ကျေးဇူးတင်တတ်ခြင်း

ကျေးဇူးတင်တတ်ခြင်း
****************
လွန်ခဲ့သည့် (၁၀)နှစ်ကျော်က မလေးရှားတွင် အလုပ်လုပ်နေသော ကိုစိန်ဂျွန်သည် ဖျားနာ၍ဆေးရုံတက်နေသော သူ့သူဌေးဆီသွားပြီး အလုပ်ပေးသောကြောင့် ကျေးဇူးတင်ကြောင်း၊ သူဌေးကြောင့် မိသားစု စားဝတ်နေရေးအဆင်ပြေကြောင်း။ သူ့ညီမ(၃)ယောက်ထိ သူဌေးဆီက ရသော လစာနှင့် ကျောင်းထားနိုင်ပြီး ယခု ကျောင်းပြီးနေကြပြီဖြစ်ကြောင်း သွားပြောလေ၏။
ထောင်နှင့်ချီသော အလုပ်သမားတစ်ဦးတစ်ယောက်ကမျှဆီက ကျေးဇူးတင်စကား မကြားခဲ့ဖူးသော သူဌေးက အံ့ဩပြီး သူနှင့် ထမင်းအတူစားရန် ဖိတ်ခေါ်တော့သည်။ စိန်ဂျွန့် မိတ်ဆွေများက မယုံနိုင်ကြ။ သာမန် အလုပ်သမားဖြစ်သော ကိုစိန်ဂျွန် မဆိုထားနှင့် မန်နေဂျာအဆင့် ဝန်ထမ်းများပင် သူ့သူဌေးနှင့်အတူ ထမင်းမစားဖူး ကြပေ။ လောကသူဌေးများနှင့်တောင် ကျေးဇူးတင်ခြင်းစကားတစ်လုံးက ဤမျှလောက် ထိရောက်လျှင် ဘုရင်တကာဘုရင်ဖြစ်တော်မူသော် ယေရှုအား ကျေးဇူးတင်စကားပြောခြင်းအတွက် မည်မျှထိရောက်ပါမည်နည်း။

နူနာတစ်ကျိပ်(၁၀ ယောက်)တို့သည် ခရစ်တော်က အနာရောဂါ ပျောက်ကင်းကြပြီး
ထိုသူထဲက တစ်ယောက်သောသူကကိုယ်တော့်ထံ လာ၍ ခြေတော်ရင်း၌ပြပ်ဝတ်၍ ကျေးဇူးကြီးလှပါတကားဟု
ဝန်ခံလေသည်။ ထိုအခါ ယေရှုက တစ်ကျိပ်သောသူသည် သန့်ရှင်းခြင်းသို့ ရောက်ကြသည်မဟုတ်လေ၊ ကိုးယောက် သောသူသည် အဘယ်မှာနည်း ဟု မေးခဲ့သည်။(လုကာ ၁၇-၁၁-၁၇)

လောကတွင် လူသားများပင်လျှင် ကျေးဇူးတင်စကားပြောခြင်းသည် တကယ်ကောင်းမွန်သော ကျင့်ဝတ်တစ်ခုဖြစ်သည်။ တစ်ခါက အမျိုးသမီးတစ်ဦးသည် ကျောင်းသူတစ်ဦးအား ကျောင်းတက်ရန် စတာလင်ပေါင် ၁၀၀၀ ထောက်ပံ့သည်။ ပိုက်ဆံပေးသောနေ့တွင် ထိုကျောင်းသူက အပျော်လွန်ပြီး ဘာပြောရမှန်းမသိပဲ ကျေးဇူးတင်စကားပြောဖို့ မေ့နေ၏။ ထိုအခါ ထိုအမျိုးသမီးက စတာလင်ပေါင် ၁၀၀၀တောင် ပေးတာ ကျေးဇူးတင်ကြောင်းမပြောသောသူဟု စိတ်ဆိုးနေပြီး နောက်တစ်ခါ လုံးဝ စကားမပြောတော့ပေ။

ဘုရားလိုချင်သောအရာသည် ကျေးဇူးတော်ချီးမွမ်းခြင်းယဇ်ဖြစ်သည်။ ကျေးဇူးတင် တတ်ခြင်းဖြစ်သည်။
သင့်ပတ်ဝန်းကျင်၊ သင့်ကျန်းမာရေး၊ အခြအနေအရပ်ရပ်သည် ကျေးဇူးတော်သက်သက်ဖြစ်သည်။

ယနေ့သင့်အသက်တာတွင် ဘုရားသခင်အား မေးခွန်းထုတ်သော အသက်တာဆိုပါက ဘုရားရှင်အား သံသယရှိနေခြင်းဖြစ်သည်။ ကျွန်ုပ်တို့သည် ဘုရားရှင်အား မည်ကဲ့သို့သော မေးခွန်းကို ထုတ်ခွင့်မရှိပါ။

လက်ဖက်ရည်သောက်တဲ့အချိန်မှာ စားပွဲလာထိုးပေးသော စားပွဲထိုးကို ကျေးဇူးတင်ကြောင်းပြောပေးပါ။
ဟော်တယ်၌ တံခါးလာဖွင့်ပေးသော BELL MAN များကို ကျေးဇူးတင်ကျောင်းပြောပါ။ သူ့အလုပ် လုပ်နေတာပဲလို့ မတွေးပါနဲ့။ ဖုန်းလာဆက်တဲ့သူ၊ Email လာပို့တဲ့သူကို ကျေးဇူးတင်ပါ။
လောကမှာ ဖုန်းဆက်ဖော် မရှိသူတွေ၊ အပေါင်းဖော်မရှိသူတွေ၊ စကားပြောဖော် မရှိသူတွေ အများကြီးရှိပါသည်။ ထိုအရာများအတွက် ကျေးဇူးတော် ချီးမွမ်းပါ။ အရာရာ၌ ကျေးဇူးတော်ချီးမွမ်းကြပါစို့။

Rev. Dr. DAM SUAN MUNG
6.3.2016 SUNDAY တရားဟောချက် မှ ကောက်နှုတ်သည်။

Source :FGA Yangon FB

Add your comment

Your email address will not be published.