl.17:11).Bible in lungsim kisakkholhna nei dingin hong hilhhi. Hih in a gennop pen Pasian in ei ading a geelnate ei deihnatawh a kituak kei leh zong sang thei dinga kisakkholhna ahi hi. Gentehna khat, nungak ka theih ngei khat, a lawmngaih tawhkikhen dingin thukimna bawl uh hi. Nungak in lawmta bangakithuah ding lametna nei lai ahih manin, a lawmngaihpa in phonetawh hopih a, lawmta banga kikholh a ut thu gen dingin lamenhi. Tua nungak kiangah lungsim kisakkholhna nei masa photdingin ka hanthawn hi. A man, “A sehuai ngaihsutna hi lo dinghiam?”hong ci hi.

Hih banga ngaihsun dingin ka hilh hi,ìHih thu ah ka lungkhampeuhmah a, ahizong, Topa ka muang ding hi. Ka lawmngaih tawhka kithuahkik thei uh a, tua dingin Pasian kiangah ka ngen dinghi. Pasian geelna kei adingin hoih pen a, kei deih bangin thu apiang kei zong hangsan takin ka nawksuak ding hi. A hangin keisungah Jesu nungta hi. Haksa hi thei, himah leh Topa ka muangding a, na khempeuh ah kei adingin a hoih lamin hong sepsakding hiî ci in. Hih pen lungsim kisakkholhna hi.

5. Lametna in na a hih theih dan: “Amahin Pasian”thuciamna muanílah dingin ngaihsun lo a, a upna khahsuah hetlo hi. A upna hangin thakhauh semsem a Pasian phat hiî (Rom4:20). Dave tawh Pasian na ka sepna ah mainawttoh zel ka ut uh a, mi tam zaw te ading sep ka ut uh hi. Ahizong, Pasian in geel na tuam khat nei a, mainawtna nei loinkum tawp dong ka sep uh hanglungkim lohna ka nei tuan kei uh hi. Na tampi deih leh lamet ka neiuh a, ka lametna uh mi khattungah kanga uh a,tua pen Jesu ahi hi. Bang hong tung ding hiam cih ka theih loh uh hang, ka hoihnadingun na khempeuh ah hong sepsak ding cih ka thei uh hi.

Mi khenkhatte lungsim ah, “Joyce, ka tuahkhak thu thei leteh ahoih lam a ngaihsutna neidingin hong lamen kei ni teh,î na ci khading uh hi. Rom 4:18-20 sung a sim dingin kong deih hi. Abrahamkianga Pasian thuciam a tun theih nadingin ama lamah lamet dingkhat zong nei lo a, a zi zong gai thei lo cih thei hi. Mihing lamahlamet ding a om nawn loh hang upna tawh lamen hi. Abraham inlamet ding a om lohna mun panin zong lametna nei veve lai hi.

Hebru 6:19 sungah lametnapen i nuntakna adingin i sikkip (an- chor) hi cih hong hilh hi. Lametna in hun haksa sungah zong hongkipsak thei hi. Lametna khahsuah kei in tua loin na nuntakna buaikhin ding hi. Lametna a nei nawn lo na hih phial leh zong tu hunmahmah in lametna thak nei dingin hahpan in. Nang deih bang tekin thu hong piang ding cih kam kong ciam ngam kei a, ahizong, haksatna nuaiah zong Abraham bangin lamen in. Pasian in nalamdang nang tungah hong tungsak thei hi.

Lai Siangtho ka deih pente laka khat Isa. 3:18 sung thu hi a, nang zong hih thu lim takin lungngai sin dih ve, lametna thupi takhong pe ding ai ve. ” Tua ahih ciangin note hehpih nuamin Topa inhong ngak hi; note tungah hehpihna hong lah ding amah kipaktahi… Topa pen a thutang Pasian ahi hi; amah a muangte khempeuhthupha ngah ahi hi.”

6. Lauhthawnna lungsim: Zingsang khat, Lai Siangtho ka simkhit teh kibual inn (bathroom) ah lutin sam ka hiat laitak kalungsimah lauhna, a sehuai khatpeuh hong tung dinga theihna kanei hi. Tuaci banga ngaihsutna leh lauhna ka nei thei zel hi. Thungetna tawh Pasian ka dong a,”Topa hih ngaihsutna bang hipeuhmah hiam?” ka ci hi. Topa in, “Gilo kihil kholhna” (Evil Fore-15boding) ahih kei leh, “Lau dingakhemna” cih ahi hi. Ka nuntakna pen ngaihsutna hoih lo leh khemnate hangingenthei takin zang zel ka hih lam ka phawk khia hi. Khatvei veinuntak a haksa taka ka om hun om a, tua bang haksatna om loinzong nuntak genthei a ka om hun zong om veve hi. A hangin tuangaihsutna hoih lote in nuntakzia susia a, hun hoih ngah nawn loding leh Pasian hong piak hamphatnate zang thei lo dingin hongsiam na hi gige.

7. Hoih takin na lei kembit in: “Nuntakna deih in hunhoih a mu nuamte in kam sia pau kei hen la, zuau thu gen kei tahen” (1Pet.3:10). A tunga thu panin, nuntakna deih, hun hoih munuam, gitlohna pan a lungsim leh a leii kepbit cihte thu kizom ahihi. A sehuai ngaihsun mi leh siatna sungah a om khin na hi phialzongin, lamdang thei lai hiteh, kei zonghong kilamdangsak ngei zohi. Kha Siangtho huhna leh hun tampi kisam himah leh manphapeuhmah hi. Na tungah bangbang piang ta leh zong Topa tungahupna nga in la, a deihhuai thute bek lungngai in.

Source : Laitai August 2015

Add your comment

Your email address will not be published.